Kutwula 9:14 - KITABU KITAKATIFU

¹⁴ Kigira ku inyinga yiyi nda leta maduya gange gosi ku mwoyo gugwo, noku avatumekiri vovo, noku avandu vovo; u duke kumanya si ha veye na wundi kuli inze mu lirova lyosi.

Kutwula 9:14 ပူးပေါင်းရင်းမြစ်များ

2 Samweli 7:22

Kigira yaga ive u veye munene, O Yahova Nyasaye: kigira si ha li nowundi kuli ive, kandi si ha li na Munyasaye wundi navutswa ive kuli gosi ga ku huliye namatu getu.

1 Avami 8:38

lisaala ku lyosi kinga lihomba ku lyosi li kolwa nomundu ku vosi, kinga navandu vovo Israeli vosi, ava manya umundu sa mulala liduywa lyomwoyo gwigwe, na a nyira makono gege kuhenzidza ku inyumba yiyi:

1 Kyetsinyinga 17:20

O Yahova, si ha veye nowundi kuli ive, kandi si ha veye na Nyasaye wundi navutswa ive, kuli yaga gosi aga kwa hulira namatu getu.

Zaburi 86:8

Si ha li nowundi hagati ha vanyasaye, u veye kuli ive, O Mwami; Si ha li nelikola lindi li veye kuli likola lilvo.

Kutwula 15:11

Ibwaha u veye kuli ive, O Yahova, mu avanyasaye? Ibwaha u veye kuli ive, mu bukumi nomu butakatifu, U tihidzanga mu lidzominya lilyo, u kolanga vyokugenya?

Kutwula 8:10

Naye ya vola, Mugamba. Na ya vola, Ga ve kuli likuva lilyo; u duke kumanya si ha veye nowundi u leng'ana na Yahova Nyasaye wetu.

Kutwula 8:6

Na Haruni ya nyira mukono gwigwe ku amadzi ga Egepeti; na makere ga senuka, na ga kunika kivava kya Egepeti.

Kutwula 9:15

Kigira kalunu nkano mmali kunyira mukono gwange, nokuduya ive na avandu vovo nolukudzo ludamano, na ive nkano u twulidzeywi mu lirova:

Isaya 45:5

Inze mbeye Yahova, si ha veye nowundi; si ha veye na Nyasaye wundi bugira inze. Nda boha kikenge kikyo, kali na u vuli kumanya inze;

Isaya 46:9

Mwidzulitie vindu vya ma tsyambiri: kigira inze mbeye Nyasaye, si ha veye nowundi; inze mbeye Nyasaye, si ha veye nowundi u veye kuli inze;

Jeremia 10:6

Si ha veye nowundi kuli ive, O Yahova; u veye munene, na lieta lilyo li veye linene mu tsingulu.

Jeremia 10:7

Ni bwaha u vula kutia ive, O Mwami wavetsihiri? Kigira ga ku dukira yaga: kigira mu vageeri vosi avetsihiri, nomu vindu vyavo vyosi vyobwami, si ha veye mulala u veye kuli ive.

Jeremia 19:8

Na nda kola lidala yili kuva kyobugenyi nokukunukirwa: ku vosi u vita ahimbi kulyo a la genya nokukunuka kigira liduywa lyalyo lyosi.

Danyeli 5:21

na ya kungwa mu avana vavandu, na mwoyo gwigwe gwa kolwa kuva kuli gwetsinyama, na limenya lilye lya li halala netsisukiri tsyomwigendanyama; ya lihidzwa bunyasi kuli tsing'ombe, na mubiri gwigwe gwama lime lyomigulu; a luhe a duke kumanya Nyasaye U Veye Igulu Ku Vyosi yamehanga mu bwami bwa avandu, kandi ku vosi uyu wa a yanza a mu vika mu bwami.

Kyavalevi 26:18

Kandi mwinye ku yaga, ni mu va ni mu vula kumbulira, hene yaho nda mu li dambidza kuvita hali katano na kaviri kigira ubwoni bwenyu.

Kyavalevi 26:21

Kandi ni mu va ni mu genda mu lihing'ana ku inze, ni mu vula kumbulira, nda leta amaduywa ku mwinye hali katano na kaviri kuvita, kuli ubwoni bwenyu.

Kyavalevi 26:28

inze kandi nda genda nelihing'ana ku mwinye mu butima bwange; na kandi nda mu kupidza kivi hali katano na kaviri kigira ubwoni bwenyu.

Mika 6:13

Kigira yaga nda ku kuya nelikuya lisaleridzanga; nku koli u gwe hatswa kigira ubwoni bubwo.

Kwidzulitsa 3:24

O Yahova Nyasaye, wa tanga kumannya mutumwa wowo ubunene bubwo, nomukono gugwo gwetsingulu: kigira ha veye na nyasaye ki mwigulu kinga mu lirova, u nyala ku kola kuii miyinzi gyigyo, kandi kuli likola lilyo lyetsingulu?

Kwidzulitsa 4:35

Ga lang'aminywa ku ive, u duke kumanya Yahova niye Nyasaye; si ha veye nowundi na a ta li uyu.

Likunula 18:8

Kigira yaga liduywa lyalyo li la duka ku lidiku lilala, nalyo li veye likudza, neliverera nenzala; kandi li la sambwa nomuiiru ligali; kigira Mwami Nyasaye wa li kalagira a veye netsingulu.

Likunula 22:18

Ndolekidziranga mundu sa mulala u huliranga amakuva gobuprofeti bwekitabu yiki, Ku vosi mundu na a va na a ga meda, Nyasaye a la meda kuye maduywa aga ng'odwa mu kitabu yiki:

1 Samweli 4:8

Vayaye ku kwinye bwaha u nyala kukuhonnya ku makono gavanyasaye yava avobunyali? Avanyasaye yava nivo ava kuya Vaegepeti namaduya tsing'ano tsinyingi lugano lugano mwigendanyama.