Kwidzulitsa 16:20 - KITABU KITAKATIFU

²⁰ U la londa yaga aga veye bulungi ligali, u duke kuva mwoyo, nokunyola kivala gya Yahova Nyasaye wowo a ku ha.

Kwidzulitsa 16:20 ပူးပေါင်းရင်းမြစ်များ

Tsing'ano 11:19

Uyu u dinyahga mbulungi a la duka ku livamwoyo; Na uyu u londanga ubukyamu, yehila mu likudza mwene.

Ezekieli 18:5

Navutswa mundu na a va na a veye mulungi, nokukola aga dukana nobulungi,

Ezekieli 18:9

na ya genda mu malago gange, nokugumira likalaga lyange, a duke kukola ageligali, uyu a veye mulungi, ligali a la hindira, Mwami Nyasaye a vola.

Mika 6:8

Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Varumi 10:5

Kigira Musa a ng'oda, mundu u kola bulungi bwelilaga a la va mwoyo kubwo.

Kwidzulitsa 16:21

U ta simika misala ku gyosi kuva misambwa ku ive a himbi ku bwali bwa Yahova Nyasaye wowo, bwa welombera.

Kwidzulitsa 4:1

Kalunu, O Israeli, hulira malago nelikalaga, lya nzegidzanga mwinye kugakola; mu duke kuva mwoyo, nokwingira nokugumira kivala kya Yahova, Nyasaye wavaguga venyu, a mu ha.

Vafilipi 4:8

Agatigaye, avamitu, gosi aga veye ageligali, gosi aga veye agelidzominywa, gosi aga veye gobulungi, gosi aga veye manifu, gosi aga yanzidzanga, gosi aga gohangwa; ni bu veye ho bulahi, ni li veye ho lidzominya, mu ganagane vindu yivi.