Kwidzulitsa 15:19 - KITABU KITAKATIFU

¹⁹ Vye kisatsa vyosi vi tanga kwivulwa mu kyayo kikyo kyetsing'ombe nekya magondi u vi takasire Yahova Nyasaye wowo: u ta kola miyinzi nekyatanga kwivulwa kyeng'ombe yoyo kandi u ta kalaga obwoya bwekyatanga kwivulwa kyekyayo kyamagondi gogo.

Kwidzulitsa 15:19 ပူးပေါင်းရင်းမြစ်များ

Kutwula 13:12

u vi haana ku Yahova, vosi ava kunula inda, na vyosi vi tanga kwivulwa ku mitugu; vyosi vyekisatsa vi la va vya Yahova.

Kutwula 13:2

Mu ntakasire vosi avatanga kwivulwa, ku vyosi ki tanga kukunula inda, hagati ha vana va Israeli, ku vandu noku mitugu; vi veye vyange.

Kutwula 22:29

U ta lindagira kuleta ku vigese vivyo, kinga ku vyokunwa vivyo. Wa tanga kwivulwa ku avana avayai vovo u la mpa.

Kutwula 22:30

Kandi u la kola ndiyo ku tsing'ombe tsitsyo, noku magondi gogo: u la vi leka madiku gatano na gaviri halala na mama wavyo; na lidiku li kola gatano na gavaka u la mpa.

Kutwula 34:19

Ku vyosi vya tanga kwivulwa vi veye vyange; noku mitugu gyigyo gyosi gyi veye gyekisatsa, yigyo gyi tanga kwivulwa, ing'ombe na ligondi.

Kyavalevi 27:26

Navutswa yokutanga kwivulwa mu tsinyama, ya vikwa kuva yokutanga kwivulwa kuva ya Yahova, ku vosi si ha li nomundu a nyala kukivika kuva kitakatifu; ni i va ni a veye ing'ombe kinga ligondi, i veye ya Yahova.

Livalidza 18:15

Ku vyosi kigulanga inda, kya vyomubiri vyosi vya va haana ku Yahova, mu avandu, nomu tsinyama, ki la va kikyo: navutswa uyu wa tanga kwivulwa na avandu, ligali u la mu tungira, na yiki kya tanga kwivulwa na tsinyama tsi ta li tsiseredze u la tsi tungira.

Livalidza 18:17

Navutswa kya tanga kwivulwa kyeng'ombe, kinga kya tanga kwivulwa kyeligondi, kinga kya tanga kwivulwa kyembuli, si u li tungira yivi mba; vi veye vitakatifu: u luuha masahi gavyo ku bwali, nokusamba maguta gavyo kuva kihaanwa kya lombwa nomuliru, kuva mwayu mulahi ku Yahova.

Livalidza 3:13

kigira vosi ava tanga kwivulwa va voye avange, ku lidiku yilyo lya nda ouya ava tanga kwivulwa mu kivala kya Egepeti, ndetovolera avokutanga kwivulwa vosi mu Israeli, ku avandu noku mitugu; va la va avange: inze mbeye Yahova.

Varumi 8:29

Kigira ava ya manya imbiri, yava kandi ya vaahula va fwananywe nelifwana lyo Mwana wewe, a duke kuva wokutanga kwivulwa ku vamwavo vanyingi.

Kwidzulitsa 12:11

inyinga yeyo ga la vaha Yahova Nyasaye wenyu a la tovola, a vike ho lieta lilye, ha zana yaho mu la hila ho vyosi vya nda mu laga: vihaanwa vyenyu vyokusambwa, nevisyuviriru vyenyu, netsizaka tsyenyu, nevihaanwa vyokudigululwa vyamakono genyu, nevyokulagana vyenyu vyosi vi tovole vya mwa vika ku Yahova.

Kwidzulitsa 12:17

U ta liira mu viribwa vyenyu izaka yobuswage bubwo, kinga y ewaini yoyo, kinga yamaguta gogo, kinga yevya tanga kwivulwa vyekyayo kikyo kyetsi ng'ombe, kinga kyamagondi, kinga vyokulagana vivyo vyosi vya u laga, kinga vyokuhaana vyobuyanzi, kinga vihaanwa vyokudigululwa vyomukono gugwo,

Kwidzulitsa 14:23

Na u lie imbiri wa Yahova Nyasaye wowo, ha a li tovola, lieta lilye li menya ho, izaka yobuswage bubwo, newaini yoyo, na maguta gogo, nevyokutanga kwivulwa vyekyayo kikyo, tsing'ombe na magondi; u duke kweyegidza kutia Yahova Nyasaye wowo kazozo.

Kwidzulitsa 15:18

Navutswa u ta Iola budinyu, inyinga u mboholola a twule ku ive; kigira a ku tumekiye mihiga gyitano na mulala: kuduka hali kaviri ku butungi bwa uyu u tungangwa: na Yahova Nyasaye wowo a la ku gasidza ku vyosi vya u kola.

Kwidzulitsa 16:11

na u sangale imbiri wa Yahova Nyasaye wowo, ive, nomwana wowo, nomukana, nomutugwa muyai wowo, nomukana, no Mulevi u veye mu viribwa vivyo, nomugeni, nombisandu, nomukunzakali, ava veye hagati hoho, ha Yahova Nyasaye wowo a la tovola, kuvika lieta lilye li menye ho.

Kwidzulitsa 16:14

na u sangale mu lilia lilyo, ive, nomwana wowo muyai, nomukana, nomutugwa wowo, muyai, nomukana, na Mulevi, nomugeni, nombisandu, nomukunzakali ava veye mu viribwa vivyo.

Vahebraina 12:23

noku livugana linene lyavandu vosi, navo v a veye livugana lyavatanga kwivulwa, avameta gavo ga ng'odwa migulu, noku Nyasaye Mukalagi wa vosi, noku myoyo gyavandu valungi gya kolwa midukanu,