Kutwula 8:16 - KITABU KITAKATIFU

¹⁶ Na Yahova ya volera Musa, U volere Haruni, U nyire impimbo yoyo na u duye ulugukyi lwa marova, lu duke kuva tsindaa mu kivala kyosi kya Egepeti.

Kutwula 8:16 ပူးပေါင်းရင်းမြစ်များ

Zaburi 105:31

Ya vola na maduuma getsingi ga duka, Na tsindaa tsya landa tsimbega tsyavo tsyosi.

Kutwula 4:23

Kandi nku voleye, U he mwana wange munwa a tsie, a duke kuntumekira; na ive nu u suye kumuha munwa a tsie, henza, ndiita mwana wowo, munene wowo.

Kutwula 5:1

Kandi inyima Musa na Haruni va tsia, ni va volera Farao, Yahova, Nyasaye wa Israeli a volanga ndi, U he avandu vange munwa va tsie, va duke kunombera lidiku lyelisangala mwigendinyama.

Kutwula 8:15

Navutswa Farao, lwa ya lola ha veye nobwiyangu bwokusosa, ya dinnya mwoyo gwigwe, na a vula kuvahulira; kuli Yahova ya vola.

Kutwula 8:17

Navo va kola ndiyo; na Haruni ya nyira mukono gwigwe nempimbo yeye, na a duya ulugukyi lwe kivala, na ha li netsindaa ku vandu, noku mitugu; na lugukyi lwazi lwa marova lwa gwa tsindaa mu kivala kyosi kya Egepeti.

Kutwula 8:18

Na vasegetiri va kola ndiyo nobusegetiri bwavo kuleta tsindaa, navutswa si va nyala mba: na tsindaa tsya li ku vandu, noku mitugu.

Kutwula 8:5

Na Yahova ya volera Musa, U volere Haruni, Nyira mukono gugwo nempimbo yoyo ku migera, noku visenukiru vya amadzi, noku madavalia, u senukidze makere ku kivala kya Egepeti.