Kwidzulitsa 15:23 - KITABU KITAKATIFU

²³ Navutswa u ta lia masahi gayo; u ga tsuke ku lirova kuli amadzi.

Kwidzulitsa 15:23 ပူးပေါင်းရင်းမြစ်များ

Litanga 9:4

Navutswa inyama halala na livamwoyo lyayo, li vola li veye masahi gayo, mu ta lia mba.

Ezekieli 33:25

Kunangwa u volere avandu yavo, Mwami Nyasaye a volera mwinye ndi: Mwinye mu litsanga ki tsukani namasahi, na mu ginganga tsimoni tsyenyu kuhenza vifwananyi vyenyu, nokutahidza masahi: na mwinye mu la gumira kivala yikyo?

Kyavalevi 17:10

Na ku vosi mundu wenyumba ya Israeli, kinga ku yavo ava menyi hagati havo, u lia masahi ku tsing'ano tsyosi, nda dinyiridza mumoni mwange ku mundu uyu u lia masahi nokumutwulidza hagati ha avandu veve.

Kyavalevi 19:26

Mu ta lia kindu halala na masahi: kandi mu ta kola busegetiri, kinga kutumekira ubung'oli.

Kyavalevi 7:26

Kandi mu ta lia masahi getsing'ano tsyosi, ni ga veye masahi gamanyonyi, kinga getsinyama, mu tsinyumba tsyenyu tsyosi.

Vikolwa 15:20

navutswa ku va ng'odera va leke ubudamano bwemisambwa, nobuheyi, ne tsinyama tsi migangwa, namasahi.

Kwidzulitsa 12:15

Navutswa, u nyala kwiita inyama nokuliira mu viribwa vivyo vyosi, ku gosi ga roho gugwo gu kayirangwa, ku lugano lwobugasu bwa Yahova Nyasaye wowo ya ku ha: uyu u veye museredze na u ta li museredze va nyala kulia ku inyama zana, kuli kisusu, noemboongo.

Kwidzulitsa 12:16

Navutswa mu ta lia masahi mba: u la ga sundule ku lirova kuli amadzi.

Kwidzulitsa 12:23

Navutswa ligali u ta lia masahi mba: kigira amasahi ga li livamwoyo; na livamwoyo u ta lia halala nenyama mba.

Kwidzulitsa 12:24

U ta ga lia mba; u ga sundule ku lirova kuli amadzi.

1 Samweli 14:32

navandu yavo va tuuma ku vilanye, ni va vugula magondi, netsing'ombe, nevimoli, nokutsiitira ha zana hasi; navandu va tsi lia halala namasahi gatsyo.

1 Samweli 14:33

Hene yaho va volera Saulo, ni va vola, Henza, avandu va koleranga Yahova ubwoni, kigira va litsanga halala namasahi. Naye ya vola, Mwinye mwa koli nobugadi: mu gomogominye ha mbeye ligina linene lero.