Kutwula 6:6 - KITABU KITAKATIFU

⁶ Kunangwa u volere avana va Israeli, Inze mbeye Yahova, na nda twulidza mwinye mu twule ku misigo gya Avaegepeti, na nda mu honnya ku butugwa bwavo, nda mu boholola nomukono gwa nyirwa, nelikalaga linene:

Kutwula 6:6 ပူးပေါင်းရင်းမြစ်များ

1 Avami 8:42

(kigira va la hulira gusuma gwelieta lilyo linene, nogwomukono gugwo gwetsingulu, nogwomukono gugwo gwa nyirwa); lwa yadza noku saala nelihenza ku inyumba yiyi;

2 Avami 17:36

navutswa Yahova, wa mu twulidza mu kivala kya Egepeti netsingulu tsinene, nomukono gwa nyirwa, uyu niye wa mu tia, na mu la sigamira imhiri wewe, nokumuhaanira visyuviriru:

1 Kyetsinyinga 17:21

Ka ndi ha veye na ihiri ki mu lirova i veye kuli avandu vovo Israeli, ava. Nyasaye ya tsia kutungira va ve avandu veve mwene, a duke kukulo mbera lieta ku vindu vinene vyoku tihidza, ku likunga tsihiri tsi twule imbiri wavandu vovo, va ive wa tu ngira kuvatwulidza Egepeti?

Nehemia 1:10

Kunangwa avandu yava va veye avatumekiri vovo, na avandu vovo, ava ive wa honnya netsingulu tsitsyo tsinene, nomukono gugwo gwetsingulu.

Zaburi 77:16

Amadzi ga ku lola, O Nyasaye; Amadzi ga ku lola, ni ga nyola ubutii: Amadzi goluliva kandi, ga degera.

Zaburi 81:11

Navutswa avandu vange si va hulira mwoyo gwange; Na Israeli si venya inze.

Zaburi 81:6

Nda twulidza livega lilye ku musigo: Makono gege ga twulidzwa ku kihinda.

Zaburi 81:7

Mu kivi wanira, na inze nda ku honnya; Nda ku tivulira mbuvisi bwenkupa; Nda ku geridza ha amadzi ga Meriba. [Selaha

Kutwula 1:11

Kunangwa va vika kuvo avasingiriri kuvadambidza nemisigo gyavo. Navo vombakira Farao madala gokuvika mu ubutugi, Pithom na Ramesese.

Kutwula 12:41

Kunangwa, inyinga yemihiga tsimia tsine nemihiga makumi gavaka, kali ku lidiku zana yili, ga duka amahe gosi ga Yahova ga twula mu kivala kya Egepeti.

Kutwula 12:51

Kunangwa lidiku zana yili, Yahova ya twulidza avana va Israeli mu kivala kya Egepeti na amahe gavo.

Kutwula 13:14

Kandi ga la va, lwa mwana wowo a la ku teva inyinga yidzanga, na a vola, Ni kindu ki yiki?Ive u la mu volera, Yahova ya ku twulidza mu kivala kya Egepeti nomukono gwetsingulu, mu inyumba yobutugwa.

Kutwula 13:16

Inkuva yiyi i la va lilolekidza ku mukono gugwo, na kyokuvikwa hagati hetsimoni tsitsyo; kigira Yahova ya ku twulidza mu kivala kya Egepeti netsingulu tsyomukono gwigwe.

Kutwula 13:3

Na Musa ya volera avandu Mwidzulitse lidiku yili lya mwa twula mu kivala kya Egepeti, ku inyumba yobutugwa; kigira Yahova ya mu twulidza hano netsingulu tsyomukono gwigwe: mu ta lagira ubukima bwa mamera.

Kutwula 15:13

Ive mu tsimbabasi tsitsyo wimiriye avandu ava wa honnya: U vimiriye netsingulu tsitsyo, va duke mu bumenyo bubwo butakatifu.

Kutwula 16:6

Na Musa na Haruni va volera avana va Israeli vosi, Inyinga ya mgolova, mu la manya ni Yahova wa mu leta kutwula mu kivala kya Egepeti,

Kutwula 18:1

Kunangwa Jethro, musalisi wa Midiani, navizala wa Musa ya hulira gosi ga Nyasaye ya kolera Musa, na Israeli avandu veve, kuli Yahova ya twulidza Israeli mu Egepeti.

Kutwula 2:11

Kunangwa mu madiku yago, Musa lwa ya duka kuva mukulundu, ya twula na a tsia ku avamwavo veve, na a henza misigo gyavo: naye ya lola Muegepeti a kuyanga Muhebraina, mulala ku avamwavo veve.

Kutwula 3:17

Kandi mmali kuvola, Nda mu leta mwanegire kutwula mu busaliri bwa Egepeti, nokumuvika mu kivala kya Avakanani, na Avahiti, na Avaamori, na Avaperizi, na Avahivi, na Avajebusi, mu kivala ki gangalukanga amaveere na bwuki.

Kutwula 3:8

na inze nziiki mba honnye ku makono ga Vaegepeti, nokuvatwulidza mu kivala yikyo, va tsie mu kivala kilahi na kinene, kivala ki gangalukanga amaveere na bwuki; ha veye ha Avakanani, na Avahiti, na Avaamori, na Avaperizi, na Avahivi, na Avajebusi.

Kutwula 32:11

Na Musa ya goonya Yahova Nyasaye wewe, nokuvola, Yahova, kigira ki ubutima bubwo bwaaka ligali ku avandu vovo, ava wa leta nobunyali bunene, nomukono gwetsingulu kutwula mu kivala kya Egepeti?

