Kutwula 34:6 - KITABU KITAKATIFU

⁶ Na Yahova ya vita imbiri wewe, ni yilwadza, Yahova, Yahova, Nyasaye wetsimbabasi nowobugasu, umuhoma, wa galaha ku butima, nomuhinda wobuyanzi na ageligali;

Kutwula 34:6 ပူးပေါင်းရင်းမြစ်များ

Litanga 24:27

Na ya vola, A gasidzwe Yahova, Nyasaye womwami wange Abrahamu, wa vula kuleka tsimbabasi tsitsye na geligali gege ku mwami wange: kandi inze, Yahova u nzimiriye ku inzira i duka ku inyumba yamwavo wa mwami wange.

2 Samweli 24:14

Na Daudi ya volera Gadi, Inze mbeye mu kivi kinene: u ku leke ku gwe mmukono gwa Yahova; kigira tsimbabasi tsitsye tsi veye tsinene ligali; mbule kugwa mmukono gwomundu.

1 Avami 19:11

Naye ya mu volera, Tsia kyova, u singire mu kigulu imbiri wa Yahova. Na, henza, Yahova ya vita ha zana, nekihudzudzi kinene kyetsingulu kya tandula vigulu, na kwatanya tsinyanda imbiri wa Yahova; navutswa Yahova si ya li mu kihudzudzi zana mba: inyima weki hudzudzi yikyo lidegera lyekivala lya li ho, navutswa Yahova si ya li mu lidegera zana yilyo mba:

1 Avami 8:30

Na u hulire lisaala lyomutumekiri wowo, na lyavandu vovo Israeli lwa va saalanga lyokuhenza ha zana: yee, u hulire yaho migulu mbumenyo bubwo, na lwa u hulira, u samehe.

2 Kyetsinyinga 30:9

Kigira ni mwirana ku Yahova, avamwavo venyu navana venyu va la verererwa imbiri wa yavo va va hila vahambe, kandi va lirana mu kivala yiki: kigira Yahova Nyasaye wenyu a veye neliverera netsimbabasi na si a la girunkannya mmoni mwi mwe kutwula ku mwinye mba, ni mu va ni mwirana kuye.

Nehemia 9:17

na va sula kugakola, kandi si va ganagana vyokugenya vya wa kola hagati havo, navutswa va kola amagoti gavo kuva madinyu, nomu bwebaali bwavo ve tovolera munyampara va duke kwira na mu butugwa bwavo. Navutswa h ive u veye Nyasaye wetegeki kusame ha, wetsimbabasi, na wizula liverere ra, wa galaha ku butima, nowobunyi ngi bwetsimbabasi, si wa va leka mba.

Zaburi 108:4

Kigira tsimbabasi tsitsyo tsi veye tsinene kuvita ligulu; Na ageligali gogo ga duka ku malesi.

Zaburi 111:4

O koli miyinzi gyigye gyokugenya gyidzulitswe: Yahova a veye netsimbabasi na liverera.

Zaburi 111:8

Ga dinyiridzwa mihiga nemihiga; Ga lombwa mu ageligali na mu bulungi.

Zaburi 112:4

Mu kisundi ubulavu bu lolekanga ku avalungi: A veye netsimbabasi, neliverera, nobulungi.

Zaburi 116:5

Yahova a veye netsimbabasi, na ubulungi; Yee, Nyasaye wetu a veye neliverera.

Zaburi 138:2

Nda sigama kuyeka ku litempeli lilyo litakatifu, Na nda santidza lieta lilyo kigira tsimbabasi tsitsyo, na ageligali gogo: Kigira u nenehidzi likuva lilyo igulu we lieta lilyo lyosi.

Zaburi 145:8

Yahova a veye mulahi na wetsimbabasi; A veye wa galaha ku ubutima, na wetsimbabasi tsinene.

Zaburi 146:6

Uyu wa lomba liguhl na lirova, Inyanza, na vyosi vi veye muyo; Uyu u lindanga ageligali mihiga nemihiga;

Zaburi 31:19

Ubulahi bubwo bu veye bunene kuduka ndi, Bwa u vikiye ava ku tidzanga, Bwa u koleye avirukira ku ive, Imbiri wavana va avandu

Zaburi 57:10

Kigira tsimbabasi tsitsyo tsi veye tsinene kuduka migulu Na ageligali gogo ga duka mmalesi.

Zaburi 86:15

Navutswa ive, O Mwami, u veye Nyasaye welivererera na tsimbabasi, Wa galaha ku butima, na munene wetsimbabasi na ageligali.

Zaburi 86:5

Kigira ive, Mwami, u veye mulahi, na mwangu kusameha, Na wobunyingi bwetsimbabasi ku vosi avanira ive.

Zaburi 91:4

A la ku kunike namabaha gege, Kandi u la honera mu tsimbaha tsitsye: Ageligali gege ga veye ingavo na ikuti.

