Kwidzulitsa 11:22 - KITABU KITAKATIFU

²² Kigira ni mu va ni mu gumira ligali malago yaga ga mmu laganga, nokugakola, kuyanza Yahova Nyasaye wenyu, nokugenda ku tsinzira tsitsye tsyosi, nokuhambana naye;

Kwidzulitsa 11:22 ပူးပေါင်းရင်းမြစ်များ

Litanga 2:24

Kigira yaga musatsa a la leka dada wewe na mama wewe, na a hambane nomukali wewe: na vombi va la gwa inyama indala.

Zaburi 119:31

Mbambana nelilolekidza lilyo: O Yahova, u ta ndegannya mba.

Matayo 22:37

Naye ya mu volera, U yanze Mwami Nyasaye wowo nomwoyo gugwo gwosi, neliva mwoyo lilyo lyosi, nobugeeri bubwo bwosi.

Vikolwa 11:23

Naye lwa ya duka na a lola tsimbabasi tsya Nyasaye, ya yanza, na a veganehidza vosi va dinye ku Mwami nobusaaviri bwomwoyo;

Kwidzulitsa 10:20

U tie Yahova Nyasaye wowo, u mu tumekire; na u hambane naye, na wesuhe ku lieta lilye.

Kwidzulitsa 11:1

Kigira yaga u yanze Yahova Nyasaye wowo, nokugumira lyeganehidza lilye, miima gyigye, nelikalaga lilye, namalago gege, kazozo.

Kwidzulitsa 11:13

Kandi ga la va, ni mu va ni mu hulira ligali malago gange ga mmu laganga lero, kuyanza Yahova Nyasaye wenyu, nokumutumekira nomwoyo gwenyu gwosi, naroho gwenyu gwosi,

Kwidzulitsa 19:9

nu u va nu u gumira lilaga yili lyosi, lya nku laganga lero, nokugakola, nokuyanza Yahova Nyasaye wowo, nokugenda kazozo mu tsinzira tsitsye, hene yaho u la meda madala gavaka kandi ga ve ku ive, halala na gandi gavaka yaga:

Kwidzulitsa 30:20

kuyanza Yahova Nyasaye wowo, kuhulira mwoyo gwigwe, nokuhambana naye; kigira a veye livamwoyo lilyo, nobutambi bwamadiku gogo; u duke kumenya mu kivala kya Yahova yisuhira avaguga vovo, Abrahamu, na Isaka, na Yakobo, kuvaha.

Kwidzulitsa 6:17

Mu gumire nobugulu malago ga Yahova Nyasaye wenyu, nelilolekidza lilye, ne miima gyigye, gya ya ku laga.

2 Timoteo 4:8

Lwenyima mbikeywi itaji yobulungi, yo Mwami mukalagi wobulungi, a li mpa mu lidiku yilyo; navutswa si a li inze tsyeng'ine navutswa yava vosi ava yanza lilang'ama lilye.