Kutwula 6:20 - KITABU KITAKATIFU

²⁰ Na Amram ya vugula Jokebedi mbotso wa dada wewe kuva mukali wewe; naye ya mwivulira Haruni na Musa: na mihiga gyeliva lya Amram gya li mia na makumi gavaka na gyitano na gyiviri.

Kutwula 6:20 ပူးပေါင်းရင်းမြစ်များ

1 Kyetsinyinga 23:13

Avana va Amram: Haruni na Musa; na Haruni yahulwa, a duke kutakasa vindu vitakatifu ligali, uvu navana veve mihiga nemihiga kuvuyidza vimuli imbiri wa Yahova kumutumekira, nokugasidza arandu ku lieta lilye, mihiga nemihiga.

Kutwula 6:16

Na yaga na ameta ga vana va Levi kuli makula gavo: Gerishon na Kohathu, na Merari; na mihiga gyeliva lya Levi gya li mia na makumi gavaka na gyitano na gyiviri.

Kutwula 6:18

Na avana va Kohathu: Amram, na Iziharu, na Hebironi, na Uzieli; na mihiga gyeliva lya Kohathu gya li mia na makumi gavaka na gyivaka.

Livalidza 26:58

Yibu nibwo bwiko bwa Levi: bwiko bwa Valibni, bwiko bwa Vahebironi, bwiko bwa Vamahali, bwiko bwa Vamushi, bwiko bwa Vakora. Na Kohathu yivula Amram.

Livalidza 26:59

Na lieta lya mukali wa Amram ya langwa Jokebedi, mwana wa Levi wivulirwa Levi mu Egepeti: naye yivulira Amram, Haruni na Musa na Miriamu mbotso wavo.

Livalidza 3:1

Na yivi vi veye visukululwi vya Haruni na Musa mu lidiku lya Yahova ya volerana na Musa mu kigulu kya Sinai.

Joshua 21:4

Na kidieli kya loleka kuva kyobwiko bwa Vakohathu: navana va Haruni musalisi, ava veye mu Valevi va nyola madala likumi na gavaka ku ikura mu ihiri ya Yuda, na mu ihiri ya Simeon, nomu ihiri ya Benjamini.