Kwidzulitsa 11:14 - KITABU KITAKATIFU

¹⁴ hene yaho nda ku ha imbula yekivala kyenyu ku inyinga yakyo, imbula yokutanga nembula yenyima, u duke kuvungidza ubuswage bubwo, newaini yoyo, namaguta gogo.

Kwidzulitsa 11:14 ပူးပေါင်းရင်းမြစ်များ

Isaya 30:23

Naye a la haanira bugutsa bubwo imbula, bwa u li taga mu mulimi gugwo, na ubukima bwelimeda lyelirova, bu la va bunolu nokwama bunyingi: mu lidiku yilyo tsing'ombe tsitsyo tsi laya mu kyayo kyobwiyangu.

Jeremia 14:22

Mu vindu vya vutswa vyosi vya yavo avetsihiri ki veye ho ki nyala kuleta imbula? Naho ligulu li nyala kuleta lunyirira? Si a veye ive, O Yahova Nyasaye wetu? Kigira yaga kwinye ku la linda ive; kigira ive u lombi vindu ylvi vyosi.

Jeremia 5:24

Kandi si va vola mu myoyo gyavo Gendi ku tie Yahova Nyasaye wetu kalunu, uyu u letanga imbula, imbula yomuhiga, nembula ye itodzo ku inyinga yayo; uyu wa ku vikira masidza ga lagwa geligesa.

Ezekieli 34:26

Na nda va kola, halala na hosi ha kumbiridza kigulu kyange kuva ubugasu; nda leta ulunyirira ku inyinga yalwo; lu la va ho tsinyirira tsyobugasu.

Joeli 2:19

Na Yahova ya tivula na a volera avandu veve, Henza, nda mu letera ubuswage, na iwaini impya, na maguta, na mu liguta vindu yivi; na si nda mu kola kandi kunyegwa hagati hetsihiri;

Kyavalevi 26:3

Ni mu genda mu miima gyange, nokugumira malago gange, nokugakola;

Kyavalevi 26:4

kunangwa nda kupidza imbula yenyu ku tsinyinga tsyayo, na kivala ki lama limedeka lyakyo na misala gyemilimi gyi lama makuyu gagyo.

Malaki 3:11

Kigira mwinye, nda gondokera uyu u litsanga, naye si a lononnya makuyu gekivala kyenyu; kandi mizabibu gyenyu si gyi la vungulula amakuyu gagyo mu mulimi imbiri wenyinga yagyo, Yahova wa mahe a vola.

Vikolwa 14:17

Navutswa si veleka mwene a vule kuva nevilolekidzu, kigira ya kola bulahi, na a leta tsimbula tsyomigulu na a mu ha imihiga gyeligesa, ni yizulitsa myoyo gyenyu vyokulia nobutsantsaliki

Kwidzulitsa 28:12

Yahova a la ku kunulira ligungi lilye lilahi, nalyo li veye ligulu, ku lihaana imbula yekivala kyikyo ku tsinyinga tsyayo, nokugasidza miyinzi gyomukono gugwo gyosi: na u la hambidza tsihiri tsinyingi kivete, na ive si u la hamba kivete mba.

Yakobo 5:7

Kunangwa mwikudzire, avamitu, kuduka lidza lyo Mwami. Henzi, mulimi a lindiriranga lyama lyelirova lilahi, kandi yikudziranga kulyo kuduka li luhe li nyole imbula yokutanga neyenyima.