Kutwula 4:1 - KITABU KITAKATIFU

¹ Na Musa ya tivula na a vola, Navutswa, henza, si va la nsuuvira, kandi si va la hulira mwoyo gwange; kigira va la vola, Yahova si a loleki ku ive mba.

Kutwula 4:1 ပူးပေါင်းရင်းမြစ်များ

1 Avami 13:3

Naye ya va ha kilolekidzu lidiku zana, na a vola, Yiki ki veye kilolekidzu kya Yahova ya vola: Henza, ubwali bu ladika, neligoke li veye kubwo li la sunduka.

Kutwula 2:14

Naye ya tivula, Ni bwaha wa ku vika kuva mwami na mukalagi ku kwinye? U ganagana kunziita, kuli wa li kwiita Muegepeti? Na Musa ya tia, na a vola, Nkani inkuva yiyi i manyekani ligali.

Kutwula 3:15

Kandi Nyasaye ya volera Musa, U la volera avana va Israeli inkuva yiyi, Yahova, Nyasaye wa avaguga venyu, Nyasaye wa Abrahamu, Nyasaye wa Isaka, na Nyasaye wa Yakobo, u ntumi ku mwinye: yili ni lieta lyange mihiga nemihiga, kandi ni lyokunzidzulitsira kuduka makula gosi.

Kutwula 3:16

U tsie, u vugannye halala avakulundu va Israeli, u va volere, Yahova, Nyasaye wa vaguga venyu, Nyasaye wa Abrahamu, wa Isaka, na wa Yakobo, u loleki ku inze, nokumbolera, Ligali, ntsitsi ku mwinye, ndoli aga mu kolangwa mu Egepeti:

Kutwula 3:18

Na va la hulira mwvoyo gugwo, na u la tsia, ive navakulundu va Israeli, mu la tsia ku mwami wa Egepeti, na mu la mu volera Yahova, Nyasaye wa Vahebraina, u vugani na kwinye: mwadza, u ku he munwa ku tsie lugendo lwa madiku gavaka mwigendinyama kulombera Yahova, Nyasaye wetu isadaka.

Kutwula 4:10

Na Musa ya volera Yahova, Mwami, inze si mbeye mundu wa makuva, kutwula kale, kinga kuduka kalunu lwa u volerana na mutumekiri wowo; kigira mbeye welivola lya galaha, na lulimi lwange lu veye lwekivoyo.

Kutwula 4:30

na Haruni ya vola amakuva gosi aga Nyasaye ya volera Musa, na a kola vilolekidzu imbiri wa avandu.

Kutwula 4:31

Na avandu va suuvira: lwa va hulira Yahova yadza ku avana va Israeli, kandi ya lola ubusaliri bwavo, hene yaho vinaminya mitwe gyavo nokusigamira.

Kutwula 6:12

Na Musa ya vola imbiri wa Yahova, na a vola, Henza, avana va Israeli si va mbulira mba; nasindi Farao a la mbulira ndi, inze u veye womunwa gwa vula kukevwal

Kutwula 6:30

Na Musa ya vola imbiri wa Yahova, Henza, inze mbeye womunwa gwa vula kukevwa, Farao a la mbulira ndi?

Jeremia 1:6

Hene yaho nda vola, Ai, Mwami Nyasaye henza, si nyala kuvola; kigira mbeye mwana.

Ezekieli 3:14

Ma Roho ya ng'inga igulu, nokumbila ahandi; na nda tsia nobululu, mu butima bwomwoyo gwange; nomukono gwa Yahova gwa li ku inze netsingulu.

Vikolwa 7:25

Kandi ya ganagana avamwavo veve va manya Nyasaye u va he ubuhonnyi nomukono gwigwe: navutswa si va manya.

Vakalagi 6:17

Naye ya mu volera, Ni mba ni nyoye liverererwa imbiri wowo, kalunu u mmannye kilolekidzu nduki kumanya nive u volerananga inze.