Kutwula 40:34 - KITABU KITAKATIFU

³⁴ Hene yaho lilesi lya kunika lihema lyokuvuganira mu, na ubukumi bwa Yahova bwizula lihema.

Kutwula 40:34 ပူးပေါင်းရင်းမြစ်များ

2 Samweli 7:6

Kigira inze si mmenya mu inyumba kutwula ku lidiku lya ndanegeridza avana va Israeli kutwula mkivala kya Egepeti, kuduka lero, navutswa nda genda mu lihema nomu lihema litakatifu.

2 Kyetsinyinga 5:13

na ga duka, lwa vakupi vevisiliva na avimbi va li kuli mulala, kukola guhu lirwe muhumu mulala mu lidzomi nya Yahova nokusantidza; nokuginga myoyo gyavo halala nevisiliva nevi kuli neviju vyokwimba, nokwidzo minya Yahova, kuvola, Kigira a veye mulahi; kigira tsimbabasi tsitsye tsya li tsyemihiga nemihiga; inyinga yeyo inyumba yizula lilesi, kali inyumba ya Yahova,

2 Kyetsinyinga 7:2

Na vasalisi si va nyala kwingira mu inyumba ya Yahova, kigira ubukumi bwa Yahova bwizula inyumba ya Yahova.

Zaburi 26:8

O Yahova, nyanzanga limenya lyenyumba yoyo, Na hango hobukumi bubwo bu menyanga.

Kutwula 14:24

Kunangwa mu lilinda lya mugamba, Yahova, mmunara gwomuliru na lilesi, ya henza na a lolera lihe lya Avaegepeti, na a dambidza lihe lya Avaegepeti.

Kutwula 16:10

Kunangwa, inyinga Haruni ya li mu livola ku livugana lyosi lya avana va Israeli, va henza ku kyangalangwi na henza, ubukumi bwa Yahova bwa loleka mu lilesi.

Kutwula 25:8

Navo va nombere hatakatifu, nduke kumenya hagati havo.

Kutwula 29:43

Na ha zana nda vugana na avana va Israeli; na Lihema li la takaswa nobukumi bwange.

Kutwula 33:9

Kunangwa Musa lwa yingira mu Lihema, munara gwelilesi gwika hasi, na gwa singira imbiri wekiliango kye Lihema: na Yahova ya volerana na Musa.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 6:4

Na mise gyemilia ngo gya degera kigira mwoyo gwa uyu wa vola, na inyumba yizula mwoki.

Ezekieli 10:4

Ubukumi bwa Yahova bwa nina igulu kutwula ku mukerubi, na bwa singira ku mukingi gwenyumba; nenyumba yizula lilesi, nomugidzi gwizula ubung'ering'anu bwobukumi bwa Yahova.

Kyavalevi 16:2

na Yahova ya volera Musa, U volere Haruni amwavo vovo, atingira tsinyinga tsyosi mu hatakatifu, mu ingubo yokukinga, imbiri wentebe yetsimbabasi i veye ku lisanduku; vule kukudza: kigira nda loleka mu lilesi ku intebe yetsimbabasi.

Haggai 2:7

nda degeridza tsihiri tsyosi, nelyenya lyetsihiri tsyosi li la duka; na ndizulitsa inyumba yiyi ubukumi, Yahova wa mahe ya vola.

Haggai 2:9

Ubukumi bwe kiheri kyenyumba yiyi, bu la va ubunene kuvita bwokutanga, Yahova wa mahe a vola; na nda va ha mirembe ha zana, Yahova wa mahe a vola.

Livalidza 7:89

Na lwa Musa yingira mu lihema lyokuvuganira mu kuvolerana naye, nene yaho ya hulira Mwoyo gu mu volera kutwula igulu wentebe ye tsimbabasi ya li igulu welisanduku lyelilolekidza, kutwula hagati ha vakerubi vaviri: na ya mu volera.

Varumi 9:4

ava veye Israeli, likolwaavana ni lyavo, nobukumi, namalago, kandi lihaanwa lyelilaga, nelitumekira Nyasaye, neli suuviridzwa, vi veye vyavo:

Likunula 15:8

Kandi litempeli lizula mwoki gwa twula ku bukumi bwa Nyasaye, noku tsingulu tsitsye; kandi si ha li nomundu wa nyala kwingira mu litempeli, ki luhe ki duke kiheri kyamaduya gatano na gaviri getsingelosi vatano na vaviri.

Likunula 21:3

Kandi nda hulira mwoyo munene gu twula mu intebe, ni gu vola, Henza, ubumenyo bwa Nyasaye bu veye halala navandu, kandi a la menya navo, navo va la va avandu veve, kandi Nyasaye mwene a la va halala navo, Nyasaye wavo: