Kutwula 6:1 - KITABU KITAKATIFU

¹ Na Yahova ya volera Musa, Kalunu u la lola kya nkolera Farao: kigira ku mukono gwetsingulu a la va lakula va tsie, kandi ku mukono gwetsingulu a la va kunga va twule mu kivala kikye.

Kutwula 6:1 ပူးပေါင်းရင်းမြစ်များ

2 Avami 7:19

na munya mpara zana ya tivulira mundu wa Nyasaye, na a vola, Kalunu, Yahova na a va na a lomba madirisha mwigulu, inkuva yiyi i nyala kuva ho? Na ya mu volera, Henza, u la lola netsimoni tsitsyo, navutswa si u la lia ku mba:

2 Avami 7:2

Hene yaho munyampara womwami yedira ku mukono gwigwe ya tivulira mundu wa Nyasaye, na a vola, Yahova na a va na a kola madirisha mwigulu, inkuva yiyi i nyala kuva ho? Na ya mu volera, Henza ive u la lola netsimoni tsitsyo, navutswa si u la lia ku mba.

2 Kyetsinyinga 20:17

Mu bulwani yibu si mu la va nelyenya kulwana: mu dinye, mu singire, mu lola ubuhonyi bwa Yahova bu veye halala nemwinye, mwinye O Yuda na Yerusalemi; mu ta tia mba, kandi mu ta kudza mwoyo: mugamba mu va twulire; kigira Yahova a veye halala nemwinye.

Zaburi 12:5

Kigira lidambidzwa lyavadedekere, na likenya lyavadaka, Yahova a vola, Kalunu nda singira Na nda mu vika ha buhonnyi bwa yenyanga.

Zaburi 12:6

Livola lya Yahova li veye makuva matakatifu; Kuli ifetha i geridzwa mu kisa mbiru kyelirova. Ya sambwa hali katano na kaviri.

Zaburi 136:12

Nomukono gwetsingulu, nomu kono gwa nyirwa; Kigira tsimbabasi tsitsye tsi veye ho mihiga nemihiga:

Zaburi 89:13

U veye nomukono gwobunyali; Mukono gugwo gu veye netsingulu, mukono gugwo mulungi gu veye munene.

Kutwula 11:1

Na Yahova ya volera Musa Li veye ho liduya lilala lya ndeta ku Farao, noku Egepeti; lwenyima a la lakula mwinye, mu tsie: lwa a la mu lakula, a la mu kunga mu twulire ligali.

Kutwula 12:31

Naye ya langa Musa na Haruni mu budiku, na a vola, Mu vuke, mu twule hagati ha vandu vange, mwinye na avana va Israeli; mu tsie kutumekira Yahova kuli mu voye.

Kutwula 12:33

Kandi Avaegepeti va goonya avandu yavo, kuvatuma va twule mu kivala bwangu; kigira va vola, Kwinye kwosi ku veye avakudzu.

Kutwula 12:39

Navo vuminya ubukima bu ta li na mamera bwobusie bwa va leta kutwula Egepeti; kigira si bwa vikwa mu mamera, kigira va kungwa kutwula mu Egepeti, na si va nyala kulindagira mba, kandi navo va li ni va kikiri kwelombera vyokulia.

Kutwula 13:14

Kandi ga la va, lwa mwana wowo a la ku teva inyinga yidzanga, na a vola, Ni kindu ki yiki?Ive u la mu volera, Yahova ya ku twulidza mu kivala kya Egepeti nomukono gwetsingulu, mu inyumba yobutugwa.

Kutwula 13:16

Inkuva yiyi i la va lilolekidza ku mukono gugwo, na kyokuvikwa hagati hetsimoni tsitsyo; kigira Yahova ya ku twulidza mu kivala kya Egepeti netsingulu tsyomukono gwigwe.

Kutwula 13:3

Na Musa ya volera avandu Mwidzulitse lidiku yili lya mwa twula mu kivala kya Egepeti, ku inyumba yobutugwa; kigira Yahova ya mu twulidza hano netsingulu tsyomukono gwigwe: mu ta lagira ubukima bwa mamera.

Kutwula 13:9

Kandi li la va lilolekidza ku ive ku mukono gugwo, na kyokwidzulitsa hagati hetsimoni tsitsyo, lilaga lya Yahova li duke kuva mu munwa gugwo: kigira Yahova u ku twulidzi mu kivala kya Egepeti nomukono gwteingulu.

Kutwula 14:13

Na Musa ya volera avandu, Mu ta tia mba, mu singire, na mu lole ubuhonyi bwa Yahova, bwa a li kolera mwinye lero: kigira Avaegepeti va mu lolanga lero, si mu la va lola kandi mihiga nemihiga.

Kutwula 15:6

Mukono gugwo mulungi, O Yahova, gu veye nobukumi mu tsingulu, Mukono gugwo mulungi, O Yahova, gu shonolannya avasigu.

Kutwula 7:4

Navutswa Farao a la vula kumuhulira, na nda vika mukono gwange ku Egepeti, nokuleta amahe gange, avandu vange avana va Israeli, va twule mu kivala kya Egepeti nelikalaga linene.

Kutwula 7:5

Na Avaegepeti va la manya Inze mbeye Yahova, lwa nyira mukono gwange ku Egepeti, nokutwulidza avana va Israeli hagati havo.

Isaya 63:12

Uyu wa gendidza mukono gwigwe gwobukumi ku mukono mulungi gwa Musa? Uyu watannya amadzi imbiri wavo a duke kwelombera mwene lieta lyemiihiga nemihiga?

Livalidza 11:23

Na Yahova ya volera Musa, Mukono gwa Yahova gwimbihidzwa? Kalunu ive u la lola likuva lyange ni li va ni li duka ku ive, naho li la vula kuduka.

Livalidza 23:23

Ligali si ha li nekikyeno ku Yakobo; Kinga ubusegetiri ku Israeli: Kalunu ga la volwa ku Yakobo noku Israeli, Ni kindu ki kya Nyasaye a koli

Vikolwa 13:17

Nyasaye wa vandu yava Israeli ya tovola vaguga vetu na a va nenehidza lwa va menya mu kivala kya Egepeti, na a vimirira na a va twulidza nomukono gwetsingulu.

Kwidzulitsa 32:39

Henzi kalunu, Inze, ligali mbeye lye, Si ha veye nomunyasaye halala ninze: Nziitanga nokusimugukidza; Nzatanga lugoma, nokuhonnya; Na si ha veye nowundi u nyala kuhonnya mmukono gwange.

Kwidzulitsa 4:34

Kinga inyinga ki Nyasaye ya tsia kwevugulira ihiri hagati hehiri yindi, neligeridza, nelilolekidza, nevyokugennya, nobulwani, nomukono gwetsingulu, nomukono gwanyirika, nelitihidza linene, kuleng'ana navyosi vya Yahova Nyasaye wenyu ya mu kolera Egepeti imbiri wetsimoni tsyenyu?