Kwidzulitsa 1:8 - KITABU KITAKATIFU

⁸ Henza, mbiki kivala imbiri wenyu; mwingire mu gumire kivala kya Yahova yesuhira avaguga venyu, Abrahamu, na Isaka, na Yakobo, kuhaana kuvo, noku visukululwi vyavo inyima wavo.

Kwidzulitsa 1:8 ပူးပေါင်းရင်းမြစ်များ

Litanga 12:7

Kandi Yahova ya loleka ku Abram, na a mu volera, Inze nda ha kisukululwi kikyo kivala yiki: naye yombakira ho Yahova ubwali, wa loleka kuye.

Litanga 15:16

Na mu kisukululwi kya kane va lirana hano kandi: kigira ubudamano bwa Vaamori bu kikiri kwizula.

Litanga 15:18

Mu lidiku yilyo Yahova ya kola lilagana na Abram, na a vola, Mmali kuha visukululwi vivyo kivala yiki, kutwula ku mu gera gwa Egepeti kuduka ku mugera munene gwa Farati:

Nehemia 9:15

na wa va ha vyokulia vya twula migulu vi ve vya inzala yavo, nokuvatwulidzira amadzi ga twula ku lwanda ga ve gobuluhu bwavo, na wa va laga vingire nokugumira kivala kya wa mala kugingira mukono gugwo u duke kuvaha.

Kutwula 23:31

Na nda vika lwako lulwo kutwula Inyanza Inzakanyu kuduka ku inyanza ya Avafilisiti, kandi kutwula ku kyangalangwi ku duka ku Mugera: kigira nda vika avandu avomkivala mu mukono gwenyu; na ive u la va kunga imbiri wowo.

Kutwula 33:1

Kandi Yahova ya volera Musa Mu twule, mwanegire, ive na avandu ava wa leta kutwula mu kivala kya Egepeti, mu tsie mu kivala kya ndesuhira Abrahamu, na Isaka na Yakobo, nokuvola, Nda ha kisukululwi kikyo kivala yiki:

Jeremia 32:22

na wa va ha kivala yiki, kya wisuhira avaguga vavo kuvaha, kivala ki gangulukanga amaveere nobwuki;

Ezekieli 47:14

Na mwinye mu la ki nyola kuva miyandu, mulala kuli wundi; kigira ndisuha kukyo kukihaana ku vaguga venyu: nekivala yiki ki la va ku mwinye kuva miyandu gyenyu.

Livalidza 14:23

ligali si va la lola kivala kya ndisuhira avaguga vavo, kandi mu yavo ava leganga inze si a la va ho mulala u la ki lola:

Livalidza 32:11

Ligali si ha la va nomulala ku yavo ava li kutwula mu Egepeti, kutwula ku avemihiga makumi gaviri nokuvita u nyala kulola kivala kya nda lagana na Abrahamu, na Isaka, na Yakobo; kigira si va nonda nomwoyo gwosi:

Kwidzulitsa 1:11

Yahova, Nyasaye wavaguga venyu, a mu kole avanyingi hali elfu kuli mu veye, na a mu gasidze, kuli ya mu laga

Kwidzulitsa 1:35

Ligali si ha veye nomulala mu avandu yava ku likula yili lidamano u li lola kivala kilahi yikyo, kya ndisuha kuha avaguga venyu,

Kwidzulitsa 10:11

Na Yahova ya mbolera, Vuka, u gumire lugendo lulwo imbiri wa avandu; navo va lingira kugumira kivala, kya ndisuhira avaguga vavo nda va ha.

Kwidzulitsa 11:24

Hosi ha tsinduvatiru tsyenyu tsi sena ku ha la va henyu: kutwula ku kyangalangwi, na Lebanon, nokutwula ku mugera, mugera gwa Farati, kali kuduka ku inyanza yemadioli, lu la va lwako lwenyu.

Kwidzulitsa 11:9

na mu duke kukola madiku genyu kuva manyingi mu kivala, kya Yahova yesuhira avaguga venyu a la va ha nevisukululwi vyavo, kivala ki gangalukanga amaveere nobwuki.

Kwidzulitsa 2:29

kuli avana va Esau ava menyi mu Seiru, na Vamoabu ava menyi mu Ari, v a nkolera; nduhe nduke kwambuka Yordani kwingira kivala kya Yahova Nyasaye wetu ya ku ha.

Kwidzulitsa 26:15

Mu hokumenya hoho hatakatifu migulu, u henze hasi, nokugasidza avandu vovo, Israeli nekivala kya wa ku ha, kuli wesuhira avaguga vetu, kivala ki gangulukanga amaveere nobwuki.

