Kutwula 7:17 - KITABU KITAKATIFU

¹⁷ Yahova a volanga, Ku inkuva yiyi u la manya mbeye Yahova: henza, nda kuya amadzi aga veye mu mugera yimu nempimbo ya mbeye nayo mu mukono gwange, nago ga la girunkannywa, na ga la gwa masahi.

Kutwula 7:17 ပူးပေါင်းရင်းမြစ်များ

1 Avami 20:28

Na mundu wa Nyasaye yesunda himbi na a volera mwami wa Israeli, na a mu volera, Yahova a vola ndi, Kigira Avasiria va voye, Yahova a veye munyasaye wevigulu, navutswa uyu si a veye munyasaye wamavona mba; kigira yaga nda ku vikira kiduma yiki kyosi kinene mmukono gugwo, na mwinye mu la manya mbeye Yahova.

2 Avami 19:19

Kunangwa kalunu, O Yahova Nyasaye wetu, nku saala ligali, u ku honnye, mwadza, ku mukono gwa uyu, ubwami bwosi bwelirova bu duke kumanya ive u veye Yahova Nyasaye, ive weng'ine.

Zaburi 105:29

Ya girunkannya amadzi gavo kuva masahi, Na yiita tsisudzi tsyavo.

Zaburi 78:44

Na girunkannya migera gyavo kuva masahi Kandi amadzi gagyo kuduka avene si va nyala kunwa mba.

Zaburi 83:18

Va duke kumanya ive u veye weng'ine, welieta lilyo li veye Yahova, U Veye Weigulu Ligali ku lirova lyosi.

Zaburi 9:16

Yahova yelolekidzi mwene, a lombi likalaga: Mudamano u tegeywi mu likola lyamakono gege mwene. (Higaion. Selaha)

Kutwula 1:22

Na Farao ya laga avandu veve, na a vola, Avana avayai vosi avivulwa mu va te mu mugera, na avana avakana vosi mu la va linda kuva mwoyo.

Kutwula 10:2

kandi u duke kuvola mu matu gomwana wowo, nomu agevisukulu vovo, vya nkoli ku Egepeti, na vilolekidzu vyange vya nkoli hagati havo; mwinye mu duke kumanya inze mbeye Yahova.

Kutwula 4:9

Kunangwa ni i va va vula kusuuvira vilolekidzu yivi viviri, nokuhulira mwoyo gugwo, hene yaho u la daha amadzi mu mugera, nokugatsuka ku lirova liumu: na amadzi ga u dahanga mu mugera ga la girunkana kugwa masahi ku lirova liumu.

Kutwula 5:2

Na Farao ya vola, Yahova ni bwaha, inze nduke kuhulira mwoyo gwigwe, nokuha Israeli munwa kutsia? Inze si mmanya Yahova, na kandi si nda a ha Israeli munwa kutsia.

Kutwula 6:7

kandi nda vugula mwinye mu ve avandu vange, na inze nda va Nyasaye ku mwinye; na mwinye mu la manya mbeye Yahova Nyasaye wenyu, u twulidzanga mwinye ku misigo gya Avaegepeti.

Kutwula 7:20

Na Musa na Haruni va kola kuli Yahova ya va laga; na ya ginga impimbo, nokuduya amadzi gomugera, imbiri wa Farao, na imbiri wa vatumekiri veve; na amadzi gosi gomugera ga girunkannywa kugwa masahi.

Kutwula 7:5

Na Avaegepeti va la manya Inze mbeye Yahova, lwa nyira mukono gwange ku Egepeti, nokutwulidza avana va Israeli hagati havo.

Ezekieli 25:17

Na nda vanzira kisalya kinene kuvo kuvagondokera nobululu; navo va la manya inze mbeye Yahova, lwa ndi vi ka kisalya kyange kuvo.

Ezekieli 29:9

Na kivala kya Egepeti ki la va hatswa nekyere; na va la manya inze mbeye Yahova. Kigira ya vola, Mugera no gwange, ninze wa gu lomba;

Ezekieli 30:19

Ni ndiyo ndi kalaga mu Egepeti: na va la manya inze mbeye Yahova.

