Kutwula 4:18 - KITABU KITAKATIFU

¹⁸ Na Musa ya tsia ni yirana ku Jethro navizala wewe, na a mu volera, Mwadza, mpe munwa ntsie kwirana ku avamitu vange ava veye mu Egepeti, nduke kulola ni va va ni va veye mwoyo lero. Na Jethro ya volera Musa, U tsie nemirembe.

Kutwula 4:18 ပူးပေါင်းရင်းမြစ်များ

Litanga 45:3

Na Yosefa ya volera avamwavo veve, Inze mbeye Yosefa; dada wange a kiri mwoyo? Na avamwavo veve si va nyala kumutivulira; kigira va henda mwoyo imbiri wewe.

2 Avami 5:10

Na Elisha ya tuma mutumwa kuye, na a vola, Tsia uesinge mu mugera gwa Yordani hali gatano na gaviri, nenyama yomubiri gugwo i lirana ku ive kandi, na u la va munifu.

2 Avami 5:19

Ya mu volera, Tsia nemirembe. Ma ya twula kuye ni yisunda ki taambuka ha duki.

Kutwula 2:21

Na Musa ya manya, na a menya halala na mundu uyu: na ya ha Musa Zipora mukana wewe.

Kutwula 3:1

Kunangwa Musa yayanga kyayo kya Jethro navizala wewe, musalisi wa Midiani: naye yimirira kyayo kutsia ku luvega lwenyima mwigendinyama, na a duka ku kigulu kya Nyasaye, ha Horebu.

Luka 7:50

Ya volera mukali, Lisuuvira lilyo li ku honnyi; u tsie nemirembe.

Vikolwa 15:36

Inyima ya madiku ga duki, Paulo ya volera Baranaba, Kwiranire kalunu kutsia kulola avamitu mu madala gosi ha kwilwadza likuva lyo Mwami, ku lole va veye ndi.

Vikolwa 16:36

Kandi mulindi ya volera Paulo amakuva yaga, na a vola, Avanyampara va tumi avandu mu bohololwe: kunangwa kalunu mu twule, mu tsie nemirembe.

1 Timoteo 6:1

Ku vatugwa ava veye isi wenira va vole avanene vavo va dukani nelidzominywa lyosi, lieta lya Nyasaye halala namegidzo li ta nyegwa.

Vakalagi 18:6

Nomusalisi ya va volera, Mu tsie nemirembe: inzira ya mu tsia ku, i veye imbiri wa Yahova.

1 Samweli 1:17

Hene yaho Eli ya mu tivulira, na a mu volera, U tsie nemirembe; na Nyasaye wa Israeli a ku he lisaala lilyo lya u saaye kuye.