Kutwula 7:19 - KITABU KITAKATIFU

¹⁹ Na Yahova ya volera Musa, U volere Haruni, U vugule impimbo yoyo, u nyire mukono gugwo ku amadzi ga Egepeti, noku migera gyavo, noku tugera twavo, noku tsinyanza tsyavo, noku madavalia gavo gosi, ga duke kuva masahi, na hosi mu kivala kya Egepeti ha la va namasahi, mu viju vyemisala nomu viju vya magina.

Kutwula 7:19 ပူးပေါင်းရင်းမြစ်များ

Litanga 1:10

Na Nyasaye ya gulika ahumu Lirova na livungwa lyamadzi ya gulika Tsinyanza: na Nyasaye ya lola nobulahi.

2 Avami 4:29

Hene yaho ya volera Gehazi Webohe kikenge kikyo, u vugule impimbo yange mmukono gugwo, u tsie: nu u vugana nomundu ku inzira u ta mu chelidza mba; na a ku chelidza, u ta mu tivulira mba: u vike impimbo yange ku mumoni mwomwana.

Kutwula 10:12

Na Yahova ya volera Musa, Nyira mukono gugwo ku kivala kya Egepeti ku tsisigi, tsi duke kusenuka ku kivala kya Egepeti, na tsi lie vyosi vi meranga mu mulimi, kali vindu vyosi vya tigala ku imbula yamagina.

Kutwula 10:21

Na Yahova ya volera Musa, Nyira mukono gugwo kuhenidza migulu, ki duke kuva kisundi ku kivala kya Egepeti, kuduka va havatidze kisundi.

Kutwula 14:16

Na ive u ginge impimbo yoyo, nokunyira mukono gugwo ku inyanza, u gyavukanye: na avana va Israeli va lingira hagati henyanza ku lirova liumu.

Kutwula 14:21

Na Musa ya nyira mukono gwigwe ku inyanza; na Yahova ya kola inyanza kwirana inyima nembuudza yetsingulu itwula ivugwe ubudiku bwosi, na ya kola inyanza kuva kivala kiumu, na amadzi gavukanywa.

Kutwula 14:26

Kandi Yahova ya volera Musa, Nyira mukono gugwo ku inyanza, amadzi girane ku Avaegepeti, ku magari gavo gelihe, noku avetsiparasi vavo.

Kutwula 4:9

Kunangwa ni i va va vula kusuuvira vilolekidzu yivi viviri, nokuhulira mwoyo gugwo, hene yaho u la daha amadzi mu mugera, nokugatsuka ku lirova liumu: na amadzi ga u dahanga mu mugera ga la girunkana kugwa masahi ku lirova liumu.

Kutwula 8:16

Na Yahova ya volera Musa, U volere Haruni, U nyire impimbo yoyo na u duye ulugukyi lwa marova, lu duke kuva tsindaa mu kivala kyosi kya Egepeti.

Kutwula 9:33

Na Musa ya twula mu lidala ku Farao, na a nyira makono gege ku Yahova: na lihirigana na imbula yamagina ya hera, na imbula si ya kupa mu kivala mba.

Isaya 19:10

Na tsitiru tsya Egepeti tsi la vunanywa; na yavo vosi va kola miyinzi gyokutungwa va la verera mu myoyo gyavo.

Isaya 5:25

Kigira yaga ubutima bwa Yahova bwaaki ku avandu veve, naye unyiye mukono gwigwe kuvo, nokuvakuya; nevigulu vi degera, nemibiri gyavo mikudzu gyi gwiye kuli amavivi hagati ha mahasi. Ku yaga gosi ubutima bwibwe bu kikiri ku girunkanywa, navutswa mukono gwigwe gu nyireywi kuduka kalunu.

Habakuk 3:8

Yahova ya vihirirwa nemigera? Butima bubwo bwa li ku migera, Kinga ubutima bubwo bwa li ku inyanza, Ive u duka kunina ku tsiparasi tsitsyo Ku magari gogo gobuhonyi?