Kutwula 6:7 - KITABU KITAKATIFU

⁷ kandi nda vugula mwinye mu ve avandu vange, na inze nda va Nyasaye ku mwinye; na mwinye mu la manya mbeye Yahova Nyasaye wenyu, u twulidzanga mwinye ku misigo gya Avaegepeti.

Kutwula 6:7 ပူးပေါင်းရင်းမြစ်များ

Litanga 26:3

wikale mu kivala yiki, na inze nda va halala nive, na nda ku gasidza kigira nda ha ive na kisukululwi kikyo, vivala yivi vyosi, kandi nda singeridza lyesuha lyange lwa ndisuhira Abrahamu dada wowo;

Litanga 28:13

Na henza, Yahova u singiye igulu kuyo, na a vola, Inze mbeye Yahova, Nyasaye wa dada wowo Abrahamu, na Nyasaye wa Isaka: kivala kya u goni mu, nda ku ha, na kisukululwi kikyo;

1 Avami 20:28

Na mundu wa Nyasaye yesunda himbi na a volera mwami wa Israeli, na a mu volera, Yahova a vola ndi, Kigira Avasiria va voye, Yahova a veye munyasaye wevigulu, navutswa uyu si a veye munyasaye wamavona mba; kigira yaga nda ku vikira kiduma yiki kyosi kinene mmukono gugwo, na mwinye mu la manya mbeye Yahova.

1 Avami 8:60

avandu vosi velirova va duke kumanya Yahova a veye Nyasaye; si ha veye nowundi.

Nehemia 1:10

Kunangwa avandu yava va veye avatumekiri vovo, na avandu vovo, ava ive wa honnya netsingulu tsitsyo tsinene, nomukono gugwo gwetsingulu.

Zaburi 100:3

Mu manye, Yahova a veye Nyasaye: Niye wa ku lomba, na ku veye aveve; Ku veye avandu veve, ku veye amagondi gekyayo kikye.

Zaburi 81:6

Nda twulidza livega lilye ku musigo: Makono gege ga twulidzwa ku kihinda.

Kutwula 13:14

Kandi ga la va, lwa mwana wowo a la ku teva inyinga yidzanga, na a vola, Ni kindu ki yiki?Ive u la mu volera, Yahova ya ku twulidza mu kivala kya Egepeti nomukono gwetsingulu, mu inyumba yobutugwa.

Kutwula 13:3

Na Musa ya volera avandu Mwidzulitse lidiku yili lya mwa twula mu kivala kya Egepeti, ku inyumba yobutugwa; kigira Yahova ya mu twulidza hano netsingulu tsyomukono gwigwe: mu ta lagira ubukima bwa mamera.

Kutwula 14:18

Na Avaegepeti va la manya Mbeye Yahova, lwa mmali kunyola lidzominywa ku Farao, noku magari gelihe gege, noku avetsiparasi veve.

Kutwula 14:4

Na inze nda dinyiridza mwoyo gwa Farao, naye a la va londerera; na nda nyola liidzominywa ku Farao, noku lihe lilye; na Avaegepeti va la manya, inze mbeye Yahova. Na va kola ndiyo.

Kutwula 15:16

Litihidzwa nobutii bu va gumiye; Ku bunene bwomukono gugwo, va kiring'ana kuli ligina; Kuduka avandu vovo vambuka, O Yahova, Kuduka avandu ava wa gula, vambuka.

Kutwula 15:2

Yahova a veye tsingulu tsyange nolwimbu lwange, Kandi u gweye ubuhonnyi ku inze: Uyu a veye Nyasaye wange, na nda mwidzominya; A veye Nyasaye wa vaguga vange, nda mu kuminya.

Kutwula 16:12

mbuliye limonya lya avana va Israeli: va volere ndi, u vole, Inyinga ya mgolova mu la lia inyama, na mugamba mu liguta ubukima; na mu la manya inze mbeye Yahova Nyasaye wenyu.

Kutwula 16:6

Na Musa na Haruni va volera avana va Israeli vosi, Inyinga ya mgolova, mu la manya ni Yahova wa mu leta kutwula mu kivala kya Egepeti,

Kutwula 2:11

Kunangwa mu madiku yago, Musa lwa ya duka kuva mukulundu, ya twula na a tsia ku avamwavo veve, na a henza misigo gyavo: naye ya lola Muegepeti a kuyanga Muhebraina, mulala ku avamwavo veve.

Kutwula 6:6

Kunangwa u volere avana va Israeli, Inze mbeye Yahova, na nda twulidza mwinye mu twule ku misigo gya Avaegepeti, na nda mu honnya ku butugwa bwavo, nda mu boholola nomukono gwa nyirwa, nelikalaga linene:

Kutwula 7:17

Yahova a volanga, Ku inkuva yiyi u la manya mbeye Yahova: henza, nda kuya amadzi aga veye mu mugera yimu nempimbo ya mbeye nayo mu mukono gwange, nago ga la girunkannywa, na ga la gwa masahi.

Isaya 41:20

va duke kulola, noku manya, nokuganagana nokwidzulitsa halala, mukono gwa Yahova gwa lomba inkuva yiyi, na Mutakatifu wa Israeli ya gi lomba.

Isaya 49:23

Avami va la va avadada vovo avaleri, na avakaye vovo va la va avamama vovo avaleri: na va linamira imbiri wowo nokuhenzidza tsimoni tsyavo hasi, nokumena lugukyi lwevirenge vivyo; na ive u la manya inze mbeye Yahova, na yavo ava lindiriranga inze va la vula kuva isoni.

