Kwidzulitsa 17:20 - KITABU KITAKATIFU

²⁰ mwoyo gwigwe gu ta gingwa igulu ku avamwavo veve, kandi a ta girunkana mu lilaga ku yeka ku mukono mulungi, kinga mukono mmosi: a duke kukola madiku gege manyingi mu bwami bwibwe, uyu navana veve hagati ha Israeli.

Kwidzulitsa 17:20 ပူးပေါင်းရင်းမြစ်များ

2 Samweli 22:23

Kigira miima gyigye gyosi gya li imbiri wange; Na si ndavukana namalago gege.

1 Avami 11:34

Navutswa si nda twulidza ubwami bwosi mmukono gwigwe; navutswa nda mu kola a ve munene madiku gelivamwoyo lilye lyosi, kigira mutumekiri wange Daudi, wa nda tovola, kigira uyu ya gumira lilagana lyange namalago gange;

1 Avami 11:36

Na nda ha mwana wewe ihiri indala, umutumekiri wange Daudi a duke kuva netaya yokwaaka imbiri wange madiku gosi mu Yerusalemi, lidala lya nda tovola nduke kuvika lieta lyange mu.

1 Avami 15:3

Ya genda mu ubwoni bwosi bwa dada wewe, ya tanga kukola imbiri wewe; mwoyo gwigwe si gwa li mudukiru halala na Yahova Nyasaye wewe, kuli mwoyo gwa dada wewe Daudi.

1 Avami 15:5

kigira Daudi ya kola bulungi imbiri wa Yahova, si ya girunkana kuleka likuva lya Yahova madiku gosi gelivamwoyo lilye, ni ga ta li ku likuva lya Uria Muhiti lyeng'ine.

1 Avami 2:3

u gumire lilaga lya Yahova Nyasaye wowo, u gende mu tsinzira tsitsye, kugumira amalago gege, nemiima gyigye, nelikalaga lilye, nelilolekidza lilye, kuli ga ng'odwa mu itorati ya Musa, u duke kugasidzwa mu gosi aga u kola, na hosi ha u henzanga;

2 Avami 10:30

Yahova ya volera Jehu, Kigira wa kola bulahi kudukidza a ga li malahi imbiri wetsimoni tsyange, na wa kolera inyumba ya Ahabu kuli gosi aga li mu mwoyo gwange, avana vovo kuduka ku kisukululwi kya kane va likala ku intebe yobwami bwa Israeli.

2 Avami 14:10

Ligali ive wa guuta Edom, nomwoyo gugwo gwa kwigingiridza: wiidzominye ku yago, nokumenya hango hoho; kigira ki wegemeranga u luhe u gwe, ive, na Yuda halala nive?

2 Kyetsinyinga 25:19

Wa vola, Henza, ive wa kuya Edom; mu mwoyo gugwo gu kwegingeridza no kwegingira; menya ingo kalunu, kigira ki wevikanga vutswa mu busaliri, u luhe u gwe, ive, na Yuda halala nive?

2 Kyetsinyinga 26:16

Navutswa lwa ya mala kunyola tsingulu, mwoyo gwigwe gweginga, na a kola ubudamano, nokuhyola ku Yahova Nyasaye wewe; kigira yingira mu litempeli lya Yahova a duke ku vuyidza ku bwali bwokuvuyidza vimuli.

2 Kyetsinyinga 33:12

Na lwa ya li mu kivi, yanira Yahova Nyasaye wewe, ni yegehidza ligali imbiri wa Nyasaye wavuguga veve.

2 Kyetsinyinga 33:19

Ka ndi lisaala lilye, na kuli ya hulirwa, nobwoni bwibwe nelihyola lilye, na hadiguluku ha yombaka, nelisingeridza lilye misala gyemisambwa, neki fwananyi kyokuvadzwa, lwa ya li na a kikiri kwegehidza, henza, vyosi vya ng'odwa mu makuva ga Hozai.

2 Kyetsinyinga 33:23

Naye si yegehidza mwene imbiri wa Yahova, kuli Manase dada wewe yegehidza; navutswa uyu Amoni ya kiridza ubwoni.

2 Kyetsinyinga 34:27

kigira mwoyo gugwo gwa ii mudoto, wegehidza imbiri wa Nya saye, lwa wa hulira makuva gege ku hano, noku yavo ava menyanga ho, na wegehidzi imbiri wange, na u tanduye tsingubo tsitsyo, nokulira imbiri wange; Yahova a vola, Inze nku huliye.