Kutwula 6:2

Na Nyasaye ya volera Musa, na a vola Inze mbeye Yahova:

Kutwula 6:29

Yahova ya volera Musa, na a vola, Inze mbeye Yahova: u volera Farao mwami wa Egepeti gosi ga nku volera.

Kutwula 6:8

Kandi nda mu leta mu kivala kya ndisuhira Abrahamu, Isaka, na Yakobo kuvaha; na nda ki haana ku mwinye ki ve miyandu gyenyu: mbeye Yahova.

Kutwula 7:4

Navutswa Farao a la vula kumuhulira, na nda vika mukono gwange ku Egepeti, nokuleta amahe gange, avandu vange avana va Israeli, va twule mu kivala kya Egepeti nelikalaga linene.

Kutwula 7:5

Na Avaegepeti va la manya Inze mbeye Yahova, lwa nyira mukono gwange ku Egepeti, nokutwulidza avana va Israeli hagati havo.

Isaya 9:12

Vasiria ku; luvega lwe mbiri, na Vafilisiti ku luvega lwe nvuma; na va la mira Israeli nomu nwa mwalamu. Navutswa ku yaga gosi ubutima bwibwe bu kikiri kugiru nkanywa, navutswa mukono gwigwe gu nyireywi kuduka kalunu.

Isaya 9:17

Kunangwa kigira yaga Yahova si a la sangalira avasoleli vavo, kandi si a la vererera avabisandu na vakunzakali; kigira sa mulala va veye avanyegi navada mano, neminwa gyosi gvi volanga ubusiru. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 9:21

Manase kulia Efiraim, na Efiraim kulia Manase: na vombi va la va nelihing'ana na Yuda. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Jeremia 21:5

Na inze mwene nda lwana na mw inye nomukono gwa nyirwa nomukono gwetsingulu, mu livihirirwa, nomu bululu, nomu butima bunene.

Jeremia 27:5

Inze nda lomba lirova, navandu netsinyama tsi veye mmoni mwelirova, netsingulu tsyange tsinene nomukono gwange gwa nyirwa; na nda ha yavo ava nda lola bulahi kuvaha.

Jeremia 32:21

na wa twulidza avandu vovo Israeli kutwula mu kivala kya Egepeti nevyokulolekidza nevyokugenya nomukono gwetsingulu, nomukono gwa nyirwa, nelitihidza linene;

Ezekieli 20:33

Kuli mbeye mwoyo, Mwami Nyasaye a vola, ligali inze nomukono gwobunyali, nomukono gwa nyirwa, nobutima bwa tsukwa, nda va mwami ku mwinye.

Vikolwa 13:17

Nyasaye wa vandu yava Israeli ya tovola vaguga vetu na a va nenehidza lwa va menya mu kivala kya Egepeti, na a vimirira na a va twulidza nomukono gwetsingulu.

Kwidzulitsa 11:2

Lero mu manye: kigira si mbolerana navana venyu ava vula kumanya, na va vula kulola amageli ga Yahova Nyasaye wenyu, nobunene bwibwe, nomukono gwigwe gwetsingulu, nomukono gwigwe gwanyirika,

Kwidzulitsa 15:15

Na u lidzulitsa ive wa li mutugwa mu kivala kya Egepeti, na Yahova Nyasaye wowo ya ku boholola: kunangwa nku laga lilaga yili lero.

Kwidzulitsa 26:8

na Yahova ya ku twulidza Egepeti nomukono gwetsingulu, nomukono gwanyirika, nelitihidza linyingi, nelilolekidza, nevyokugennya;

Kwidzulitsa 4:23

Mwelinde avene, gase mu livirira lilagana lya Yahova Nyasaye wenyu, lya ya lagana na mwinye, nokulomba kifwananyi kya vadzwa nelifwana lyekindu ku vyosi kya Yahova Nyasaye wenyu ya ku gaya.

Kwidzulitsa 4:34

Kinga inyinga ki Nyasaye ya tsia kwevugulira ihiri hagati hehiri yindi, neligeridza, nelilolekidza, nevyokugennya, nobulwani, nomukono gwetsingulu, nomukono gwanyirika, nelitihidza linene, kuleng'ana navyosi vya Yahova Nyasaye wenyu ya mu kolera Egepeti imbiri wetsimoni tsyenyu?

Kwidzulitsa 5:15

Na widzulitse wa li mutugwa mu kivala kye Egepeti, na Yahova Nyasaye wowo ya ku twulidza yo nomukono gwetsingulu nomukono gwa nyirika: kunangwa Yahova Nyasaye wowo ya ku laga u gumire lidiku lyelisabato.

Kwidzulitsa 6:12

kunangwa welinde gase u livirira Yahova, wa ku twulidza mu kivala kya Egepeti, mu inyumba yobutugwa.

Kwidzulitsa 7:19

mageridzo manene getsimoni tsitsyo tsya lola, nevilolekidzu, nevyokugennya, nomukono gwetsingulu, nomukono gwanyirika, gwa Yahova Nyasaye wowo ya ku twulidzira: na ndiyo Yahova Nyasaye wowo a la kolera tsihiri tsyosi tsyo u tidzanga.

Kwidzulitsa 7:8

navutswa kigira Yahova a mu yanza, na kigira yenya kudukidza lyesuha lya yesuhira avaguga venyu, kunangwa Yahova ya mu twulidza nomukono gwetsingulu, ya mboholola mu inyumba yo butugwa, mmukono gwa Farao mwami wa Egepeti.

Kwidzulitsa 9:29

Halala na yaga va veye ihiri yoyo, miyandu gyigyo, ava wa twulidza netsingulu tsitsyo tsinene nomukono gugwo gwa nyirika.