Kwidzulitsa 16:19 - KITABU KITAKATIFU

¹⁹ U ta kyaminya likalaga: kinga u ta henza magondo gavandu; kandi u ta vugula vikukula; kigira vikukula vi kyaminyanga tsimoni tsya vageeri, nokugirunkanya makuva gowobulungi.

Kwidzulitsa 16:19 ပူးပေါင်းရင်းမြစ်များ

Zaburi 15:5

Uyu si a vikanga vyambeti ku ifetha yeye Kandi si a vugula kikukula kwononnya uyu u ta li nekindu kuye. Uyu u kolanga makuva yaga si a dengeyanga mihiga nemihiga.

Kutwula 18:21

Kandi u la tovola ku avandu vosi, avandu avobunyali, ava tia Nyasaye, avandu va ageligali, ava vihirirangwa vyambeti vyobukyamu; na yava u la va singeridza kuva avanene vetsielfu, na avanene vetsimia, na avanene va makumi gatano, na avanene va makumi:

Kutwula 23:2

U ta londa kiduma kukola ubwoni: kandi u ta kola lilolekidza lilyo mu likuva kugirunkana nokulonda kiduma kukyaminya likalaga:

Kutwula 23:3

kandi u telidza mudedekere mu likuva lilye.

Tsing'ano 15:27

Uyu u kayirwa vyambeti vi ta veye vilungi a dambidza inyumba yeye mwene; Navutswa uyu u vihirirangwa nevikukula a la va mwoyo

Tsing'ano 17:23

Mundu mudamano a vugulanga kikuikula mu kiritu A kyaminye tsinzira tsyelikalaga.

Tsing'ano 18:5

Ukweridza mumoni mwomudamano si bu veye bulahi mba, Kinga kukyaminya mulungi mu likalaga.

Tsing'ano 24:23

Yaga kandi na makuva gavageeri. Si bu li bulahi kuva nelyeridza ku avandu mu likalaga.

Tsing'ano 24:28

U ta va muloli ku mutende wowo bugira kivune; Na u ta gada neminwa gyigyo.

Tsing'ano 31:5

Gase va la nwa nokwivirira lilaga, Nokukyaminya likalagirwa lyomundu u veye mu kivi.

Kohelethu 7:7

Ligali linyaga li kolanga umundu mugeeri kuva musiru; na vikukula vyi gotidzanga limanya.

Isaya 1:17

mwege ku kola bulahi; mwenye likalaga lilungi, mu konye uyu u dambidzangwa, mu kalagire avabisandu, mu vere vaku nzakali.

Isaya 1:23

Avanene vovo vebaaye, va veye avakye va avivi; sa mulala a yanza vikukula, nokulonda litungwa: si va kalagira avabisandu bulungi mba, kinga makuva ga vakunzakali si ga dukanga kuvo mba.

Isaya 33:15

Uyu u gendanga mbulungi, nokuvola agobulungi; u leganga vyambeti vi nyolekanga ku lidambidza, uyu wuhanga makono gege ga vule kuvugula vikukula, u hananga amatu gege ga vule kuhulira ga masahi, nokumwolidza tsimoni tsitsye a vule kuhenza ubudamano:

Jeremia 5:28

Va komeye ligali, va ng'ereng'ana; yee, va viti kigero ku vikolwa vyavo vidamano; si va veranga likuva, likuva lyombisandu, va duke kugasidzwa; nobulungi bwomudambi si va kalaganga mba.

Ezekieli 18:8

ya vula kuhaana ifetha kunyola vyambeti, kandi ya vula kuvugula vya medeka, ya twulidza mukono gwigwe ku budamano, na a kola li kalaga lilungi hagati homundu no mundu,

Ezekieli 22:12

Mu ive va vugulanga vikukula kutahidza masahi; ive u vuguye vyambeti nevyamedeka, na u nyoye vyambeti ku ligada avakyo kuvadambidza, na u mali kwivirira inze, Mwami Nyasaye a vola.

Kyavalevi 19:15

Mu ta kola aga ta li malungi mu likalaga: kandi u teridza liva lyomudaka, kinga kwidzominya liva lyowetsingulu; navutswa u la kalagira wakyo nobulungi.

Mika 7:3

Amakono gavo ga gumiye vyobudamano va duke kubukola netsingulu; munene a tevanga, nomukalagi yetegeki kuvugula vikukula; nomunene a volanga ubukyamu bwa a veye nabwo mmwoyo gwigwe: ni ndiyo va navanga vindu yivi.

Habakuk 1:4

Kigira yaga lilaga li gehi, nelikalaga si li nyoleka mba; kigira avadamano va kumbiridza avalungi; kigira yaga likalaga lyobukyamu li loleka.

Vikolwa 10:34

Kandi Petro ya kunula munwa na a vola. Ligali ndola Nyasaye si a suvidza avandu:

Vikolwa 16:37

Navutswa Paulo ya va volera, Va mali kukukuya imbiri wavandu, ku kikiri kukalagirwa, kwinye Avaromi, kandi va ku viki mu inyumba yavahambe kandi kalunu va ku kunga makiriri? Auwa, ligali; navutswa vadze avene va ku twulidze.

Vikolwa 23:3

Hene yaho Paulo ya mu volera, Nyasaye a la ku duya, ive lidigi lya homwa nobudohi bulavu: ive wikala kunkalagira kuli lilaga, navutswa u haana munwa nduyirwe ku mwima gu ta li kuli lilaga?

Kwidzulitsa 10:17

Kigira Yahova Nyasaye wenyu, niye Nyasaye wa avanyasaye, nomwami wavami, Nyasaye munene, wetsingulu, nelitihidza, u vulanga kuhenza liloleka lyavandu, kinga kuvugula vikukula.

Kwidzulitsa 16:18

U vike avakalagi navanyampara mu viribwa vivyo vyosi, vya Yahova Nyasaye wowo a ku ha, kuli tsihiri tsitsyo; navo va kalagire avandu nelikalaga lyobulungi.

Kwidzulitsa 24:17

U ta kyaminya likalagirwa lyomugeni, kinga mbisandu, kandi u ta vugula ingubo yomukunzakali kuva kihambiriru;

Kwidzulitsa 27:19

A laamwe u kyaminyanga likalagirwa lyomugeni, nombisandu, nomukunzakali. Navandu vosi va vole Amini.

Kwidzulitsa 27:25

A laamwe u vugulanga kikukula yiite u ta li namahyolo. Navandu vosi va vole, Amini.

1 Samweli 12:3

Mbe hano: mu lolekidze ku inze imbiri wa Yahova, na imbiri wombake wewe: neng'ombe ya bwaha ya nda vugula? Kinga nesukiri ya bwaha ya nda vugula? Kinga ni bwaha wa nda ganga? Nda dambidza bwaha? Nda vugula vikukula ku mukono gwa bwaha, kuduka ku vakulidza navyo tsimoni tsyange na nda virannye ku mwinye.

1 Samweli 8:1

Kandi ga duka, lwa Samweli ya sakula, ya kola avana veve avakalagi ku Israeli.

1 Samweli 8:3

Navana veve va vula kugenda mu tsinzira tsitsye, navutswa va tsia haluvega kulonda ubutugi, na va vugula vikukula, nokukyaminya likalaga.