Kwidzulitsa 12:30 - KITABU KITAKATIFU

³⁰ welinde ive mwene gase u la tegwa nokuvalonda, inyima welyononywa lyavo imbiri wowo; kandi gase u la teva amakuva ga vanyasaye vavo nokuvola, Tsihiri yitsi tsi sigamiranga ndi avanyasaye vavo? Nduke kukola ndiyo.

Kwidzulitsa 12:30 ပူးပေါင်းရင်းမြစ်များ

2 Avami 16:10

Na mwami Ahazu ya tsia Damasko a duke kulolana na Tigilathu pileseru mwami wa Asuria, na ya lola ubwali bwa li ha Damasko; mwami Ahazu ya hilira Urija musalisi lifwana lyobwali, nelihera lyabwo, kuli miyinzi gyosi gyabwo.

2 Avami 17:15

Na vambakana amalago gege, nelilagana lilye vya ya kola halala navaguga vavo, nelilolekidza lilye lya ya va lolekidzira, navo va londa vya wtswa, ni va gwa avavutswa, na va londa avetsihiri ava va kumbiridza, ava Yahova ya va laga va ta kola kuli yavo.

Kutwula 23:24

U tinama kusigamira vanyasaye vavo, kinga kuvatumekira, kinga kukola kuli likola lyavo; navutswa u la va dividza ligali, na minara gyavo u la vunanya.

Jeremia 10:2

Yahova a vola ndi, Mu teyegidza inzira ya vetsihiri, mu ta timuka inkolo ku vilolekidzu vyomi gulu; kigira avetsihiri va timuka inkolo ku yivi.

Ezekieli 11:12

na mu la manya inze mbeye Yahova: kigira si mwa genda mu malago gange mba, kandi si mwa gumira likalaga lyange, navutswa mwa londa miima gyetsihiri tsya :nu kumbiridza.

Ezekieli 20:28

Kigira lwa nda mala kuvavika mu kivala yiki, kya nda visuhira nda va ha, hene yaho lwa va lola vigulu vyosi vitambi, nemisala gyosi migumalu, va haana yo vihaanwa vyavo, nokuhaana yo livihiridza lyevihaanwa vyavo; kandi ha zana va kola lifunya muhomo gwavo gu yanzidzanga, nokutsuka vihaanwa vyavo vyevyokunwa.

Ezekieli 20:32

na yaga gingiranga mu tsiganagani tsyenyu si ga la va ho mba, mu ga mu volanga Kwinye ku la va kuli tsihiri, kuii ubwiko bwevivala, kutumekira musala neligina.

Kyavalevi 18:3

Mwinye mu ta kola kuli likola lyekivala kya Egepeti, kya mwa menya mukyo: kandi mu ta kola kuli likola lyekivala kya Kanani, ha nda mwingeridza; kandi mu ta londa malago gavo.

Kyavalevi 18:30

Kunangwa mu gumire lilaga lyange, mu vule kukola kali lilala ku livihiriridza lidamano, lya tanga kukolwa imbiri wenyu, na mu teyononya avene muvyo: inze mbeye Yahova Nyasaye wenyu.

Livalidza 33:52

hene yaho mu la kunga avomkivala vosi va twule imbiri wenyu, na mu lononya magina gavo gosi aga vadzwa, nokwononya vifwananyi vyavo vyosi, nokushonolannya hosi hadiguluku havo:

Varumi 12:2

Mu ta fwananywa neliv; lyelirova yili: navutswa mu giru nkanywe ku likolwa ubugeeri bwenyu ubuhya, mu duke kumanyiridza ubu laliri bwa Nyasaye ubulahi, nobwoku yanzidza, nobudukiru.

Vafeso 4:17

Kunangwa mbola yaga, kandi ndolekidza mu Mwami, mwinye mu ta genda kandi kuli Avetsihiri va gendanga, mu tsiganagani tsyavo tsya vutswa,

Kwidzulitsa 11:16

Mwelinde mwinye avene, gase myoyo gyenyu gyi la gadwa, nokugirunkana, nokutumekira avanyasaye vandi, nokuvasigamira;

Kwidzulitsa 12:29

Lwa Yahova Nyasaye wov o a la kalaga tsihiri va twule imbiri wowo ha wingiranga kutsigumira, na u va vugula, nokumenya mkivala kyavo;

Kwidzulitsa 12:31

U ta kolera Yahova Nyasaye wowo kuli yaga mba: kigira gosi aga veye livihiridza ku Yahova, aga a dunyiranga, va mali kukolera avanyasaye vavo; kigira kali avana vavo avayai navakana va va sambiranga vanyasaye v ovo mu muliru.

Kwidzulitsa 18:9

Inyinga u duki mu kivala kya Yahova Nyasaye wowo a ku ha, u teyegidza kukola kuli livihiriridza lyavetsihiri yavo.

Kwidzulitsa 20:18

va vule kukwegidza kukola kuli livihiriridza lyavo lyosi, lya va kolera avanyasaye vavo; ni mu kola ndiyo mu la va na mahyolo ku Yahova Nyasaye wenyu.

Kwidzulitsa 7:16

Na u la dividza tsihiri tsyosi tsya Yahova Nyasaye wowo a ku ha; imoni yoyo i ta va vererera: kinga u ta tumekira vanyasaye vavo: kigira i la va mutego ku ive inkuva yiyi.