Zaburi 119:102

Si ntwuli ku malago gogo; Kigira ni ive u nzegidzi.

Zaburi 132:12

Avana vovo ni va va ni va gumira lilagana lyange Na lilolekidza lyange lya ndi vegidza, Avana vavo kandi va likala ku intebe yoyo yobwami mihiga gyosi.

Zaburi 19:11

Kandi ku yaga mutumekiri wowo a gerehidzangwa: Mu ligumira yaga li veye madanyi manene.

Tsing'ano 10:27

Litia lya Yahova li meda madiku; Navutswa mihiga gya avadamano gyi la gehidzwa.

Tsing'ano 27:24

Kigira ubutugi si bu veye bwemihiga nemihiga; Kandi itaji i nyala kuhindira ku makula gosi?

Kohelethu 8:13

navutswa si bu la va bulahi ku mudamano mba, na si a la meda madiku gege manyingi mba, aga veye kuli kiriri; kigira si a tidzanga imbiri wa Nyasaye.

Isaya 2:12

Kigira li la va ho lidiku lilala lya Yahova wa mahe, ku gosi agekirage na goluyai, noku gosi aga diguluka; ga likidzwa hasi;

Habakuk 2:4

Henza, mwoyo gwigwe gu vimbi, si gu veye mulungi muye mba; navutswa wobulungi a la va mwoyo ku lisuuvira lilye.

2 Vakorintho 12:7

Kandi kigira ubunene bwelilang'aminywa yilyo gase nda nenehidzwa kuvita kigero kyange, nda hebwa lifwa mu mubiri, mutumwa wa Setani a duke kunkupidza kivi, mbula kunenehidzwa kuvita kigero.

Kwidzulitsa 12:25

U ta ga iia mba; ga duke kuva bulahi ku ive, navana vovo inyima wowo, lwa u li kola ga veye malungi imbiri wetsimoni tsya Yahova.

Kwidzulitsa 12:28

U limle makuva yaga gosi ga nku laga, nokugahulira, ga duke kuva bulahi ku ive, noku avana vovo mihiga ne nihiga, lwa u kolanga aga veye rnalahi namalungi mu tsimoni tsya Yahova Nyasaye wowo.

Kwidzulitsa 12:32

Ku gosi ga mmu laga, mu henze ku nokugakola: u ta meda ku, kinga u ta gehidza ku.

Kwidzulitsa 17:11

kuli liva lye lilaga lyava kwegidza, na kuli likalaga lya va ku volera, u kole ndiyo; u ta girunkana kutwula ku likalaga lya va ku mannya, kutsia ku mukono mulungi, kinga mmosi.

Kwidzulitsa 4:2

Ku makuva ga mmu laganga mu vule kumeda ku, kinga kugehidza ku, mu duke kugumira malago ga Yahova Nyasaye wenyu aga inze nda mu laga.

Kwidzulitsa 5:32

Kunangwa mu linde mu kole kuli wa Yahova Nyasaye wenyu ya mu laga: mu ta girunkana ku mukono mulungi kinga mmosi.

Kwidzulitsa 8:2

Na u lidzulitsa inzira yosi ya Yahova Nyasaye wowo ya kwimirira mihiga makumi gane mu kyangalangwi, a duke kukugehidza, nokukugeridza, a manye aga veye mu mwoyo gugwo, kuli ni wenyanga kugumira amalago gege, naho mba.

1 Petro 5:5

Kandi ndiyo mwinye avanyerere, mwegehidze ku vakulundu venyu. Kandi mwinye vosi mwivike ubwegehidzi, mu duke kutumekirana avene navene: kigira Nyasaye a hingiranga avigingiri, navutswa avegehidzi a va hedzanga tsimbabasi.

1 Samweli 10:25

Hene yaho Samweli ya volera avandu kuli ga la va agobwami, naye ya ga ng'oda mu kitabu, na ya ki vika imbiri wa Yahova. Na Samweli ya sendukidza avandu vosi, sa mulala a tsie mu inyumba yeye.

1 Samweli 15:23

Kigira ubutingu bu veye kuli ubwoni bwobulogi, nobudinyu bwomwoyo bu veye kuli kusigamira misambwa nevifwananyi. Kigira ive wa sula likuva lya Yahova, naye u suye ive u vule kuva mwami.