Ezekieli 30:8

Na va la manya inze mbeye Yahova, lwa ndiakidza umuliru mu Egepeti, na vosi ava mu konyanga va mali kudiva.

Ezekieli 32:15

Lwa ndi kola kivala kya Egepeti kuva batswa na kyere, kivala kyobudaka, yikyo kyeizula mu, lwa nda kuya avandu vosi va menyanga mukyo, hene yaho va la manya inze mbeye Yahova.

Ezekieli 32:6

Kandi kivala kya u kindidzanga mu, nda ki nwehidza masahi gogo kuduka ku vigulu; nemigerera gyi lizulwa nive.

Ezekieli 38:23

Na ndii dzominya inze mwene, nokwetakasa inze mwene, ndemannya inze mwene mmanyekane imbiri wetsimoni tsyetsihiri tsinyingi; navo va la manya inze mbeye Yahova.

Ezekieli 39:28

Navo va la manya inze mbeye Yahova Nyasaye wavo, kigira nda vadikidza va tsie mbutugwa hagati hetsihiri, kandi mmali kuvavungidza virane mu kivala kyavo; si nda leka yo mulala kuvo kandi mba;

Danyeli 4:17

Likalaga yili li veye lyomunwa gwavalindi, na likuva li veye lyomunwa gwavataka tifu, ava veyemwoyo va duke ku manya uyu U Veye Igulu Ku Vyosi yamehanga mu bwami bwavandu, kandi a hedzanga uyu wa a yanza kandi a vika kubwo uyu u veye mu kekeke ku vosi.

Danyeli 4:32

u la kungwa mu avandu; na limenya lilyo li la va halala netsinyama tsyomwigendanyama; ive u la kolwa kulia bunyasi kuli tsing'ombe; na tsinyinga tsitano na tsiviri tsi la vita ku ive; kuduka ive u la manya U Veye Igulu Ku Vyosi yamehanga mu bwami bwa avandu, na a hedzanga wa yenyanga ku vosi.

Danyeli 4:37

Kalunu inze, Nebukadinezaru, nzidzominya nokunenehidza nokukuminya Mwami womigulu; kigira miyinzi gyigye gyosi gyi veye gyeligali, na tsinzira tsitsye tsi veye tsinungi; na yavo ava genda nga mu bwigingiri a nyala kuvagehidza.

Danyeli 5:21

na ya kungwa mu avana vavandu, na mwoyo gwigwe gwa kolwa kuva kuli gwetsinyama, na limenya lilye lya li halala netsisukiri tsyomwigendanyama; ya lihidzwa bunyasi kuli tsing'ombe, na mubiri gwigwe gwama lime lyomigulu; a luhe a duke kumanya Nyasaye U Veye Igulu Ku Vyosi yamehanga mu bwami bwa avandu, kandi ku vosi uyu wa a yanza a mu vika mu bwami.

Danyeli 5:23

navutswa wegingiye ku Mwami womigulu; na va leti viju vyenyumba yeye imbiri wowo, na ive, navanene vovo, na avakali vovo na vasuria vovo, mu nwereye muvyo iwaini; na ive widzominyi avanyasaye vefetha navethahabu, na vomugasa, na vekivya, na vomusala, na veligina, ava vula kulola, nava ta hulira, nava ta manya; na u vuli kwidzominya Nyasaye womwika gugwo gu veye mu mukono gwigwe, na wetsinzira tsitsyo tsi veye tsitsye.

Likunula 11:6

Yava va veye netsingulu tsyokuboha ligulu, imbula i vule kukupa mu madiku gobuprofeti bwavo: kandi va veye netsingulu ku madzi kugagirunkannya ga gwe masahi, nokuduya lirova neliduya lyosi tsinyinga tsyosi tsya va yanza.

Likunula 8:8

Kandi ingelosi wa kaviri ya kupa, kya li ho kindu kuli kigulu kinene kyaaka muliru kya sikiswa mu inyanza: kidieli kilala ku vivaka vyenyanza kya gwa masahi;