Kutwula 5:21 - KITABU KITAKATIFU

²¹ ni va va volera, Yahova a henze mwinye, nokumukalagira; kigira mu koli mwoyo gwetu kudunyirwa imbiri wa Farao, na imbiri wa avatumekiri veve, kuvika kivavi mmukono gwavo kukwiita.

Kutwula 5:21 ပူးပေါင်းရင်းမြစ်များ

Litanga 16:5

Na Sarai ya volera Abram, Lihyolo lyange li ve ku ive: nda ku ha mukana mutugwa wange, nokumbika mkiritu kikyo; na lwa ya lola u vereki, ndegwa mu tsimoni tsitsye: Yahova a kalage hagati hange nive.

Litanga 31:53

Nyasaye wa Abrahamu, na Nyasaye wa Nahoro, na Nyasaye wa dada wavo, a kalage hagati hetu. Na Yakobo yisuha ku Welitibwa wa Isaka dada wewe.

Litanga 34:30

Na Yakobo ya volera Simeoni na Levi, Mwinye mu ndambidzi, nokunkola kufunya ubudamano mu avandu vekivala yiki, hagati ha Vakanani na Vaperizi: na inze mbeye na vakekeke, va levuganya ku inze, nokunduya; na nda diva, inze nenyumba yange.

2 Samweli 10:6

Navana va Amon lwa va lola va gwiye kyokuvihiridza Daudi, avana va Amon va tuma na va lagana litunga lyelihe lya Vasiria va Bethrehobu, na Vasiria va Zoba, avaskari va genda nevirenge tsielfu makumi gaviri, nomwami wa Maaka halala navandu elfu, navandu va Tobu tsielfu likumi na tsiviri.

1 Kyetsinyinga 19:6

Na lwa avana va Amon va lola vekoli avene kuva livihiriridza ku Daudi, hene yaho Hanun navana va Amon va hila tsitalenta tsyefetha tsielfu kutunga magari navasikari vokunina ku tsiparasi kutwula Meso potamia, nokutwula Arammaaka, nokutwula Zoba.

Kutwula 14:11

Na va volera Musa, U ku twulidzi mu kivala ku kudzire migendinyama, kigira vilindwa si vi veye mu Egepeti? Kigira ki u ku i koleye yaga, kukutwulidza mu Egepeti?

Kutwula 15:24

Na avandu va monya Musa, ni va vola, Ku la nwa ki?

Kutwula 16:2

Na livugana lyosi lya avana va Israeli va monya Musa na Haruni mu kyangalangwi:

Kutwula 4:31

Na avandu va suuvira: lwa va hulira Yahova yadza ku avana va Israeli, kandi ya lola ubusaliri bwavo, hene yaho vinaminya mitwe gyavo nokusigamira.

Kutwula 5:20

Na va vugana na Musa na Haruni, va li ni va singiye ku inzira, lwa va twula ku Farao:

Kutwula 6:9

Na Musa ya volera avana va Israeli kuli yaga: navutswa si va hulira Musa kigira ubululu bwemyoyo, kandi kigira ubutugwa budinyu.

Kohelethu 10:1

Tsingi tsya kudza tsi kolanga maguta gomuhomo agomulombi wevifunyanga mwayu, kuhunya ubugundu; ni ndiyo ubusiru bukekeke bu vitanga kigero kyobugeeri nelidzominywa.

Isaya 30:6

Ubuliduhu bwe tsinyama tsya Kusini. Kuvita hagati hekivala kyekivi nelisaliridzwa, he king'ang'a kikali ki twula, neking'ang'a, kihirigoma nenzoka yokubuluka i sambanga, yavo va leta ubutugi bwavo ku migongo gyetsisukiri tsisoleli, na akiba yavo ku tsinatwumbi tsyetsing'amia, va tsia ku avandu va ta va konya kindu.

Joeli 2:20

navutswa lihe yili lyoluvega lwa kasikasini, nda li kunga ihale ku mwinye, li la duke mu kivala kyumu ki veye kyere, kidieli kye imbiri kyalyo ki lingira mu inyanza yevugwe, na kidieli kye inyima ki lingira mu inyanza yemadioli; na ubugundu bwalyo bu la senuka, na lifunya lidamano lilyo li la senuka, kigira li koli miyinzi minene.

Livalidza 14:22

kigira avandu yava vosi ava loli ubukumi bwange, na vilolekidzu, vya nda kola mu Egepeti na mu kyangalangwi, navutswa va ngeridzi hali likumi yili, kandi va vuli kuhulira mwoyo gwange;

Livalidza 14:3

Na kigira ki Yahova a ku leta mu kivala yiki kugwa ku kivavi? Avakali vetu na avana vetu vadoto va la gwa kilanye: kunangwa si bu li bulahi ku kwinye kwirana Egepeti?

1 Samweli 13:4

Na Israeli vosi va hulira, Saulo u duyi lihe lyo lugaga lya Vafilisiti, na Israeli va li ni va veye livihiriridza ku Vafilisiti. Navandu va li ni va vugani halala kulonda Saulo kutsia Gilgali.

1 Samweli 27:12

Akishi ya suuvira Daudi, na a vola, Ya kolanga aveve va Israeli va mu dunyire ligali; kigira yaga a la va mutumekiri wange kazozo.