Kwidzulitsa 16:10 - KITABU KITAKATIFU

¹⁰ Na u lombe lilia lyelisidza ku Yahova Nyasaye wowo, na u la haana kihaanwa kyobuyanzi kyomukono gugwo, kya u la haana kuli ubugasu bwa Yahova Nyasaye wowo ya ku gasidza:

Kwidzulitsa 16:10 ပူးပေါင်းရင်းမြစ်များ

1 Kyetsinyinga 29:14

Navutswa inze mbeye bwaha, kandi avandu vange va veye ki, ku duke kwinye kunyola ubunyali bwokwehaana avene nomwoyo gwobulaliri kuli yaga? Kigira vindu vyosi vi twula ku ive, na ku haananga ku ive vi veye vivyo mwene.

2 Kyetsinyinga 31:14

Na Kore mwana wa Imina Mu levi, mulindi wekiribwa kyevugwe, ya li igulu wevihaanwa vya Nyasaye vyobuyanzi, kugavula vindu vya Yahova vyokuhaana, nevindu vita katifu ligali.

Kutwula 35:29

Avana va Israeli va leta kihaanwa ku Yahova; kyomwoyo gwobulaliri, avasatsa na avakali sa mulala avemyoyo gyavo gya lalira kuletera ku miyinzi, gya Yahova ya laga gyi kolwe nomukono gwa Musa.

Tsing'ano 10:22

Ubugasu bwa Yahova bu tugidzanga; Na si a vika liverera halala nabwo.

Joeli 2:14

Ibwaha u manya a la vula kugirunkana nokweganira, nokulekera ubugasu inyima wewe, kali kihaanwa kyobusie na kihaanwa kyokunwa ku Yahova Nyasaye wenyu?

Kyavalevi 12:8

Ni i va miyandu gyigye gyi vula kuduka ku mwana weligondi, ma a la vugula makulu gaviri gombulimu, kinga makulu matuge gaviri; lilala kuva kihaanwa kyokusambwa, na lindi kuva kihaanwa kyobwoni: na musalisi a la mu lombera kyokukunika ubwoni, naye a la va mulahi.

Kyavalevi 23:15

Kandi mu levalidzira masabato gatano na gaviri kutwula ku mugamba gwelisabato, kutwula ku lidiku lya mwa leta kiganda kye kihaanwa kyokuhungudzwa; ha la va masabato gatano na gaviri;

Kyavalevi 25:26

Na mundu na a vula kuva nomundu kukiboholola, na mwene na a nyola ubutugi bwokuduka kukiboholola;

Kyavalevi 5:7

Ni i va ubunyali bwibwe si bu duka ku kimeme kyeligondi, a la leta ku Yahova, kihaanwa kikye kyelihyola lilye lya ya kola, amakuulu gaviri, kinga makuulu matuge gaviri, kuva kihaanwa kyelikalagirwa, lilala lyekihaanwa kyobwoni, na lindi lyekihaanwa kyokusambwa.

Livalidza 28:26

Kandi ku lidiku lyokutanga ligesa, inyinga ya mu letera Yahova kihaanwa kyobusie buhya mu lilia lyenyu lyamasabato, mu la va nelidiku litakatifu; si mu la kola miyinzi gyobutugwa, kali mulala;

Livalidza 31:28

Na u haane ku Yahova kidieli ki twule ku avandu avelihe ava li kutsia mu bulwani: mwoyo mulala ku tsimia tsitano, ku avandu, noku tsigiriki, noku tsisukiri, noku magondi

Livalidza 31:37

na kidieli kya Yahova kya magondi kya li tsimia tsitano na indala, na makumi gatano na gaviri na magondi gatano.

1 Vakorintho 16:2

Ku lidiku lyokutanga lisidza mundu sa mulala ku mwinye yivikire akiba kuli vya a nyola, li ta va livungidza lwa inze mwene nzidza.

2 Vakorintho 8:10

Na inze mu inkuva yiyi mmu hedzanga amakuva gange: kigira yaga na malahi ku mwinye, ava mwa tanga va maliye muhiga mulala, si ga li likola lyeng'ine, navutswa halala nokusaavira kandi.

2 Vakorintho 8:12

Kigira ni gu ve ho mwoyo gwete geke gu bugirirangwa kuli kigero kyomundu a veye nakyo, si ga li kuli kigero kya a ta li nakyo mba.

Kwidzulitsa 16:11

na u sangale imbiri wa Yahova Nyasaye wowo, ive, nomwana wowo, nomukana, nomutugwa muyai wowo, nomukana, no Mulevi u veye mu viribwa vivyo, nomugeni, nombisandu, nomukunzakali, ava veye hagati hoho, ha Yahova Nyasaye wowo a la tovola, kuvika lieta lilye li menye ho.

Kwidzulitsa 16:9

U la validza masidza gatano na gaviri: kutwula inyinga ya u tanganga kuvika mbano ku vyamera vivyo u la validza masidza gatano na gaviri.