Kwidzulitsa 26:3

U tsie ku musalisi u li va ho madiku yago, u mu volere, Lero nziyamanga ku Yahova Nyasaye wowo, nduki kwingira mu kivala kya Yahova yesuhira avaguga vetu a la ku ha.

Kwidzulitsa 28:11

Na Yahova a la ku kola u ve nobunyingi bwobugasu, mu lwivulu lwenda yoyo, nolwalo lwetsinyama tsitsyo, noku lyama lyekivala kikyo, mu kivala kya Yahova yisuhira vaguga vovo a la ku ha.

Kwidzulitsa 29:12

u duke kwingira mu lilagana lya Yahova Nyasaye wowo, nelyesuha lilye, lya Yahova Nyasaye wowo a kolanga nive lero;

Kwidzulitsa 30:20

kuyanza Yahova Nyasaye wowo, kuhulira mwoyo gwigwe, nokuhambana naye; kigira a veye livamwoyo lilyo, nobutambi bwamadiku gogo; u duke kumenya mu kivala kya Yahova yisuhira avaguga vovo, Abrahamu, na Isaka, na Yakobo, kuvaha.

Kwidzulitsa 31:7

Na Musa ya langa Joshua, na a mbolera mmoni mwa Israeli vosi, U ve mugulu nomuluviriri: kigira u lingira navandu yava mkivala kya Yahova yesuhira avaguga vavo a la va ha; na ive u la va lihidza miyandu.

Kwidzulitsa 34:4

Na Yahova ya mu volera, Yiki ni kivala kya ndisuhira Abrahamu, ne Isaka, na Yakobo, ni mbola, Nda ha visukululwi vivyo: ligali mmali kukumannya, navutswa si u lambuka yo mba.

Kwidzulitsa 4:1

Kalunu, O Israeli, hulira malago nelikalaga, lya nzegidzanga mwinye kugakola; mu duke kuva mwoyo, nokwingira nokugumira kivala kya Yahova, Nyasaye wavaguga venyu, a mu ha.

Kwidzulitsa 6:10

Na ga la va, lwa Yahova Nyasaye wowo a ku leta mu kivala kya yisuhira avaguga vovo, Abrahamu, na Isaka, na Yakobo, kukuha madala manene namalahi, ga wa vula kwombaka,

Kwidzulitsa 7:12

Na ga la duka, kigira mwa hulira makalago yaga, nokugumira nokugakola, Yahova Nyasaye wowo a la dukidza ku ive lilagana netsimbabasi tsya yesuhira avaguga vovo:

Kwidzulitsa 7:13

na a la ku yanza, nokukugasidza, nokukumeda; kandi a la gasidza lwivulu lwenda yoyo, nelyama lyemilimi gyigyo, ubuswage bubwo, newaini yoyo, namaguta gogo, nelimedeka lyetsing'ombe tsitsyo, navana vamagondi gogo, mu kivala kya yesuhira avaguga vovo a la hu ha.

Kwidzulitsa 7:8

navutswa kigira Yahova a mu yanza, na kigira yenya kudukidza lyesuha lya yesuhira avaguga venyu, kunangwa Yahova ya mu twulidza nomukono gwetsingulu, ya mboholola mu inyumba yo butugwa, mmukono gwa Farao mwami wa Egepeti.

Kwidzulitsa 8:1

Amalago gosi ga nku lagi lero mu ga gumire kugakola, mu duke kuva mwoyo, nokumedeka, nokwingira, mu gumire kivala kya Yahova yesuhira avaguga venyu.

Kwidzulitsa 9:5

Si ga li kigira butakatifu bubwo, kinga bulungi bwomwoyo gugwo, ive wingira kugumira kivala kyavo; navutswa ga veye kigira ubudamano bwetsihiri yitsi Yahova Nyasaye wowo a va kunganga kutwula imbiri wowo, a duke kusingeridza makuva ga Yahova yisuhira vaguga vovo, Abrahamu, na Isaka, na Yakobo.

Vahebraina 6:13

Kigira lwa Nyasaye ya ha Abrahamu lisuuviridzwa, kigira si ha li nomunene wa mu vita wokwisuha, yeyisuha mwene,

Vahebraina 6:14

na a vola, Ligali ligasidza nda ku gasidza, kandi limeda nda ku meda.

Joshua 1:6

U ve mugulu nomuluviriri; kigira u la lihidza avandu yava miyandu gyekivala kya ndi suhira avaguga vavo nda va ha.

Vakalagi 2:1

Ma, ingelosi wa Yahova yanegira kutwula Gilgali kutsia Bokim. Naye ya vola, Nda mwanegiridza kutwula mkivala kya Egepeti, na mali kumuleta kuduka mu kivala kya ndisuhira avaguga venyu; nda vola, Ligali si ndononnya lilagana lyange lya nda lagana nemwinye, mihiga nemihiga: