Kwidzulitsa 14:29 - KITABU KITAKATIFU

²⁹ na uyu Mulevi, kigira si a veye nekidieli kinga miyandu halala nive, nomugeni, nombisandu, nomukunzakali, ava veye mu viribwa vivyo, vadze kulia vi gute; Yahova Nyasaye wowo a duke ku kugasidza ku miyinzi gyosi gyomukono gugwo gu kolanga.

Kwidzulitsa 14:29 ပူးပေါင်းရင်းမြစ်များ

Zaburi 41:1

A veye nobugasu uyu widzuli tsanga avadaka: Yahova a la mu honnya mu lidiku lyekivi.

Zaburi 41:2

Yahova a la mu denda, na a la mu linda a ve mwoyo, Na a la mu gasidza ku lirova; Na u ta mu vika mu bulaliri bwavasigu veve.

Zaburi 94:6

Viita mukunzakali na mugeni, Nokwiita avabisandu.

Tsing'ano 11:24

Ha veye nowelisalannya, navutswa vivye vi medeka; Kandi ha veye na u kolanga ubwimani, navutswa bu leta ubudaka.

Tsing'ano 19:17

Uyu u verereranga avadaka a hambidza Yahova kivete, Na likola lilye lilahi a la mu tunga kandi.

Isaya 1:17

mwege ku kola bulahi; mwenye likalaga lilungi, mu konye uyu u dambidzangwa, mu kalagire avabisandu, mu vere vaku nzakali.

Kyavalevi 19:34

Umgeni u menyanga halala na mwinye a la va ku mwinye kuli wivulwa iwenyu, na u la mu yanza kuli weyanza; kigira mwa li avamenya mu kivala kya Egepeti: inze mbeye Yahova Nyasaye wenyu.

Livalidza 18:20

Na Yahova ya volera Haruni, Ive u la vula kuva nemiyandu mu kivala kyavo, kandi u la vula kuva nekidieli kali kilala muvo: inze mbeye kidieli kikyo na miyandu gyigyo mu avana va Israeli.

Luka 11:41

Navutswa mu twulidze isadaka ku vyomugati; kandi henza, vindu vyosi vi veye vilahi ku mwinye.

Luka 6:35

Navutswa mu yanze avasigu venyu, mu kole bulahi, mu hambidzane kivete mu ta suuvira mu liranyirwa; na madanyi genyu ga la va manene, kandi mu la va avana va Uveye Igulu Ligali: kigira a veye mulahi ku ava ta santidza navadamano.

Kwidzulitsa 10:9

Kigira yaga Levi u vuli kuva nekidieli kinga miyandu halala navamwavo veve; Yahova niye miyandu gyigye, kuli Yahova Nyasaye wowo ya mu volera.)

Kwidzulitsa 12:12

Kandi mu la sangala imbiri wa Yahova Nyasaye wenyu, mwinye, navayai venyu, navakana venyu, navatugwa venyu avayai navakana, no Mulevi u veye mu viribwa vyenyu, kigira ya vula kuva nekidieli kinga nemiyandu halala nemwinye.

Kwidzulitsa 14:27

Na Mulevi u veye mu viribwa vivyo, u ta mu leka mba; kigira si a veye nelisanga kinga nemiyandu halala nive.

Kwidzulitsa 15:10

U mu he ligali, nomwoyo gugwo gu ta verera lwa u mu hedzanga; ikigira Yahova Nyasaye wowo a la ku gasidza ku likuva yili, mu miyinzi gyigyo gyosi, na ku vyosi vya u vika ku mukono gugwo.

Kwidzulitsa 16:11

na u sangale imbiri wa Yahova Nyasaye wowo, ive, nomwana wowo, nomukana, nomutugwa muyai wowo, nomukana, no Mulevi u veye mu viribwa vivyo, nomugeni, nombisandu, nomukunzakali, ava veye hagati hoho, ha Yahova Nyasaye wowo a la tovola, kuvika lieta lilye li menye ho.

Kwidzulitsa 16:14

na u sangale mu lilia lilyo, ive, nomwana wowo muyai, nomukana, nomutugwa wowo, muyai, nomukana, na Mulevi, nomugeni, nombisandu, nomukunzakali ava veye mu viribwa vivyo.

Kwidzulitsa 23:21

Lwa wivika lyelaga ku Yahova N y asaye wowo, u ta gadahala kutunga: kigira Yahova Nyasaye wowo si d la vula kuvanza ku ive; na ga la duka kuva ku ive ubwoni.

Kwidzulitsa 28:8

Yahova a la laga ubugasu budze ku ive mu magungi, na mu vyosi vya u vika ku mukono gugwo; na a la ku gasidza mu kivala kya Yahova Nyasaye wowo a ku ha.

Kwidzulitsa 6:11

netsinyumba tsi zula vindu vilahi vyosi, vya wa vula kwidzulitsa, nevidaho vya yavwa, vya wa vula kuyava, nemilimi gyemizabibu, na gyemizeituni, gya wa vuia kusimika, nive u la lia nokweguta;

Vahebraina 13:2

Mu tivirira kulang'aminya ubuyanzi ku vageni: kigira ku yaga avalala vingiridza tsingelosi ni va ta manya.

Yakobo 1:27

Idini ya Nyasaye indahi i ta li nobudamano imbiri wa Nyasaye na Dada wetu ni yiyi, kutsia ku yavo avabisandu noku vakunzakali mu likupa kivi lyavo, nokwilinda ligali mwene a ve bugira imbala yevyelirova.