Kutwula 37:9 - KITABU KITAKATIFU

⁹ Na vakerubi va nyira tsimbaha igulu, va kinga intebe yetsimbabasi netsimbaha tsyavo, na mmoni mwavo mwa henzana; uyu na uyu; na mumoni mwa vakerubi mwinama kuhenza intebe yetsimbabasi.

Kutwula 37:9 ပူးပေါင်းရင်းမြစ်များ

Litanga 28:12

Na ya lota maloto, na henza, ingasi i singeridzeywi ku lirova na isonga yayo i duka migulu: na henza, tsingelosi wa Nyasaye va ninanga nokwikira kuyo.

Litanga 3:24

Kunangwa ya kunga Adamu na a mu hila kyova; naye ya vika Vakerubi ku luvega lwevugwe womulimi gwa Edeni, na kivavi ki ng'ereng'ananga kya voyongana kulinda inzira yomusala gwelivamwoyo.

1 Avami 6:27

Na ya vika vakerubi mu inyumba yomugati; netsimbaha tsya vakerubi tsya nyirwa yiyi neyiyi, kuduka luvaha lwomulala lwa dira ku lidigi lilala, noluvaha lwomu kerubi wundi lwa dira ku lidigi lindi; tsimbaha tsyavo tsya dirana hagati henyumba.

Kutwula 25:20

Na vakerubi va la nyira tsimbaha igulu, va kinga intebe yetsimbabasi netsimbaha tsyavo, na mumoni mwavo mu la henzana uyu na uyu; mumoni mwavo mu henzane nentebe yetsimbabasi.

Kutwula 37:10

Kandi ya lomba imeza yomusala gwe kikuma: ubutambi bwayo bwa li ligera lyamakono gaviri, na bugalamu bwayo bwa li ligera lyomukono mulala, na ubudiguluku bwayo bwa li ligera lyomukono mulala na inusu:

Kutwula 37:8

mukerubi mulala ku kiheri kilala na mukerubi ku kiheri kindi: ya va lomba ku kindu kilala nentebe yetsimbabasi ku viheri viviri vyayo.

Isaya 6:2

Vaserafi (va vita tsingelosi tsingulu) va singira igulu waye: sa mulala ya li netsimbaha tsitano na lilala; tsiviri yekunika mmoni, na tsiviri yekunika virenge, na tsiviri ya bulukira.

Yohana 1:51

Kandi ya mu volera, Ligali, ligali, mmu volera, Mu la lola ligulu ligulika, netsingelosi va Nyasaye va nina ni vika ku Mwana wa Adamu.

2 Vakorintho 3:18

Navutswa kwinye kwosi nomumoni mwa vula kukunikwa ubwasasu ku lolanga ubukumi bwo Mwami kuli mu kyeloleru, ku girukannyangwa kuduka ligondo lilala kutwula ku bukumi kuduka ku bukumi, kuli ku Mwami, Roho uyu.

Vafeso 3:10

ubugeeri bwa Nyasaye obu veye tsing'ano tsinyingi, bu vuulwe kalunu ku ubunene no ku tsingulu tsyomigulu, nelivugana.

Vafilipi 3:8

Yee kandi inze ligali ndola vindu vyosi kuva ubugoti vutswa, kigira ubulahi kuvita bwelimanya lya Kristo Yesu Mwami wange: wa nda gotidzira ku, vindu vyosi, nokuvivalidza kuva amandu vutswa, nduke kunyola Kristo,

1 Timoteo 3:16

Kandi ni likuva li ta li nelihayahayidzwa, liviswa lyelihulira Nyasaye li veye linene; Uyu ya lang'aminywa mmubiri, Nokuvolwa kuva mulungi mu roho, Nokuloleka ku tsingelosi Nokwilwadzwa mu Tsihiri Nokusuuvirwa mu lirova, Nokuvugulwa migulu mu bukumi.

Vahebraina 1:14

Yavo vosi si va veye roho gyobutumwa, gyi tumangwa gyi duke kutumekira yava ava li lia miyandu gyobuhonnyi?

1 Petro 1:12

Aga lang'aminywa kuvo, si ga li kuvo avene, navutswa ku mwinye va tumekiranga mu vindu yivi vilwadzeywi kalunu na yavo ku mwinye, avilwadza ivangeli mu Roho Mutakatifu wa tumwa kutwula migulu; amakuva getsingelosi venyanga kuteveridza.