Kutwula 4:5 - KITABU KITAKATIFU

⁵ va duke kusuuvira ni Yahova, Nyasaye wa vaguga vavo, Nyasaye wa Abrahamu, Nyasaye wa Isaka, na Nyasaye wa Yakobo, u loleki ku ive.

Kutwula 4:5 ပူးပေါင်းရင်းမြစ်များ

Litanga 12:7

Kandi Yahova ya loleka ku Abram, na a mu volera, Inze nda ha kisukululwi kikyo kivala yiki: naye yombakira ho Yahova ubwali, wa loleka kuye.

Litanga 17:1

Na lwa Abram ya duka mihiga makumi gatano na gane, na gyitano na gyine, Yahova ya loleka ku Abram, na a mu volera, Mbeye Nyasaye Wanyala Vyosi; Genda imbiri wange, na u ve mudukiru.

Litanga 18:1

Na Yahova ya loleka ku Abrahamu, himbi misala gya Mamre, lwa yikala mu kiliango kyelihema lilye inyinga yoluya lwombasu;

Litanga 26:2

Kandi Yahova ya loleka kuye, na a mu volera, U ta suhmguta kutsia Egepeti; u menye mu kivala kya nda ku volera:

Litanga 28:13

Na henza, Yahova u singiye igulu kuyo, na a vola, Inze mbeye Yahova, Nyasaye wa dada wowo Abrahamu, na Nyasaye wa Isaka: kivala kya u goni mu, nda ku ha, na kisukululwi kikyo;

Litanga 48:15

Naye ya gasidza Yosefa, na a vola, Nyasaye wavaguga vange Abrahamu na Isaka va genda imbiri wewe, Nyasaye wa ndageridza mu buhindiri bwange bwosi kuduka lero,

Litanga 48:3

Na Yakobo ya volera Yosefa, Nyasaye Wanyala Vyosi ya loleka ku inze ha Luz mu kivala kya Kanani, na ya ngasidza,

1 Avami 18:36

Na ga duka inyinga yokuhaana kihaanwa kya mgolova, muprofeti Elija yisunda himbi, na a vola, O Yahova, Nyasaye wa Abrahamu, na Isaka, na Israeli, ga manyekane lero ive u veye Nyasaye mu Israeli, na inze mbeye mutu mekiri wowo, na nkoli vindu yivi vyosi nelikuva lilyo.

2 Kyetsinyinga 20:20

Na va vuka mabwebwe, ni va twula kutsia mu kyangalangwi kya Tekoa: na lwa va twula, Jehoshafatu ya singira, na a va volera, Mu mbulire, Yuda na vamenyi Yerusalemi: mu suuvire Yahova Nyasaye wenyu, na ndiyo mu la dinyeridzwa; mu suuvire vaprofeti veve, na ndiyo mu la gasidzwa.

Kutwula 19:9

Na Yahova ya volera Musa, Henza, nzidzanga ku ive mu lilesi liliduhu, avandu va duke kuhulira lwa mbolerana na ive, kandi va duke kukusuuvira kazozo. Na Musa ya volera Yahova makuva ga vandu.

Kutwula 3:15

Kandi Nyasaye ya volera Musa, U la volera avana va Israeli inkuva yiyi, Yahova, Nyasaye wa avaguga venyu, Nyasaye wa Abrahamu, Nyasaye wa Isaka, na Nyasaye wa Yakobo, u ntumi ku mwinye: yili ni lieta lyange mihiga nemihiga, kandi ni lyokunzidzulitsira kuduka makula gosi.

Kutwula 3:16

U tsie, u vugannye halala avakulundu va Israeli, u va volere, Yahova, Nyasaye wa vaguga venyu, Nyasaye wa Abrahamu, wa Isaka, na wa Yakobo, u loleki ku inze, nokumbolera, Ligali, ntsitsi ku mwinye, ndoli aga mu kolangwa mu Egepeti:

Kutwula 3:18

Na va la hulira mwvoyo gugwo, na u la tsia, ive navakulundu va Israeli, mu la tsia ku mwami wa Egepeti, na mu la mu volera Yahova, Nyasaye wa Vahebraina, u vugani na kwinye: mwadza, u ku he munwa ku tsie lugendo lwa madiku gavaka mwigendinyama kulombera Yahova, Nyasaye wetu isadaka.

Kutwula 3:4

Na Yahova lwa ya lola yevetanga a lole, Nyasaye ya mu langa, na mwoyo gwa twula hagati ha kasala, na a vola, Musa, Musa. Naye ya bugira, Mbeye hano.

Kutwula 3:6

Kandi ya vola, Inze mbeye Nyasaye wa dada wowo, Nyasaye wa Abrahamu, Nyasaye wa Isaka, na Nyasaye wa Yakobo. Na Musa ya visa mmoni mwimwe; kigira ya tia kuhenza Nyasaye.

Kutwula 4:1

Na Musa ya tivula na a vola, Navutswa, henza, si va la nsuuvira, kandi si va la hulira mwoyo gwange; kigira va la vola, Yahova si a loleki ku ive mba.

Kutwula 4:31

Na avandu va suuvira: lwa va hulira Yahova yadza ku avana va Israeli, kandi ya lola ubusaliri bwavo, hene yaho vinaminya mitwe gyavo nokusigamira.

Kutwula 4:4

Na Yahova ya volera Musa, Nyira mukono gugwo, u gi gimire ku mukira: (naye ya nyira mukono gwigwe, na a gi gimira, na ya girunkana ni i gwa impimbo mu mukono gwigwe:)

Isaya 7:9

na mutwe gwa Efiraim ni Samaria, na mutwe gwa Samaria, ni uyu mwana wa Remalia. Ni mu va ni mu sula kusuuvira, ligali si mu la dinyeridzwa.

Jeremia 31:3

Yahova ya loleka ku inze ku matsyambiri, ni ya mbolera, Yee, nku yanzi nobuyanzi bwemihiga nemihiga: kigira yaga mali kukukwesa netsimbabasi tsyo ubuyanzi bwange.

Yohana 11:15

Kandi inze kigira mwi nye nyanzi kigira nda vula kuva yo, mwinye mu duke kusuuvira; navutswa gendi ku tsie kuye.

Yohana 11:42

Kandi nda manya u mbulira madiku gosi: navutswa kigira kiduma ki singira ku inyasi, nda ga vola, va duke kusuuvira nkani nive wa ntuma.

Yohana 20:27

Maku ya volera Tomasi, Leta kidete kikyo u lole makono gange, kandi u lete mukono u hambe mu tsimbalu tsyange: u ta vula kusuuvira, navutswa u suuvire.

Yohana 20:31

navutswa yivi vi ng'odwa mu duke kusuuvira Yesu a veye Kristo, Mwana wa Nyasaye; kandi ku lisuuvira lyenyu mu ve nelivamwoyo mu lieta lilye.

Yohana 5:36

Navutswa lilolekidza lya mbeye nalyo li vita lya Yohana; kigira miyinzi gya Dada ya mpa kumaliridza, miyinzi zana gya nkola, gyi ndolekidza, he, Dada ya ntuma.

Vikolwa 7:2

Ya tivula. Mwinye avamitu navadada, mu hulire: Nyasaye wobukumi ya loleka ku guga wetu Abrahamu, lwa ya li mu Mesopotamia, inyinga ya li na a kikiri kumenya Harani,

Vahebraina 11:16

Navutswa kalunu venyanga kivala kilahi kuvita, nakyo ki veye migulu; kigira yaga Nyasaye si ya lola tsisoni kulangwa Nyasaye wavo; kigira u va lombeye lidala.