Kwidzulitsa 17:8 - KITABU KITAKATIFU

⁸ Ni li va ni li twula likuva lidinyu kutama ive mu likalaga, hagati ha masahi namasahi, na hagati hekiyalo nekiyalo, na hagati heliduya neliduya, nago ga veye lihangalidzana mu viribwa vivyo; hene yaho u singire, wanegire u tsie ha Yahova Nyasaye wowo a la tovola;

Kwidzulitsa 17:8 ပူးပေါင်းရင်းမြစ်များ

2 Samweli 15:2

Na Abisalom ya vuka mabwebwe, na a singira ku nyasi ku inzira yekiribwa: na ga duka, ku vosi wa li nelivanzwa lya mu dukira kutsia ku mwami a duke kumukalagira, hene yaho Abisalom ya langa uyu, nokumuteva, U veye welidala ki? Naye ya vola, Inze mutumekiri wowo mbeye wehiri indala ya Israeli.

1 Kyetsinyinga 26:29

Ku Vaizihari, Kenania navana veve va li ku miyinzi gyekyova ku Israeli, kuva vanyampara, navaka lagi.

Kutwula 18:15

Na Musa ya volera navizala wewe, Kigira avandu vadza ku inze kuteva Nyasaye:

Kutwula 18:26

Navo va kalagira avandu kazozo: na makuva madinyu va leta ku Musa, navutswa makuva makekeke va kalaga avene.

Kutwula 21:20

Mundu na a kuya mutugwa wewe, kinga mutugwa mukana wewe, nempimbo, na a kudzira mu mukono gwigwe: ligali a la vanzwa.

Kutwula 21:22

Avandu vaviri ni va kupana, ni va saliridza mukali u veye inda, kuduka kwononya livereka lilye, navutswa ubudamano ni bu vula kumedeka; ligali a la tungidzwa kuli musatsa womukali a la vika kuye; naye a la tunga kuli avakalagi va vola kuye.

Kutwula 21:28

Ing'ombe ni i va ni i tumita mundu musatsa kinga mukali kuduka a kudze, ligali ing'ombe i liitwa na magina, na inyama yayo i ta libwa mba; navutswa mwene ing'ombe a la lekwa.

Kutwula 22:2

Mwivi na a loleka na a hudulanga, na a kuywa kuduka likudza, si a la vanzirwa masahi gege mba.

Kutwula 22:8

Na mwivi na a vula kunyoleka, mwene inyumba a lisunda imbiri wa Nyasaye, kulola na a veye iye wa nyira mukono gwigwe kuvugula viju vyowakye, naho si a li iye.

Ezekieli 44:24

Na mu mahangali gamakuva va la singira va duke kukalaga; va la kalaga kuli likalaga lyange: na va la gumira malago gange na miima gyange mu masavo gange gosi; na va la takasa masabato gange.

Haggai 2:11

Ya hova wa mahe a vola ndi: Mu teve avasalisi ku makuva gelilaga, mu vole,

Malaki 2:7

Kigira ga dukira minwa gyomusalisi kulinda limanya, kandi ga va dukira kwenya lilaga mu munwa gwigwe: kigira a veye mutumwa wa Yahova wa mahe.

Livalidza 35:11

kunangwa mu la tovola amadala kuva gobuhaliru ku mwinye, mundu ku vosi yiita mundu ku matava a nyala kwirukira mu.

Livalidza 35:16

Navutswa ni i va a mu duya nekindu kyekivya, naye na a kudza, uyu a veye mulumindi: na mulumindi ligali a liitwa.

Kwidzulitsa 1:17

Mu ta henza magondo gavandu mu likalaga; mu hulire avakekeke navanene kuleng'ana; mu vule kutia mumoni mwomundu kali mulala; kigira likalaga li veye lya Nyasaye: nelikuva li mu tama mu lete ku inze, nda li hulira.

Kwidzulitsa 12:11

inyinga yeyo ga la vaha Yahova Nyasaye wenyu a la tovola, a vike ho lieta lilye, ha zana yaho mu la hila ho vyosi vya nda mu laga: vihaanwa vyenyu vyokusambwa, nevisyuviriru vyenyu, netsizaka tsyenyu, nevihaanwa vyokudigululwa vyamakono genyu, nevyokulagana vyenyu vyosi vi tovole vya mwa vika ku Yahova.

Kwidzulitsa 12:14

navutswa ha Yahova a la tovola mu ihiri indala yoyo, ha zana u la haanira ho vihaanwa vivyo vyokusarnbwa, na ha zana u la kolera ho gosi aga nda ku laga.

Kwidzulitsa 12:5

Navutswa ha Yahova Nyasaye wenyu a tovola ku tsihiri tsyenyu tsyosi, a vike ho lieta lilye, ha veye hokumenya hehe, mu yekidze tsimoni tsyenyu ha zana, nokutsia ho;

Kwidzulitsa 19:17

hene yaho vandu va hangalidzana ku makuva yaga, va singire vombi vaviri imbiri wa Yahova, imbiri wa vasalisi navakalagi, ava li vaho mmadiku yago;

Kwidzulitsa 19:4

Yiyi nenkuva yomulumindi u lirukira yo nokuhona: wiita wakye bugira kusaavira, kinga si a mu dunyira kutwula kale;

Kwidzulitsa 21:5

Navasalisi avana va Levi visunde himbi; kigira nivo ava Yahova Nyasaye wowo ya tovola va mtumekire, nokugasidza mu lieta lya Yahova, na ku makuva gavo lihangalidzananga lyosi na maduya gosi ga la kalagwa.

Kwidzulitsa 25:1

Ni li veye ho lihangalidzana hagati ha vandu, ni vadza mu likalagirwa, avakalagi va va kalagira; hene yaho va he mulungi ubulungi, na va kalagire wamahyolo.