Kutwula 4:23 - KITABU KITAKATIFU

²³ Kandi nku voleye, U he mwana wange munwa a tsie, a duke kuntumekira; na ive nu u suye kumuha munwa a tsie, henza, ndiita mwana wowo, munene wowo.

Kutwula 4:23 ပူးပေါင်းရင်းမြစ်များ

Zaburi 105:36

Kandi ya kuya ava tanga kwivulwa vosi mu kivala kyavo, Litanga lyetsingulu tsyavo tsyosi.

Zaburi 135:8

Wa kuya vyokutanga kwivulwa mu Egepeti, Kutanga ku avandu kuduka ku imitugu;

Zaburi 136:10

Ku uyu wa kuya Egepeti mu avatanga kwivulwa vavo; Kigira tsimbabasi tsitsye tsi veye ho mihiga nemihiga;

Zaburi 78:51

Na ya kuya vosi ava tanga kwi vulwa mu Egepeti, Avanene vetsingulu tsyavo mu mahema ga Ham.

Kutwula 10:3

Na Musa na Haruni vingira ku Farao, nava mu volera, Yahova Nyasaye wa Vahebraina a vola, U la sula kwegehidza imbiri wange kuduka inyinga ki? U lakule avandu vange va tsie kuntumekira.

Kutwula 10:4

Naho nu u sula kulakula avandu vange va tsie, henza, mugamba nda leta tsisigi tsingire mu kivala kikyo:

Kutwula 11:5

na vosi avatanga kwivulwa mu kivala kya Egepeti va la kudza, kutanga wa tanga kwivulwa wa Farao wikaye ku intebe yobwami, kuduka ku watanga kwivulwa womukana mutugwa u veye inyima wolugina; na vyokutanga kwivulwa vyosi vyemitugu.

Kutwula 12:29

Kunangwa ubudiku hagati, Yahova ya kuya avatanga kwivulwa mu kivala kya Egepeti, kutanga ku wa tanga kwivulwa wa Farao wikala ku intebe yeye yobwami, kuduka ku wa tanga kwivulwa wa uyu wa bofwa wa li mu inyumba ya hasi yavahambe; kandi ku vyosi vya tanga kwivulwa ku mitugu.

Kutwula 13:15

Na ga duka, lwa Farao ya lola budinyu kukuha munwa kutsia, Yahova yiita avatanga kwivulwa vosi mu kivala kya Egepeti, avatanga kwivulwa va avandu, na vyatanga kwivulwa vyemitugu: kigira yaga mbaana isadaka ku Yahova ku vyosi vyekisatsa vi kunula inda; navutswa avatanga kwivulwa ku avana vange mba nanula.

Kutwula 18:8

Na Musa ya volera navizala wewe gosi ga Yahova ya kolera Farao, noku Avaegepeti kigira Israeli, na lidambidza lyosi lya va gwira ku inzira na kuli Yahova ya va honnya.

Kutwula 3:18

Na va la hulira mwvoyo gugwo, na u la tsia, ive navakulundu va Israeli, mu la tsia ku mwami wa Egepeti, na mu la mu volera Yahova, Nyasaye wa Vahebraina, u vugani na kwinye: mwadza, u ku he munwa ku tsie lugendo lwa madiku gavaka mwigendinyama kulombera Yahova, Nyasaye wetu isadaka.

Kutwula 5:1

Kandi inyima Musa na Haruni va tsia, ni va volera Farao, Yahova, Nyasaye wa Israeli a volanga ndi, U he avandu vange munwa va tsie, va duke kunombera lidiku lyelisangala mwigendinyama.

Kutwula 6:11

Ingira, u volere Farao mwami wa Egepeti, a haane munwa avana va Israeli va tsie kutwula mu kivala kikye.

Kutwula 7:16

Na u la mu volera, Yahova, Nyasaye wa Vahebraina, u ntumi ku ive, a volanga, U lakule avandu vange va duke kuntumekira mwigendinyama: na, henza, kuduka kalunu u kikiri kuhulira.

Kutwula 8:1

Kandi Yahova ya volera Musa Ingira ku Farao, na u mu volere Yahova a vola, U lakule avandu vange, va tsie kuntumekira.

Kutwula 8:16

Na Yahova ya volera Musa, U volere Haruni, U nyire impimbo yoyo na u duye ulugukyi lwa marova, lu duke kuva tsindaa mu kivala kyosi kya Egepeti.

Kutwula 8:17

Navo va kola ndiyo; na Haruni ya nyira mukono gwigwe nempimbo yeye, na a duya ulugukyi lwe kivala, na ha li netsindaa ku vandu, noku mitugu; na lugukyi lwazi lwa marova lwa gwa tsindaa mu kivala kyosi kya Egepeti.

Kutwula 8:20

Na Yahova ya volera Musa, U vuke mugamba mabwebwe, na u singire imbiri wa Farao; henza, a twulanga kutsia ku amadzi; na u la mu volera, Yahova a vola ndi, U lakule avandu vange va tsie kuntumekira.

Kutwula 9:1

Kunangwa Yahova ya volera Musa, Wingire ku Farao, nokumuvolera, Yahova Nyasaye wa Vahebraina a vola ndi, U lakule avandu vange va tsie, va duke kuntumekira.

Kutwula 9:13

Na Yahova ya volera Musa, Vuka mugamba mabwebwe, u singire imbiri wa Farao, u mu volere, Yahova Nyasaye wa Vahebraina a vola, U lakule avandu vange, va tsie kuntumekira.

Kutwula 9:2

Kigira nu u va nu u sula kuvalakula, nokuvigalira ligali,

Hosea 11:1

Lwa Israeli ya li mwana, nda mu yanza, na nda langa mwana wange kutwula Egepeti.