Kwidzulitsa 12:10 - KITABU KITAKATIFU

¹⁰ Navutswa lwa mwambuka Yordani, nokumenya mu kivala kya Yahova Nyasaye wenyu a mu kola avemiyandu, na lwa a mu sosidza kumutwulidza ku avasigu venvu vosi tsimbega tsyosi, mu duke kumenya nemirembe;

Kwidzulitsa 12:10 ပူးပေါင်းရင်းမြစ်များ

1 Avami 4:25

Na Yuda na Israeli va menya bulahi, sa mulala isi womuzabibu gwigwe na isi womukuyu gwigwe, kutwula Dan kuduka Beersheba, madiku gosi ga Solomoni.

1 Avami 8:56

Yahova a gasidzwe, u sosidzi avandu veve Israeli kuli aga ya laga gosi: si lya gwa hasi kali likuva lilala mu lilaga lilye lilahi, lya ya laga no mukono gwomutumekiri wewe Musa.

1 Kyetsinyinga 22:18

Yahova Nya saye wenyu si a veye halala ne mwinye? Na si a mali kumuha ubusosi ku vasigu venyu tsimbega tsyosi? Kigira u viki ava menyanga mu kivala mmukono gwange; nekivala yiki ki gehidzeywi imbiri wa Yahova, ne imbiri wavandu veve.

Zaburi 4:8

Nda gona nemirembe, na nda nyola tsindolo; Kigira ive, Yahova, weng'ine u mbedzanga kumenya nekilema mwoyo.

Kutwula 33:14

Naye ya vola Liva lyange li la tsia nive, na nda ku ha ubwelemeridzi.

Tsing'ano 1:33

Navutswa ku vosi uyu u huliranga inze a la menya bulahi, Naye a la va nemirembe bugira ubutii bwobudamano.

Jeremia 23:6

Mmadiku gege Yuda a la hona, na Israeli a menya mu mirembe; na lieta lilye lya a li gulikwa ni yili: YAHOVA BULUNGI BWETU.

Jeremia 32:37

Henza, nda va vungidza nokuvatwulidza mu vivala yivi vyosi, vya nda va kunga ni va tsia yo mu livihirirwa lyange, nomu likendeka lyange, nomu butima bwange bunene; na nda va leta kandi vadze hano, nda va vika va menye nemirembe.

Jeremia 33:11

gu la hulirwa kandi mwoyo gwobuyanzi nomwoyo gwobusangali, nomwoyo gwa usereye nomwoyo gwomwiha, nemyoyo gya yavo ava volanga, Mu santidze Yahova wa mahe kigira uyu Yahova a veye mulahi kigira tsimbabasi tsitsye tsi tsitsagil'langa mihiga nemihiga; nemyoyo gya avahaananga vihaanwa vyelisantidza mu inyumba ya Yahova. Kigira ndirannya lyadikidzwa lyekivala kuli matsyambiri, Yahova a vola.

Ezekieli 28:26

Na va la menya nemirembe mukyo; yee, va lombaka tsinyumba, nokusimika milimi gyemizabibu, na va la menya nemirembe, lwa inze mmali kukalaga ku yavo ava va leganga ava va kumbiridza; na va la manya inze mbeye Yahova Nyasaye wavo.

Ezekieli 34:25

Na nda kola lilagana lyemirembe halala navo, na nda heridza tsinyama tsindamano tsi vule kuva kandi mu kivala yikyo; va la menya nemirembe mwigendanyama, nokugona mmulitu.

Ezekieli 34:28

Na si va la va vilanye vyetsihiri kandi, kandi tsinyama tsyekivala si tsi la va lia kandi mba; navutswa va la menya nemirembe, na si ha la va no nyala kuvatihidza.

Ezekieli 38:11

na u la vola, Ndanegira ku kivala kyotu dala tu ta li netsingaga; nda tsia ku yava ava veye mu busosi, avamenya nemirembe, vosi va menya bugira tsingaga, na ava ta veye nemiluguyu kinga viribwa;

Ezekieli 38:8

Inyima wa madiku manyingi va ladza ku ive; mu mihiga gyekiheri u lingira mu kivala kiranywa kutwula ku kivavi, kya vungidzwa kutwula ku avandu vanyingi, ku vigulu vya Israeli, vya li vyanyi vya kazozo; navutswa kya letwa kutwula mu avandu, na va la menya nemirembe, yavo vosi.

Kwidzulitsa 11:31

Kigira mwinye mu lambuka Yordani mwingire kugumira kivala kya Yahova Nyasaye wenyu a mu ha, na mu la ki gumira, nokumenya mu.

Kwidzulitsa 3:27

Wanegire ha ntongi ya Pisiga, na u ginge tsimoni tsitsyo ku luvega lwemadioli, nakasikasini, nekusini, nivugwe, u lole netsimoni tsitsyo: kigira si u lambuka Yordani yigu.

Kwidzulitsa 33:12

Ku Benjamini ya vola Umuyanze wa Yahova a la menya nemirembe kuye; A mu kinganga mbasu bei Na a menyanga hagati ha mavega gege.

Kwidzulitsa 33:28

Israeli va menyanga bulahi, Kisinukiru kya mazdzi kya Yakobo ki veye kiderwa, Mu kivala kyobuswage newaini ihya; Yee, ligulu lilye li tonyatonyanga lime.

Kwidzulitsa 4:22

navutswa inze ga ndukira nda kudzira mu kivala yiki, si nda duka kwambuka Yordani; navutswa mwinye mu lambuka, nokugumira kivala kilahiyikyo.

Kwidzulitsa 9:1

Hulira, O Israeli: lero ndi u lambuka Yordani, na wingire kugumira tsihiri tsinene netsyetsingulu kuvita ive, madala manene agombakwa amadigi kuduka migulu,

Joshua 11:23

Na ndiyo Joshua ya vugula kivala kyosi, kuli gosi aga Yahova ya volera Musa; Joshua ya haana ku Israeli kuva miyandu kuli lyavukana lyetsihiri tsyavo. Ma ubulwani bwa kalika mkivala.

Joshua 14:1

Yiki ki veye miyandu gyavana va Israeli va vugula mkivala kya Kanani, kya Eleazaru musalisi, na Joshua mwana wa Nuni, na va veye mitwe gyetsinyumba tsyavo yago avetsihiri tsya Israeli, va va gavulira,

Joshua 3:17

Na avasalisi va ginga lisanduku lyelilagana lya Yahova va singira budinyu ku marova amumu hagati ha Yordani; na Israeli vosi vambuka ku marova amumu, kuduka ihiri yosi ya mala kwambuka Yordani.

Joshua 4:12

Na avana va Rubeni, na avana va Gadi, na inusu yehiri ya Manase, vambuka ni vivika vyuma imbiri wa avana va Israeli, kuli Musa ya va volera:

1 Samweli 7:12

Hene yaho Samweli ya vugula ligina, nokulisingeridza hagati ha Mizipa na Shen, na ya gulika ligina zana Ebenezeri, na a vola, kuduka kalunu Yahova u ku konyi.