Kutwula 8:26 - KITABU KITAKATIFU

²⁶ Na Musa ya vola, Si ga ku dukira kukola ndiyo; kigira ku la lombera Yahova Nyasaye wetu isadaka yekivihiri kya Avaegepeti imbiri wetsimoni tsyavo: henza, ku la lomba isadaka yekivihiri kya Avaegepeti imbiri wetsimoni tsyavo, navo si va la ku lasa magina?

Kutwula 8:26 ပူးပေါင်းရင်းမြစ်များ

Litanga 43:32

Na va mu vikira vivye yeng'ine, na vya yavo veng'ine, na vya Vaegepeti, ava lia halala naye, veng'ine: kigira Avaegepeti si va nyala kulia halala na Vahebraina; kigira nu mugyiru ku Vaegepeti.

Litanga 46:34

Mwinye mu la vola, Avatumekiri vovo va veye avatugi vemitugu kutwula bwana bwoke bwetu kuduka lero, kwinye, na avadada vetu: mu duke kumenya mu kivala kya Goshen; kigira avayi vosi va veye livihiriridza ku Avaegepeti.

2 Avami 23:13

Na hadiguluku ha li imbiri wa Yerusalemi, ku luvega lwa mukono mulungi lwekigulu kyobwoneku, ha Solomoni mwami wa Israeli yombakira Ashitorethu livihiriridza lya Vasidon, na Kemoshu livihiriridza lya Vamoabu, na Milikom livihiri- ridza lyavana va Amon, mwami yononya ha zana.

Ezara 9:1

Vindu yivi lwa vya mala kukolwa, avanene vesunda ku inze, ni va mbolera, Avandu va Israeli, avasalisi na Valevi, si veyahula ku avandu vomkivala yiki mba, va kolanga kuli livihiriridza lyavo, kuli Vakanani, na Vahiti, na Vaperizi, na Vajebusi, na Vaamon, na Vamoabu, na Vaegepeti, na Vaamori.

Kutwula 3:18

Na va la hulira mwvoyo gugwo, na u la tsia, ive navakulundu va Israeli, mu la tsia ku mwami wa Egepeti, na mu la mu volera Yahova, Nyasaye wa Vahebraina, u vugani na kwinye: mwadza, u ku he munwa ku tsie lugendo lwa madiku gavaka mwigendinyama kulombera Yahova, Nyasaye wetu isadaka.

Kutwula 8:8

Hene yaho Farao ya langa Musa na Haruni, na a vola, Mu saale Yahova, a twulidze makere ku inze, noku avandu vange; na nda lakula avandu va tsie kulombera Yahova isadaka.

Isaya 44:19

Kasi ha veye nomulala widzulitsa, kandi si ha veye nobugeeri kinga limanya kuvola, Inze ngu sambi kido nye mu muliru; yee, kandi ndugiye ubukima ku amanda gagwo; nkalangi inyama, na mali kulia: kunangwa kandi kidonye ki tigaye nki lombe kuva livihiriridza? Nda gwa hasi imbiri wekitinya kyomusala?