Kutwula 9:16 - KITABU KITAKATIFU

¹⁶ navutswa na geligali nda singeridza ive kigira yaga, nduke kulang'aminya ku ive tsingulu tsyange, na kandi lieta lyange li landidzwe mu lirova lyosi.

Kutwula 9:16 ပူးပေါင်းရင်းမြစ်များ

2 Samweli 7:23

Kandi ni ihiri ki mu lirova i veye kuli avandu vovo, kuli Israeli, ava Nyasaye ya tsia kwegulira va ve avandu veve, nokwenyolera lieta, nokumukolera vindu vinene, vindu vyokutihidza kigira kivala kikyo, imbiri wavandu vovo, ava wa gula va ve avovo kutwula Egepeti, kutwula mu tsihiri nomu vanyasaye vavo?

2 Avami 19:35

Na ga duka ku budiku zana yibu, ingelosi wa Yahova ya tsia, na a kuya avandu tsielfu mia na makumi gatano na gavaka na tsitano mu hokusosa ha Vaasuria: na lwa avandu va vuka mugamba tsuri, henza, yava va li avakudzu vosi.

1 Kyetsinyinga 16:24

Mu volere tsihiri ubukumi bwi bwe, Mu uolere vikolwa vivye vyoku genya hagati ha avandu vosi.

Nehemia 9:10

wa lolekidza vilolekidza vinyingi nevyokugenya ku Farao, noku vatumekiri veve vosi, noku avandu vosi avekivala kikye; kigira ive u manya va va kolera nobwigingiri na wenyolera lieta, kuli li veye lero.

Zaburi 106:8

Navutswa ya va honnya kigira lieta lilye, A duke kulang'aminya ubunene bwetsingulu tsitsye.

Zaburi 64:9

Na avandu vosi va la tia; Na va la landidza likola lya Nyasaye, Na va gananaga nobugeeri miyinzi gyigye.

Zaburi 76:10

Ligali ubutima bwavandu bu la kwidzominya: U la gaya ubutima bwa tigala.

Kutwula 14:17

Na inze nda dinyiridza myoyo gya Avaegepeti, navo va lingira inyima wavo, na inze nda nyola lidzominywa ku Farao, noku lihe lyosi, noku magari gelihe gege, noku avetsiparasi veve.

Kutwula 14:4

Na inze nda dinyiridza mwoyo gwa Farao, naye a la va londerera; na nda nyola liidzominywa ku Farao, noku lihe lilye; na Avaegepeti va la manya, inze mbeye Yahova. Na va kola ndiyo.

Kutwula 18:11

Kalunu mmanya Yahova a veye munene kuvita avanyasaye vosi; yee, mu inkuva ya va kola noluyai kuvo.

Kutwula 9:15

Kigira kalunu nkano mmali kunyira mukono gwange, nokuduya ive na avandu vovo nolukudzo ludamano, na ive nkano u twulidzeywi mu lirova:

Kutwula 9:17

Kali kalumu wegingira ku avandu vange, na u suye kuvalakula va tsie?

Tsing'ano 16:4

Yahova u koli vindu vyosi ku bulaliri bwibwe Yee, kali avadamano ku lidiku lyobudamano.

Jeremia 32:20

wa vika vilolekidzu na vyokugenya mu kivala kya Egepeti, kuduka ku lidiku lya lero, mu Israeli, na hagati na vandu vandi; nokwelombera lieta kuli ga veye lero;

Ezekieli 39:21

Na nda singeridza ubukumibwange hagati he tsihiri, netsihiri yitsyo tsyosi tsi la lola likalaga lyange lya nkoli, nomukono gwange gwa mbiki kuvo.

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

Malaki 1:14

Navutswa a laamwe uyu u gadanga u veye mu kyayo kikye kisatsa, navutswa a laga, nokuhaana ku Yahova kindu kilema; kigira mbeye Mwami munene, Yahova wa mahe a vola, na lieta lyange li tihidzangwa mu tsihiri.

Livalidza 14:21

Navutswa kuli mbeve mwovo, na kuli lirova lyosi li lizula ubukumi bwa Yahova;

Varumi 9:17

Kigira ma ng'oda ga volera Farao, Nda vika ive kigira ubulaliri yibu, nduke kuku lang'aminyira tsingulu tsyange, kandi lieta lyange li duke kulandidzwa mu lirova lyosi.

Varumi 9:22

Ki la va ki, ni i va Nyasaye yikudzira nobwikudziri bunyingi ku viju vyobutima vya tegekirwa ubwoneku, kigira yenya kulang'aminya ubutima bwibwe, nokumannya tsingulu tsitsye:

Joshua 4:24

avandu velirova vosi va duke kumanya mukono gwa Yahova, gu veye mukono gwobunyali; mu duke kutia Yahova Nyasaye wenyu mihiga nemihiga.

1 Petro 2:19

Kigira yaga ga veye malahi, niva mundu, kigira mwoyo gwigwe ku Nyasaye, a nyola ubuvereri ku busaliri bu ta li bwobulungi.

1 Petro 2:8

Kandi, Ligina lyokwikigitalidza, nolwanda lwokwikigitalidza; Kigira vikigitala ku likuva kigira va vula kubugirira: ava vikwa va duke ku likuva yilyo.

Yudasi 1:4

Kigira ha veye navandu valala ava seta kwingira galaha, ava tanga kung'oderwa likalagirwa yili, ava vula kutia Nyasaye, ava girunkannya tsimbabasi tsya Nyasaye wetu tsi duke kuva kifwabwi, avambakana nga Munene wetu muderwa naye no Mwami wetu Yesu Kristo.

1 Samweli 4:8

Vayaye ku kwinye bwaha u nyala kukuhonnya ku makono gavanyasaye yava avobunyali? Avanyasaye yava nivo ava kuya Vaegepeti namaduya tsing'ano tsinyingi lugano lugano mwigendanyama.