Kutwula 34:7 - KITABU KITAKATIFU

⁷ u hedzanga avandu tsielfu liverererwa, musamehi wobudamano, na mahyolo nobwoni; na a la vula kuvola kali hakuzuzu, mudamano a veye mulahi, na wokuvika ubwoni bwavadada ku avana, noku avana va avana, ku likula lya gavaka noku lya gane.

Kutwula 34:7 ပူးပေါင်းရင်းမြစ်များ

Litanga 19:16

Navutswa ya lindagira; na avandu yavo va mu gumira mukono, nomukono gwomukali wewe, nomukono gwavakana veve vaviri; Yahova a mu vera tsimbabasi: na va mu twulidza, nokumuvika kyova welidala.

1 Avami 8:30

Na u hulire lisaala lyomutumekiri wowo, na lyavandu vovo Israeli lwa va saalanga lyokuhenza ha zana: yee, u hulire yaho migulu mbumenyo bubwo, na lwa u hulira, u samehe.

1 Avami 8:32

u hulire migulu, u kole, na u kalage hagati ha vatumekiri vovo, ku li ha mageli uyu mudamano, nokuleta inzira yeye ku mutwe gwigwe mwene, nokuha uyu mulungi bulungi, kuli ubulungi bwibwe bu veye.

2 Kyetsinyinga 30:9

Kigira ni mwirana ku Yahova, avamwavo venyu navana venyu va la verererwa imbiri wa yavo va va hila vahambe, kandi va lirana mu kivala yiki: kigira Yahova Nyasaye wenyu a veye neliverera netsimbabasi na si a la girunkannya mmoni mwi mwe kutwula ku mwinye mba, ni mu va ni mwirana kuye.

Nehemia 1:5

nda vola, O Yahova, Nyasaye womigulu, Nyasaye munene wokutihidza, wokudu kidza lilagana netsimbabasi ku yavo ava mu yanza nokugumira amalago gege, nku goonya, mwadza:

Nehemia 9:32

Kunangwa kalunu, O Nyasaye wetu, munene, nowetsingulu, Nya saye wokutibidza, u gumiranga lila gana netsimbabasi, kivi kyosi kya gwira kuinye, navami vetu, navanene vetu, navasalisi vetu, navaprofeti vetu, navaguga vetu, navandu vovo vosi, kutwula ku tsinyinga tsyavami va Asuria, kuduka lero, ki ta loleka kuva kikekeke, kivi zana imbiri wowo.

Ayubu 10:14

Ni nkola ubwoni, hene yaho u mbenzanga, Ive si u la sameha budamano bwange.

Zaburi 103:3

U samehanga ubukyamu bubwo bwosi; U honnyanga ubulwaye bubwo bwosi;

Zaburi 109:14

Ubukyamu bwa vaguga veve bwidzulitswe na Yahova; Kandi ubwoni bwa mama wewe bu vule kutwulidzwa.

Zaburi 130:4

Navutswa ku ive ha veye ubusa mehi, Ive u duke kutibwa.

Zaburi 136:10

Ku uyu wa kuya Egepeti mu avatanga kwivulwa vavo; Kigira tsimbabasi tsitsye tsi veye ho mihiga nemihiga;

Zaburi 136:15

Na ya dividza Farao na lihe lilye mu Inyanza Inzakanyu; Kigira tsimbabasi tsitsye tsi veye ho mihiga nemihiga:

Zaburi 25:11

Kigira lieta lilyo, O Yahova, U samehe lihyolo lyange, kigira li veye linene.

Zaburi 86:15

Navutswa ive, O Mwami, u veye Nyasaye welivererera na tsimbabasi, Wa galaha ku butima, na munene wetsimbabasi na ageligali.

Zaburi 99:8

O Yahova Nyasaye wetu, ive wa va tivulira: Wa li Nyasaye wobusamehi kuvo, Navutsva wa vanza kisalya ku likola lyavo.

Kutwula 23:21

U gelihe imbiri wewe, na u hulire mwoyo gwigwe; u ta mu vihiriridza; kigira si a li mu sameha mahyolo genyu: kigira Iieta lyange li veye muye.

Kutwula 23:7

Weyahule u ve ihale na makuva gobubehi; tiita yavo ava ta li nekindu kuvo na avalungi: kigira si nda ha avadamano ubulungi.

Kutwula 33:19

Naye ya vola, Nda vitidza ubulahi bwange bwosi imbiri wowo, na nda landidza lieta lya Yahova imbiri wowo; nda gasidza uyu wa nyenya kumugasidza, na nda vererera uyu wa nyenya kumuvererera.

Kutwula 34:9

Naye ya vola, Kalunu ni mba ni nyoye liverererwa imbiri wowo, O Mwami, nku goonya, Mwami, u gende hagati hetu; kigira va veye avamagoti madinyu; na u samehe mahyolo getu na ubwoni bwetu, na u ku vugule kuva miyandu gyigyo.

