Kwidzulitsa 17:16 - KITABU KITAKATIFU

¹⁶ Navutswa a ta kola tsiparasi tsitsye kuva tsinyingi, kinga a tirannya avandu Egepeti mba, a duke kukola tsiparasi tsitsye kuva tsinyingi; kigira Yahova ya mu volera, Kutwula kalunu mu tirana kandi ku inzira yiyi.

Kwidzulitsa 17:16 ပူးပေါင်းရင်းမြစ်များ

2 Samweli 8:4

Na Daudi ya mu nyaga avaskari vokunina tsifarasi, elfu ne tsimia tsitano ne tsiviri na vevirenge tsielfu makumi gaviri: Daudi ya tema tsiparasi tsyosi tsyamagari virenge, navutswa ya leka tsiparasi tsi duka magari mia.

1 Avami 1:5

Hene yaho Adonija mwana wa Hagithu yiidzominya mwene, na a vola, Inze nda va mwami: na yelo mbera magai na avasikari va nina ku tsiparasi, navandu makumi gatano kunyagula imbiri wewe.

1 Avami 4:26

Na Solomoni ya li nevigo vyetsiparasi tsielfu makumi gane tsyamagari gege gobulwani, na avanina ku tsiparasi tsielfu likumi na tsiviri.

1 Avami 5:6

Kunangwa kalunu ive u lage va ntemere mitaragwa ha Lebanon; navatumekiri vange va la va halala navatumekiri vovo; na nda ku ha amadanyi ga vatumekiri vovo vyosi vya u vola: kigira ive u manya si ha veye nomundu hagati hetu u manyi ku teme misala kuli Avasidone.

2 Kyetsinyinga 1:16

Na tsi parasi tsya Solomoni ya li natsyo tsya letwa kutwula Egepeti; navandu vomwami ava kolanga likeranya va tsi vugula vyayo ni vyayo, kyayo sa kilala nobuguli bwakyo.

2 Kyetsinyinga 9:25

Na Solomoni ya li nevigo vyetsiparasi na ya magari gobulwani tsielfu tsine, netsielfu likumi na tsiviri avokunina ku tsiparasi, ya va vika mu madala gamagari, na halala nomwami ha Yerusalemi.

Zaburi 20:7

Avalala va suuvira magari, navalala va suuvira tsiparasi; Navutswa kwinye ku la tala lieta lya Yahova Nyasaye wetu.

Kutwula 13:17

Kunangwa, lwa Farao ya mala kuhaana munwa avandu va tsie, Nyasaye si ya vimirira ku inzira yekivala kya Avafilisiti mba, kali ni ya li himbi: kigira Nyasaye ya vola, Gase mbula avandu va leganira lwa va lola ubulwani, na virane Egepeti:

Kutwula 13:18

navutswa Nyasaye yimirira avandu ulugendo lundi, ku inzira yo mwigendanyama ku luvanda lwa Inyanza Inzakayu: na avana va Israeli vanegira nevyuma vyelihe kutwula mu kivala kya Egepeti.

Kutwula 14:13

Na Musa ya volera avandu, Mu ta tia mba, mu singire, na mu lole ubuhonyi bwa Yahova, bwa a li kolera mwinye lero: kigira Avaegepeti va mu lolanga lero, si mu la va lola kandi mihiga nemihiga.

Isaya 2:7

Kivala kyavo kandi kizuye ifetha netha habu, nobutugi bwavo bwakiba si bu veye nekigero; kivala kyavo kizuye tsiparasi, na magari gavo gobulwani si ga veye nekigero mba.

Jeremia 42:19

Yahova u voye ku vindu vyenyu, Mwinye avatigala va Yuda, mu tingira Egepeti mba: mu manye ligali, inze ndolekidza ku mwinye lero.

Ezekieli 17:15

Navutswa yebaala kuye kigira ya hila avatumwa veve kutsia Egepeti, va duke kumuha tsiparasi, navandu vanyingi. A la gasidzwa? U yu u kolanga vindu kuli yivi a la hona? A lononnya lilagana, nokuhona?

Hosea 11:5

Si va lirana kandi mu kivala kya Egepeti, navutswa Muasuria a la va mwami wavo, kigira va sula kwirana ku inze.

Hosea 14:3

Asuria si ki la ku honnya mba; si ku la nina ku tsiparasi; kandi si ku la volera miyinzi gyamakono getu, Mwinye mu ueye vanyasaye vetu; kigira avabisandu va nyolanga tsimbabasi ku ive.

Mika 5:10

Na ga la duka mu lidiku yilyo, Yahova a vola, nda twulidza tsiparasi tsitsyo tsi twuli hagati hoho, na magari gogo gobulwani nda ga dividza:

Kwidzulitsa 28:68

Yahova a la ku hila kandi Egepeti namato, ku inzira ya nda ku volera, Si u la gi lola kandi kali hakuzu: na yaho mu legulidza ku avasigu venyu mu ve avatugwa vayai navatugwa vakana, na ha la vula kuva nowenya kumugula.

1 Samweli 8:11

Naye ya vola, Mwami wenya kwameha ku mwinye a la va ulugano yilu: uyu a la vugula avayai venyu, nokuvavika kuye, mu magari gege, va la va avanina tsiparasi tsitsye; na va la nyagula imbiri wa magari gege;