Kutwula 8:15 - KITABU KITAKATIFU

¹⁵ Navutswa Farao, lwa ya lola ha veye nobwiyangu bwokusosa, ya dinnya mwoyo gwigwe, na a vula kuvahulira; kuli Yahova ya vola.

Kutwula 8:15 ပူးပေါင်းရင်းမြစ်များ

Kutwula 14:5

Na mwami wa Egepeti ya volerwa, avandu viruki: na mwoyo gwa Farao nogwavatumekiri veve gwa girunkanywa ku avandu, ni va vola, Ni kinduki kya kwa kola, ku lileka Israeli va tsie, va vule kukutumekira?

Kutwula 4:21

Na Yahova ya volera Musa, Lwa wirana Egepeti, henza bulahi kukola vyokugennya vyosi imbiri wa Farao, vya mbiki mu makono gugwo: navutswa nda kola mwoyo gwigwe mudinyu, naye a la vula kuha avandu mur wa kutsia.

Kutwula 7:4

Navutswa Farao a la vula kumuhulira, na nda vika mukono gwange ku Egepeti, nokuleta amahe gange, avandu vange avana va Israeli, va twule mu kivala kya Egepeti nelikalaga linene.

Kutwula 8:14

Na va ga vungidza mu vitumi, na kivala kya funya ubugundu.

Kutwula 8:16

Na Yahova ya volera Musa, U volere Haruni, U nyire impimbo yoyo na u duye ulugukyi lwa marova, lu duke kuva tsindaa mu kivala kyosi kya Egepeti.

Kutwula 8:28

Na Farao ya vola, Nda mu ha munwa kutsia kulombera Yahova Nyasaye wenyu isadaka mwigendinyama; navutswa si mu la tsia ihale mba: mu nsaalire.

Kutwula 8:29

Na Musa ya vola, Henza, ntwulanga ku ive, na nda saala Yahova maduuma getsingi ga twule ku Farao, noku avatumekiri veve, noku avandu veve, mugamba: navutswa Farao a ta kola ubugadi kandi ku livula kulakula avandu va tsie kulombera Yahova isadaka.

Kutwula 8:32

Na Farao ya dinnya mwoyo; gwigwe inyinga yiyi kandi, na si ya lakula avandu va tsie mba.

Kutwula 8:8

Hene yaho Farao ya langa Musa na Haruni, na a vola, Mu saale Yahova, a twulidze makere ku inze, noku avandu vange; na nda lakula avandu va tsie kulombera Yahova isadaka.

Tsing'ano 26:11

Kuli imbwa yirana ku maluki gayo, Ni ndiyo a veye musiru u kolanga ubusiru bwibwe hali kaviri.

Tsing'ano 29:1

Uyu weligondokirwa linyingi naa dinyeridza ligoti lilye A lononnywa nonoho na si ba veye nobuhonnyi.

Kohelethu 8:11

Kigira likalaga likalagangwa ku likola lidamano si li kolangwa bwangu mba, kigira yaga myoyo gya avana vavandu gyi nyo langa tsingulu muvo kukola buda mano.

Isaya 26:10

Mudamano kali na a kolerwa tsimbabasi si a lyega ubulungi mba; mu kivaia kyobulungi uyu u la kola ubukyamu, na si a la lola ubukumi bwa Yahova.

Hosea 6:4

O Efiraim, nda ku kolera ki? O Yuda, nda ku kolera ki? Kigira ububwenyu bu veye kuli lilesi lyomugamba, na kuli lime li kamanga mabwebwe.

Vahebraina 3:15

Inyinga ya ga volangwa Lero ni mu va ni mu hulira mwoyo gwigwe, Mu ta dinnya myoyo gyenyu kuli mu lidiku lyelivihiriridza.

Vahebraina 3:8

Mu ta dinnya myoyo gyenyu, kuli wa ga li mu lidiku lyelivihiridza, Kuli mu lidiku yilyo lyeligeridzwa mu kyangalangwi,

Likunula 16:9

Kandi avandu va sambwa noluhya lunene: kandi va nyega lieta lya Nyasaye u veye netsingulu tsyamaduya yaga; kandi si veganira kumuha lidzominya.

1 Samweli 6:12

Netsing'ombe tsya londa inzira inungi i tsitsanga Beth-shemeshi, na tsi londa lihasi, na tsya tsia na tsyana, na si tsya govera ku mukono mulungi, kinga ku mukono mosi; avakulundu va Vafilisiti va tsi londa kuduka ku lwako lwa Beth-shemeshi.

1 Samweli 6:3

Navo va va volera, Mwinye ni mu hila lisanduku lya Nyasaye wa Israeli, li twule ku mwinye, mu ta li hila lyere; navutswa ga mu dukira mu hile kindu kyekihaanwa kyelihyola lyenyu: hene yaho mu la honywa, kandi mu la vulirwa kivune kyomukono gwigwe gu vuli kutwulira ku mwinye.

1 Samweli 6:6

Kunangwa kigira ki mu kolanga myoyo gyenyu miliduhu, kuli Vaegepeti na Farao va kola myoyo gyavo miliduhu? Lwa ya kola vindu vyokugenya hagati havo, si va leka avandu kutwula, nokutsia?

1 Samweli 6:9

Na henza; ni li va ni li londa ku inzira yo lwako lwalyo lyene kuduka Beth-shemeshi, hene yaho a ku koleye ubudamano bunene yibu: navutswa ni li va ni li vula kulonda inzira yeyo, hene yaho ku la manya si gu veye mukono gwigwe gwa kukuya; navutswa ki veye kyegendera kya ku gwira.