Isaya 49:26

Na ava dambidzanga ive nda va lihidza inyama yavo avene; na va la hambika kulinwa lyamasahi gavo avene, kuli iwaini inulu: na avemibiri vosi va la manya inze, Yahova, mbeye Mukonyi wowo, Mutungiri wowo, Wanyala Vyosi wa Yakobo.

Isaya 51:15

Kigira inze mbeye Yahova Nyasaye wowo, u goyanyanga inyanza, kuduka viguvuli vyayo vi bume: lieta lilye li veye Yahova wa mahe.

Isaya 60:16

U la nuna amaveere gavetsihiri, na u la nuna tsimbeere tsyavami; na u la manya inze, Yahova, mbeye Muhonnyi wowo, Mutungiri wowo, Wanyala Vyosi wa Yakobo.

Isaya 63:8

Kigira ya vola, Ligali, va veye avandu vange, avana ava li vula kukola nobugadi: kunangwa ya li Muhonnyi wavo.

Jeremia 30:22

Na mu la va avandu vange, na inze nda va Nyasaye wenyu.

Jeremia 31:33

Navutswa lilagana lya nda kola nenyumba ya Israeli inyima wa madiku yago, Yahova a vola, ni yili: Nda vika lilaga lyange mugati mwavo, nda li ng'oda mu myoyo gyavonda va Nyasaye wavo, navo va la va avandu vange.

Ezekieli 20:19

Inze mbeye Yahova Nyasaye wenyu: mu gende mu malago gange, kugumira miima gyange, nokugakola;

Hosea 1:10

Navutswa livalidzwa lyavana va Israeli li la duka kuva kuli muyeke gwomunyanza, gu ta nyala kugerwa kinga kuvalidzwa; kandi ga la va, ha makuva yaga ga volwa, Mwinye si mu veye avandu vange, va la volerwa ho, Mwinye mu veye avana va Nya saye welivamwoyo.

Kyavalevi 11:44

Kigira inze mbeye Yahova Nyasaye wenyu: kunangwa mwetakase avene, na mu ve avatakatifu; kigira inze mbeye mutakatifu: kandi mu teyononya mwinye avene nekindu ki molanga ku tsingano tsyosi ki molanga ku lirova.

Kyavalevi 11:45

Kigira inze mbeye Yahova wa mwanegiridza kutwula mu kivala kya Egepeti, nduke kuva Nyasaye wenyu: kunangwa mu la va avatakatifu, kigira inze mbeye mutakatifu.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Livalidza 15:41

Inze mbeye Yahova Nyasaye wenyu, wa mu leta kutwula mu kivala kya Egepeti, kuva Nyasaye wenyu: inze mbeye Yahova Nyasaye wenyu.

Matayo 22:32

Inze ni Nyasaye wa Ahrahamu, ni Nyasaye wa Isaka, ni Nyasaye wa Yakobo? Nyasaye si a li Nyasaye wavakudzi navutswa wa va veye mwoyo.

Varumi 8:31

Kunangwa ku vola ndi ku vindu yivi? Nyasaye na a reve ku luvega lwetu, ibwaha a veye musigu wetu?

Kwidzulitsa 14:2

Kigira u veye ihiri intakatifu ku Yahova Nyasaye wowo, na Yahova ya ku tovola kuva ihiri yahulwa kuva yeye, kuvita tsihiri tsyosi tsi veye ku lirova.

Kwidzulitsa 26:18

na Yahova weyami ive lero ndi kuva ihiri yeye mwene, kuli ya ku suuviridza, kandi ga ku dukira kugumira lilaga lilye lyosi;

Kwidzulitsa 29:12

u duke kwingira mu lilagana lya Yahova Nyasaye wowo, nelyesuha lilye, lya Yahova Nyasaye wowo a kolanga nive lero;

Kwidzulitsa 29:13

a duke kukuvika lero u ve ihiri kuye, naye a duke kuva Nyasaye ku ive, kuli ya ku volera, kandi kuli yesuhira avaguga vovo, Abrahamu, na Isaka, na Yakobo.

Kwidzulitsa 29:5

Na inze nda mwimirira mihiga makumi gane mu kyangalangwi: tsingubo tsyenyu si tsya kunguha ku mwinye mba, kinga kilatu kikyo si kya kunguha mu kirenge kikyo.

Kwidzulitsa 4:20

Navutswa Yahova va vugula mwinye, na a mu twilidza mu mahinga gekivya, kutwula Egepeti, mu ve kuye avandu vemiyandu gyigye, kuli mu veye lero.

Kwidzulitsa 7:6

Kigira ive u veye ihiri intakatifu ku Yahova Nyasaye wowo: Yahova i Nyasaye wowo ya ku tovola u ve ihiri yahulwa i ve yeye, kuvita avandu vosi ava veye ku lirova.

Vahebraina 11:16

Navutswa kalunu venyanga kivala kilahi kuvita, nakyo ki veye migulu; kigira yaga Nyasaye si ya lola tsisoni kulangwa Nyasaye wavo; kigira u va lombeye lidala.

1 Petro 2:10

mwinye ava vula kuva vandu mu matsyambiri, navutswa kalunu mu veye avandu va Nyasaye: ava vula ku verererwa, navutswa kalunu mu verereywi.

Likunula 21:3

Kandi nda hulira mwoyo munene gu twula mu intebe, ni gu vola, Henza, ubumenyo bwa Nyasaye bu veye halala navandu, kandi a la menya navo, navo va la va avandu veve, kandi Nyasaye mwene a la va halala navo, Nyasaye wavo:

Likunula 21:7

Uyu u guuta a la lia vindu yivi; kandi nda va Nyasaye wewe, naye a la va mwana wange.