Kutwula 8:8 - KITABU KITAKATIFU

⁸ Hene yaho Farao ya langa Musa na Haruni, na a vola, Mu saale Yahova, a twulidze makere ku inze, noku avandu vange; na nda lakula avandu va tsie kulombera Yahova isadaka.

Kutwula 8:8 ပူးပေါင်းရင်းမြစ်များ

1 Avami 13:6

Na mwami ya tivula na a volera mundu wa Nyasaye, Kalunu u goonye Yahova Nyasaye wowo, u saalire inze, nduke kwiranyirwa mukono gwange kandi. Na mundu wa Nyasaye ya goonya Yahova, na mukono gwomwami gwi ranywa kandi, ni gu va kuli gwa li ku matsyambiri.

Zaburi 66:3

Mu volere Nyasaye, Vikolwa vivyo vi veye nelitibwa Kigira bunene bwetsingulu tsitsyo avasigu vovo va legehidza ku ive.

Kutwula 10:16

Hene yaho Farao ya langa Musa na Haruni bwangu; na ya va volera, Nkoleye Yahova Nyasaye wenyu ubwoni, noku mwinye.

Kutwula 10:17

Kunangwa kalunu, mwadza, mu samehe ubwoni bwange inyinga indala vutswa, mu saale Yahova Nyasaye wenyu, a twulidze ku inze likudza yili lyeng'ine.

Kutwula 10:18

Naye ya twula ku Farao, na a saala Yahova.

Kutwula 14:5

Na mwami wa Egepeti ya volerwa, avandu viruki: na mwoyo gwa Farao nogwavatumekiri veve gwa girunkanywa ku avandu, ni va vola, Ni kinduki kya kwa kola, ku lileka Israeli va tsie, va vule kukutumekira?

Kutwula 32:11

Na Musa ya goonya Yahova Nyasaye wewe, nokuvola, Yahova, kigira ki ubutima bubwo bwaaka ligali ku avandu vovo, ava wa leta nobunyali bunene, nomukono gwetsingulu kutwula mu kivala kya Egepeti?

Kutwula 5:2

Na Farao ya vola, Yahova ni bwaha, inze nduke kuhulira mwoyo gwigwe, nokuha Israeli munwa kutsia? Inze si mmanya Yahova, na kandi si nda a ha Israeli munwa kutsia.

Kutwula 8:15

Navutswa Farao, lwa ya lola ha veye nobwiyangu bwokusosa, ya dinnya mwoyo gwigwe, na a vula kuvahulira; kuli Yahova ya vola.

Kutwula 8:29

Na Musa ya vola, Henza, ntwulanga ku ive, na nda saala Yahova maduuma getsingi ga twule ku Farao, noku avatumekiri veve, noku avandu veve, mugamba: navutswa Farao a ta kola ubugadi kandi ku livula kulakula avandu va tsie kulombera Yahova isadaka.

Kutwula 8:32

Na Farao ya dinnya mwoyo; gwigwe inyinga yiyi kandi, na si ya lakula avandu va tsie mba.

Kutwula 8:9

Na Musa ya volera Farao, Wekuminye ku inze mu inkuva yiyi: inyinga ki nda ku saalira ive, na vatumekiri vovo, na avandu u ovo, makere ga dividzwe kutwula ku ive na tsinyumba tsitsvo, na ga menye mu mugera vutswa.

Kutwula 9:27

Na Farao ya tuma na a langa Musa na Haruni, na a va volera Nkoli ubwoni inyinga yiyi: Yahova a veye mulungi, na inze na avandu vange ku veye avadamano.

Kutwula 9:28

Mu saale Yahova; kigira lihirigana linene na imbula yamagina vi duki; na inze nda mu lakula mu tsie, na si mu la lindagira mba.

Kutwula 9:33

Na Musa ya twula mu lidala ku Farao, na a nyira makono gege ku Yahova: na lihirigana na imbula yamagina ya hera, na imbula si ya kupa mu kivala mba.

Livalidza 21:7

Na avandu va tsia ku Musa, nokuvola, Ku koli ubwoni, kigira ku hing'ani na Yahova, na ive; u saale Yahova a twulidze tsinzoka ku kwinye. Na Musa ya saalira avandu.

Vikolwa 8:24

Simoni ya tivula na a vola, Mu nsaalire mwinye ku Mwami, vindu yi vi vya mu vola vi ta duka ku inze.

1 Samweli 12:19

Navandu vosi va volera Samweli, U saalire kwinye avatumekiri vovo ku Yahova Nyasaye wowo, ku vule kukudza; kigira ku medi ku bwoni bwetu bwosi, ubudamano yibu, bwokweyenyera kwinye avane, umwami.