Kutwula 9:23 - KITABU KITAKATIFU

²³ Na Musa ya nyira impimbo yeye kuhenzidza igulu: na Yahova ya leta lihirigana nembula ya magina, na muliru gwika ku lirova na Yahova ya kupidza imbula ya magina ku kivala kya Egepeti.

Kutwula 9:23 ပူးပေါင်းရင်းမြစ်များ

Litanga 19:24

Kunangwa Yahova ya kupidza ku Sodoma na Gomora kibiridi na muliru kutwula ku Yahova migulu;

Ayubu 37:13

Ni i va ga veye ku lihonywa, kinga kigira kivala kikye Kinga kigira tsimbabasi, a duke kugaleta.

Zaburi 147:17

A sikisanga imbula yamagina kuli vitonge: Ibwaha u nyala kusingira imbiri wobukindu bwibwe?

Zaburi 148:8

Umuliru, ne imbula yamagina, likonza ne lilumbe; Imbuudza yekihudzudzi vi kola likuva lilye;

Zaburi 18:13

Yahova ya syagukidza inkupa migulu, Na U Veye Igulu Ligali ya vola nomwoyo gwigwe, Imbula ya magina na amanda gomuliru.

Zaburi 29:3

Mwoyo gwa Yahova gu veye ku amadzi: Nyasaye wobukumi a syagukidza inkupa, Kali Yahova ku amadzi manyingi.

Zaburi 77:18

Mwoyo gwenkupa yoyo gwa li mukihudzudzi; Tsimpeni tsya hemahema mu lirova: Lirova lya degera, nokudengeya.

Kutwula 19:16

Kunangwa ku lidiku li kola gavaka, inyinga ya mugamba, ha li nelihirigana netsimpeni, na lilesi liliduhu ku kigulu, na mwoyo munene ligali gwekisiliva; na avandu vosi ava li ha lisosa, va degera.

Kutwula 20:18

Na avandu vosi va hulira tsinkupa, nokulola tsimpeni, nokuhulira mwoyo gwekisiliva, na kigulu kya vuva mwoki: na lwa avandu va lola yivi va degera, ni va singira ihale.

Kutwula 9:18

Henza, mugamba himbi inyinga yiyi, nda kupidza imbula yamagina madamano, yolugano lu kikiri kuva ho mu Egepeti kutwula ku lidiku lya kya loleka kuduka lero.

Kutwula 9:24

Kunangwa ha li nembula yamagina, na muliru gwa tsugana namagina, ga li madamano ligali, yolugano lwayo lu kikiri kuva ho mu kivala kyosi kya Egepeti, kutwula lwa kya tanga kuva ihiri.

Isaya 30:30

Kandi Yahova a la kola avandu va hulira mwoyo gwigwe gwobukumi nokumannya liika lyomukono gwigwe, halala nohululu bwobutima bwibue, nolumemo lwomuliru gu sambanga, halala nekihudzudzi, nekihi, nembula yamagina.

Ezekieli 38:22

Nda kola likalaga kuye nobulwaye namasahi; nda kupidza imbula kuye, noku viduma vivye, noku avandu vanvingi ava veye halala naye, nda kupidza imbula yo kwizula, nembula yamagina amanene nomuliru, nekibiridi.

Joshua 10:11

Na ga duka, lwa va li ni virukanga imbiri wa Israeli, lwa va sulunguta Beth-horon, Yahova ya va lasa magina manene kutwula migulu kuduka Azeka, ni va kudza: ava kudza kwiitwa na magina gembula va veye vanyingi kuvita ava avana va Israeli viita nekivavi.

Likunula 16:18

vya li ho tsimbeni, nemyoyo, netsinkupa; kandi lya li ho lidegera linene lye lirova, lya li kuli lya vula kuva ho kutwula inyinga avandu va duka mu lirova, kuli wa lya li linene.

Likunula 16:21

Kandi imbula inene yamagina, amagina selilala lya leng'ana netalanta, ya twula migulu ni yika ku vandu: kandi avandu va nyega Nyasaye kigira liduya lyembula yamagina; kigira liduya lyayo li veye linene ligali.

Likunula 8:7

Kandi ingelosi wokutanga ya kupa kisiliva, kandi ha li nembula yamagina nomuliru vya tsukanywa namasahi, ni vi tsukwa ku lirova: kidieli kilala ku vivaka kyelirova kya bya, kandi kidieli kilala ku vivaka kyemisala kya hya, kandi ubulimu bwosi ubuvisi bwa hya.