Isaya 45:21

Mwilwadze, mu lete makuva, yee va kole makuva halala; ni bwaha wa vuula likuva yili kutwula ku matsya mbiri? Ni bwaha yilwadza likuva yili kale? Si a veye inze, Yahova wa kola? Kandi si ha veye na Nyasaye wundi na a ta li inze, Nyasaye wobulungi, no Muhonnyi; si ha veye nowundi.

Jeremia 30:11

Kigira inze mbe halala nive, Yahova a vola, kukuhonya: kigira nda heridza ligali tsihiri yitsyo tsyosi ha nda ku salannya, navutswa si nda heridza ive mba; navutswa nda ku ha mageli nelikalaga, kandi si nda ku leka bugira kukuha mageli kali hakuzu mba.

Jeremia 32:18

ive u verereranga tsielfu netsielfu, nokutungidza ubwoni bwavadada ku viritu vyavana vavo inyima wavo: u veye munene, Nyasaye Wanyala Vyosi, Yahova wa mahe nilyo lieta lilye;

Jeremia 9:24

navutswa uyu wiyidzominya yiyidzominye mu yaga, ga nzidzulitsanga, nokumanya inze, mbeye Yahova u tumekiranga tsimbabasi, nelikalaga, nobulungi mu lirova: kigira inze nyanzidzangwa mu vindu yivi, Yahova a vola.

Danyeli 9:4

Na nda saala Yahova Nyasaye wange, nokweyama ubwoni, nokuvola, O Mwami, Nyasaye munene nowokutihidza, u gumiranga lilagana, netsimbabasi navo ava mu yanzanga nokugumira malago gege,

Danyeli 9:9

Tsimbabasi nelisameha vi veye vyo Mwami wetu Nyasaye; kigira kwinye ku mwebaala:

Mika 6:11

Nda va mulahi ni mbeye netsiratili tsindamano, na imuya yamagina gobugadi?

Mika 7:18

Ni bwaha a veye Nyasaye kuli ive, u samehanga ubudamano, na u vitanga ku mahyolo gavatigala vemiyandu gyigye? Si ya vihirirwa madiku gosi, kigira a yanza tsimbabasi.

Nahum 1:6

Bwaha u nyala kusingira imbiri wobutima bwibwe? Ni bwaha u nyala kumenya mu bululu bwobutima bwibwe? Butima bwibwe bu tsukeywi kuli muliru, tsinyanda tsya tannyeywi na uyu.

Matayo 12:31

Kigira yaga mmu volera, Avandu va la samefwa ubwoni bwosi namanyego, navutswa amanyego ga va nyega Roho si va li samefwa mba.

Matayo 6:12

U ku samehe magovi getu, kuli kwinye ku sameha avamagovi getu.

Luka 7:42

Lwa va daka kya va mu tunga, ya va sameha vombi. Ku yava u li ha u li mu yanza kuvita?

Luka 7:48

Kandi ya mu volera, Ubwoni bubwo bu sameheywi.

Vikolwa 13:38

Kigira yaga, ga manyekane ku mwinye, avamitu, ku mundu uyu mwilwadzwa lisameha lyobwoni:

Vikolwa 5:31

Uyu Nyasaye u mali kumukuminya nomukono gwigwe mulungi a ve Mwami no Muhonnyi, a duke kuha Israeli lyeganira nobusamehi bwo bwoni.

Vafeso 1:7

muye ku nyoye libohololwa lyetu kigira masahi gege, lisamefwa lyelihyola lyetu, kuli ubutugi bwetsimbabasi tsitsye,

Vafeso 4:32

mu ve nobuhooma avene navene, nokuvererana tsimbabasi, nokusamehana avene navene, kuli Nyasaye ya sameha mwinye mu Kristo.

Kwidzulitsa 32:35

Kisalya ni kyange, nokutunga, Inyinga yekirenge kyavo ki la terera: Kigira lidiku lyekivi kyavo li veye himbi Nevindu vi veye kuduka kuvo vi la kola bwangu.

Kwidzulitsa 7:10

nokutunga mmoni mwavo ava mu dunyiranga a duke kuvononya: si yegadahalidza ku uyu u mu dunyiranga, a la mu tunga mmoni mwimwe.

Kwidzulitsa 7:9

Kunangwa u manye Yahova Nyasaye wowo, niye Nyasaye, Nyasaye musuuvirifu, u dukidzanga lilagana netsimbabasi ku va mu yanzanga, ava gumiranga malago gege kuduka makula tsielfu,

Vahebraina 12:29

kigira Nyasaye wetu a veye muliru gu sambanga.

Joshua 24:19

Na Joshua Ya volera avandu. Mwinye si mu nyala kutumekira Yahova; kigira a veye Nyasaye mutakatifu; a veye Nyasaye welikendeka; si a la mu sameha amahyolo genyu kinga ubwoni bwenyu.

1 Yohana 1:9

Ni kweyama ubwoni bwetu, a veye musuuviridzi kandi a veye mulungi kuduka kusameha ubwoni bwetu, nokukwogidza vyosi vi ta li ubulungi.

Likunula 20:15

Kandi ku vowa vula kung'odwa mu kitabu kyelivamwoyo, ya tebwa mu inyanza yomuliru.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.