Kutwula 9:24 - KITABU KITAKATIFU

²⁴ Kunangwa ha li nembula yamagina, na muliru gwa tsugana namagina, ga li madamano ligali, yolugano lwayo lu kikiri kuva ho mu kivala kyosi kya Egepeti, kutwula lwa kya tanga kuva ihiri.

Kutwula 9:24 ပူးပေါင်းရင်းမြစ်များ

Ayubu 38:23

Ya nda vika akiba ku inyinga yekivi Ku lidiku lyokulwana nobulwani?

Zaburi 105:32

Ya va ha imbula yamagina mbu gono bwembula, Na ulumemo lwomuliru mu kivala kyavo.

Zaburi 18:13

Yahova ya syagukidza inkupa migulu, Na U Veye Igulu Ligali ya vola nomwoyo gwigwe, Imbula ya magina na amanda gomuliru.

Kutwula 10:6

na tsinyumba tsitsyo, na tsinyumba tsya vatumekiri vovo, na tsinyumba tsya Vaegepeti vosi, tsi lizula; na lilwana lyatsyo avadada vovo navaguga vovo si va lola, ku kutwula ku lidiku lya va tanga kuva ho ku lirova kuduka lero. Naye ya girunkana na a twula ku Farao.

Kutwula 9:18

Henza, mugamba himbi inyinga yiyi, nda kupidza imbula yamagina madamano, yolugano lu kikiri kuva ho mu Egepeti kutwula ku lidiku lya kya loleka kuduka lero.

Kutwula 9:23

Na Musa ya nyira impimbo yeye kuhenzidza igulu: na Yahova ya leta lihirigana nembula ya magina, na muliru gwika ku lirova na Yahova ya kupidza imbula ya magina ku kivala kya Egepeti.

Kutwula 9:25

Na imbula yamagina ya duya vyosi vya li mu kivala kya Egepeti, vyosi vya ii mu mulimi, avandu nemitugu; na imbula yamagina ya duya vyosi vya mera mu milimi, nokuvunannya misala gyosi gyomu mulimi.

Isaya 30:30

Kandi Yahova a la kola avandu va hulira mwoyo gwigwe gwobukumi nokumannya liika lyomukono gwigwe, halala nohululu bwobutima bwibue, nolumemo lwomuliru gu sambanga, halala nekihudzudzi, nekihi, nembula yamagina.

Ezekieli 1:4

Na nda lola, henza, imbuudza yekihudzudzi ya twula ku luvega lwa kasikasini, lilesi linene, halala nomuliru gwolumemo lwa gumirana, nobung'ering'anu bwa kumbiridza tsimbega tsyosi, na hagati hagwo ha li nekindu kuli ubwakanyu bwekivya, hagati homuliru zana.

Ezekieli 13:13

Kigira yaga Mwami Nyasaye a vola: Inze nda li tandula nekihi mu ubutima bwange: kandi ha la va nembula yizulanga amadzi namagina manene gembula mu livihirirwa kulidividza ligali.

Matayo 24:21

kigira yeneyo kivi kinene ki la duka, kusira kyosi kutwula ku litanga lyelirova kuduka kalunu, kandi si ki li va ho.