Kutwula 6:8 - KITABU KITAKATIFU

⁸ Kandi nda mu leta mu kivala kya ndisuhira Abrahamu, Isaka, na Yakobo kuvaha; na nda ki haana ku mwinye ki ve miyandu gyenyu: mbeye Yahova.

Kutwula 6:8 ပူးပေါင်းရင်းမြစ်များ

Litanga 14:22

Na Abram ya volera mwami wa Sodoma, Inze rgingiye Yahova mukono gwange, Nyasaye u Veye Igulu ku Vyosi, Mwene weligulu ne lirova,

Litanga 15:18

Mu lidiku yilyo Yahova ya kola lilagana na Abram, na a vola, Mmali kuha visukululwi vivyo kivala yiki, kutwula ku mu gera gwa Egepeti kuduka ku mugera munene gwa Farati:

Litanga 26:3

wikale mu kivala yiki, na inze nda va halala nive, na nda ku gasidza kigira nda ha ive na kisukululwi kikyo, vivala yivi vyosi, kandi nda singeridza lyesuha lyange lwa ndisuhira Abrahamu dada wowo;

Litanga 28:13

Na henza, Yahova u singiye igulu kuyo, na a vola, Inze mbeye Yahova, Nyasaye wa dada wowo Abrahamu, na Nyasaye wa Isaka: kivala kya u goni mu, nda ku ha, na kisukululwi kikyo;

Litanga 35:12

kandi kivala kya nda ha Abrahamu na Isaka, nda ha ive, na kisukululwi kikyo inyima wowo nda va ha kivala.

Nehemia 9:15

na wa va ha vyokulia vya twula migulu vi ve vya inzala yavo, nokuvatwulidzira amadzi ga twula ku lwanda ga ve gobuluhu bwavo, na wa va laga vingire nokugumira kivala kya wa mala kugingira mukono gugwo u duke kuvaha.

Kutwula 13:5

Kandi ga la va, lwa Yahova a la kwingiridza mu kivala kyo Mukanani, na Muhiti, na Muamori, na Muhivi, na Mujebusi, kya yesuhira avaguga vovo kukuha, kivala ki gangalukanga amaveere no bwuki, u la lombera Yahova ubutumiki yibu mu mweli yigu.

Kutwula 32:13

Widzulitse Abrahamu, na Isaka, na Israeli, avatumekiri vovo, ava wesuhira ku ive mwene, nokuvavolera, Nda kiridza kisukululwi kyenyu kuli tsing'ereng'ani tsyomigulu, na kivala yiki kyosi kya mboye makuva gakyo, nda ha kisukululwi kyenyu, ki la va miyandu gyavo mihiga nemihiga.

Kutwula 6:2

Na Nyasaye ya volera Musa, na a vola Inze mbeye Yahova:

Kutwula 6:4

Kandi nsingeridzi lilagana lyange halala navo, nduke kuvaha kivala kya Kanani, kivala kye limenya lyavo, kya va li va menya mukyo.

Kutwula 6:6

Kunangwa u volere avana va Israeli, Inze mbeye Yahova, na nda twulidza mwinye mu twule ku misigo gya Avaegepeti, na nda mu honnya ku butugwa bwavo, nda mu boholola nomukono gwa nyirwa, nelikalaga linene:

Ezekieli 20:15

Kandi nda visuhira mu kyangalangwi, si nda va leta mkivala kya nda li ni nda va ha, kivala ki gangulukanga amaveere nobwuki, ki veye ubukumi bwevivala vyosi;

Ezekieli 20:23

Kandi nda visuhira mu kyangalangwi, nda va salannya mu tsihiri, nokuvasalannya mu vivala vyehale nehale;

Ezekieli 20:28

Kigira lwa nda mala kuvavika mu kivala yiki, kya nda visuhira nda va ha, hene yaho lwa va lola vigulu vyosi vitambi, nemisala gyosi migumalu, va haana yo vihaanwa vyavo, nokuhaana yo livihiridza lyevihaanwa vyavo; kandi ha zana va kola lifunya muhomo gwavo gu yanzidzanga, nokutsuka vihaanwa vyavo vyevyokunwa.

Ezekieli 20:42

Na mu la manya mbeye Yahova, lwa nda mala kumuleta mu kivala kya Israeli, mu kivala kya nda mwisuhira nda ha avadada venyu.

Ezekieli 36:7

Navutswa Yahova ya mbolera, U ta vola, Inze mbeye mwana; kigira u la tsia ku uyu wa nku hila kuye, na gosi aga nku laga u la ga vola.

Ezekieli 47:14

Na mwinye mu la ki nyola kuva miyandu, mulala kuli wundi; kigira ndisuha kukyo kukihaana ku vaguga venyu: nekivala yiki ki la va ku mwinye kuva miyandu gyenyu.

Livalidza 10:29

Na Musa ya volera Hobabu, mwana wa Reueli Mumidiani, navizala wa Musa, Kwinye ku gendanga kutsia ha Yahova ya vola makuva gaho ndi, Nda mu ha yaho: u tsie halala na kwinye, na ku la ku kolera bulahi; kigira Yahova ya vola bulahi ku Israeli.

Livalidza 11:12

Ninze wa verekidza avandu yava vosi? Ninze wa vivula, ive u duke kumbolera, U va ginge mu kiritu kikyo, kuli dada u leranga mwana u nunanga, kuvadukidza mu kivala kya wisuhira avaguga vavo?

Livalidza 14:30

ligali si mu lingira mu kivala kya ndisuhira nda mu mennya mu, na a ta li Kalebu mwana wa Jefune, na Joshua mwana wa Nuni.

Livalidza 23:19

Nyasaye si a veye mundu, a vole ububehi, Kandi si a veye mwana womundu, yeganire: A vole, ma a vule kukola? Kinga u tivuye likuva, na a la vula kulidukidza?

Kwidzulitsa 32:40

Kigira ng'inganga mukono gwange migulu, Nokuvola, Kuli mbeye mwoyo mihiga nemihiga,

Kwidzulitsa 4:31

kigira Yahova Nyasaye wowo a veye Nyasaye wetsimbabasi; si u la daka kuye kindu, si a la kwononya, kandi si a livirira lilagana lyavaguga vovo lya ya visuhira.

Joshua 24:13

Na nda mu ha kivala kya mwa vula kuyinzira ku, na madala ga mwa vula kwombaka, na mwa menya mu; na mu litsanga amakuyu gemilimi gyemizabibu nemilimi gyemizeituni gya mwa vula kusimika.

Likunula 10:6

ni yisuha ku uyu u veye mwoyo mihiga nemihiga, wa lomba ligulu nevindu vyosi vi veye mu, nelirova nevindu vyosi vi veye mu nenyanza nevindu vyosi vi veye mu lilindagira si li li va ho kandi:

1 Samweli 15:29

Na kandi kuvita yaga, Munyali wa Israeli si a la veha kinga si a leganira; kigira si a veye umundu, a duke kweganira.