Kwidzulitsa 16:16 - KITABU KITAKATIFU

¹⁶ Hali kavaka ku muhiga avasatsa vovo va la loleka imbiri wa Yahova Nyasaye wowo ha a la tovola: mu lilia lyobukima bu ta li namamera, na mu lilia lyamasidza, na mu lilia lyamadiri; va ta loleka imbiri wa Yahova namakono makaya;

Kwidzulitsa 16:16 ပူးပေါင်းရင်းမြစ်များ

1 Avami 9:25

Hali kavaka ku muhiga mulala Solomoni ya haana vihaanwa vyoku sambwa nevihaanwa vyemirembe ku ubwali bwa yombakira Yahova, na ya vuyidza vimuli halala nevihaanwa, ku ubwali bwa li imbiri wa Yahova. Ma ya mala inyumba.

2 Kyetsinyinga 8:13

kuli lyenya lyemiluka gyamadiku gosi, lihaana kuli lilaga lya Musa, mu masabato, nomu litanga lyemyeli, namasavo ga lagwa, ku muhiga hali kavaka, nago ga veye amasavo gobukima bu ta li namamera, namasavo gamasidza, na masavo gamadiri.

Ezara 3:1

Na lwa gwa duka mweli gwegyi tano na gyiviri, navana va Israeli vosi va li mu madala, avandu va vugana halala mu Yerusalemi kuli mundu mulala.

Nehemia 8:15

kandi ga va dukira kulandidza makuva mu madala gavo gosi, nomu Yerusalemi, ni va vola, Mu twule kutsia mu kigulu, kuleta tsisya tsyemizeituni, netsisya tsye mizeituni Domulitu, netsisya tsyemisala milahi namatu gamakindu, na tsisya tsyemisala midindanu, kulomba madiri, kuli ga ng'odwa.

Zaburi 122:4

Hetsihiri tsyanegiranga, kali tsihiri tsya Yahova, Li veye lialaga ku Israeli, Kusantidza lieta lya Yahova.

Zaburi 84:7

Va twulanga ku ubunyali noku duka ku ubunyali; Va vugananga sa mulala imbiri wa Nyasaye mu Zioni.

Zaburi 84:8

O Yahova Nvasaye wa mahe, u hulire lisaala lyvange; U tegidze ugutu, O Nyasaye wa Yakobo. [Selaha

Zaburi 96:8

Mu vole ku Yahova ubukumi bu dukana nelieta lilye: Mu lete kihaanwa na mwingire hamugidzi hehe.

Kutwula 34:20

Na kya tanga kwivulwa kyesukiri, u la ki kirannya kimeme: kandi nu u va nu u tenya kukikirannya u la vunanya ligoti. Vosi ava tanga kwivulwa ku avayai vovo, u la va tungira. Kandi a ta va ho u duka imbiri wange na makono makaya.

Kutwula 34:24

Kigira nda kunga tsihiri imbiri wowo, na nda meda tsinzako tsitsyo: kandi si ha la va nomundu u kayirwa kivala kikyo, lwa wanegira kuloleka imbiri wa Yahova Nyasaye wowo hali kavaka ku muhiga mulala.

Isaya 23:18

Na likirannya lyakyo na madanyi gakyo vi la va ubutakatifu ku Yahova: si vi vikwa mu butugi kandi si vi la vikwa mu akiba; kigira likiranya lyalyo li la va lyavamenyanga imbiri wa Yahova, va duke kulia vyokulia vi duki, nokwivika tsingubo tsi menya.

Isaya 33:20

Henza Zioni, lidala lyamalia getu: tsimoni tsitsyo tsi la lola Yerusalemi kuva ubu menyo bwobusosi, lihema li la vula kutwulidzwa, lyevivambo vyalyo vi la vula kwifwa, kandi migoye gyalyo si ha veye nomulala ugwa kalika.

Ezekieli 36:38

Kuli kyayo kiitangwa kuva kihaanwa, kuli kyayo kya Yerusalemi mu madiku manene galyo aga lagwa, ni ndiyo amadala aga lekwa vyanyi ga lizulitswa vyayo vyavandu; na va la manya inze mbeye Yahova.

Kyavalevi 23:34

U volere avana va Israeli, nokuvola, Ku lidiku iyelikumi na gatano lyomweli gwa gyitano na gyiviri, li veye lilia lyamadiri kuduka madiku gatano na gaviri ku Yahova.

Haggai 1:9

Mwinye mwa he nzerera vinyingi, na, henza, vya leta vikekeke vutswa; kandi lwa mwa vi leta mu nyumba, nda vi huudza. Kigira ki? Yahova wa mahe a teva. Ga veye kigira inyumba yange ya lekwa vutswa, lwa mwinye sa mulala a nyagula kutsia kunyumba yeye.

Matayo 2:11

Kandi vingira munyumba ni va lola mwana na Maria mama wewe, ni va gwa ni va mu sigamira, ni va boholola tsikiba tsyavo, ni va mu ha vihaanwa, itha habu, kimuli, nemanemane.

Marko 12:3

Navo va mu gumira ni va mu duya, ni va mu kunga na a tsia vutswa.

Yohana 7:2

Lilia lya Vayuda lya li himbi, lilia lyevidioli.

Kwidzulitsa 16:15

Madiku gatano na gaviri u la kola lilia ku Yahova Nyasaye wowo, ha Yahova a la tovola; kigira Yahova Nyasaye wowo a la ku gasidza mu linyola lilyo lyosi, na mu miyinzi gyosi gya makono gogo, na u ve nelisangala ligali.

Kwidzulitsa 16:17

sa mulala a haane kuli a nyala, kuli ubugasu bwa Yahova Nyasaye wowo a mu ha.

Kwidzulitsa 31:11

lwa Israeli vosi vadza kwemannya imbiri wa Yahova Nyasaye wowo, ha a li tovola, u some lilaga yili imbiri wa Israeli vosi mmatu gavo.

1 Samweli 1:3

Ma mundu uyu yanegira kutwula mu lidala lilye muhiga nomuhiga kusigamira nokuhaana ku Yahova wamahe vihaanwa mu Shilo. Navana vaviri va Eli, Hofini na Finehasi, avasalisi va Yahova va li yo.

1 Samweli 6:3

Navo va va volera, Mwinye ni mu hila lisanduku lya Nyasaye wa Israeli, li twule ku mwinye, mu ta li hila lyere; navutswa ga mu dukira mu hile kindu kyekihaanwa kyelihyola lyenyu: hene yaho mu la honywa, kandi mu la vulirwa kivune kyomukono gwigwe gu vuli kutwulira ku mwinye.