Kutwula 20:5

u ta vi sigamira mba, u ta vi tumekira mba; kigira inze Yahova Nyasaye wowo mbeye Nyasaye wokukendeka, u vikanga ubudamano bwavadada ku avana, kuduka ku likula lyakavaka kinga lya kane ku yavo ava dunyira inze,

Kutwula 22:27

kigira ingubo i veye kyokwefuma kikye kyeng'ine, i veye ingubo yeye yeligodo lilye: a la gonera ki? Na ga la duka lwa a lanira inze, nda hulira; kigira mbeye netsimbabasi.

Kutwula 33:19

Naye ya vola, Nda vitidza ubulahi bwange bwosi imbiri wowo, na nda landidza lieta lya Yahova imbiri wowo; nda gasidza uyu wa nyenya kumugasidza, na nda vererera uyu wa nyenya kumuvererera.

Tsing'ano 3:3

U ta bugirira tsimbabasi na ageligali kukuleka: U vi bohe mwigoti mumwo: U vi ng'ode ku kibao kyomwoyo gugwo:

Kohelethu 8:11

Kigira likalaga likalagangwa ku likola lidamano si li kolangwa bwangu mba, kigira yaga myoyo gya avana vavandu gyi nyo langa tsingulu muvo kukola buda mano.

Isaya 12:4

Na mu lidiku yilyo mu la vola, Mu santidze Yahova, mwa nire lieta lilye, mu landidze vikolwa vivye mu tsihiri, mu vole lieta lilye lya nenehidzwa ligali.

Isaya 65:16

kuduka ga la va uyu wegasidza mwene mu lirova a legasidza mu Nyasaye wageligali; na uyu wesuha mu lirova, a lesuha ku Nyasaye wageligali; kigira vivi vya kale vi mali kwivirirwa, kandi kigira vi viseywi ku tsimoni tsyange.

Jeremia 32:18

ive u verereranga tsielfu netsielfu, nokutungidza ubwoni bwavadada ku viritu vyavana vavo inyima wavo: u veye munene, Nyasaye Wanyala Vyosi, Yahova wa mahe nilyo lieta lilye;

Jeremia 9:24

navutswa uyu wiyidzominya yiyidzominye mu yaga, ga nzidzulitsanga, nokumanya inze, mbeye Yahova u tumekiranga tsimbabasi, nelikalaga, nobulungi mu lirova: kigira inze nyanzidzangwa mu vindu yivi, Yahova a vola.

Lisyoma lya Jeremia 3:23

Tsi veye tsimpya mugamba nomugamba; busuuvirifu bubwo bu veye bunene.

Joeli 2:13

Mu tandule mwoyo, mu ta tandula tsingubo tsyenyu, mwirane ku Yahova Nyasaye wenyu; kigira uyu a veye netsimbabasi na livererera, si a vihirirangwa bwangu, a veye netsimbabasi tsinyingi, na yeganiranga ku kivi.

Jona 4:2

Naye ya saala Yahova, na a vola, Nku saalanga, O Yahova yili si li veye livola lyange, lwa nda li mu kivala kyange? Kigira yaga nda tanga kwiruka bwangu kutsia Tarshishi; kigira nda manya ive u veye Nyasaye wetsimbabasi, wizula livererera, mwikudziri ku butima, kandi wetsimbabasi tsinene, nowokugirunkana kuleka kivi.

Mika 7:18

Ni bwaha a veye Nyasaye kuli ive, u samehanga ubudamano, na u vitanga ku mahyolo gavatigala vemiyandu gyigye? Si ya vihirirwa madiku gosi, kigira a yanza tsimbabasi.

Mika 7:20

Na u la dukidzira Yakobo ageligali, na tsimbabasi u la dukidzira Abrahamu, vya wesuhira vaguga vetu kutwula madiku ga kale.

Nahum 1:3

Yahova a veye wagalaha ku butima, na a veye munene mu bunyali, si a la kola uyu u veye nekindu kuye kuva ougira mahyolo mba: Yahova a veye nenzira yeye mu kihudzudzi nomu kihi, amalesi ga veye lugukyi lwevirenge vivye.

Livalidza 12:8

na inze nda volerana naye munwa na munwa, kali havulavu, si ga veye ku livola lya hamwamu; naye a la lola lifwana lya Yahova: kunangwa kigira ki si mwa tia kuvola limonya ku mutumekiri wange, Musa?

Yohana 1:17

Kigira lilaga lya leterwa ku Musa; tsimbabasi nageli gali ga leterwa ku Yesu Kristo.

Varumi 2:4

Naho u leganga ubutugi bwobugasu bwibwe nobwikudzihidzi bwibwe nobwikudziri bwibwe, si u manya ubulahi bwa Nyasaye bu ku letera lyeganira?

Kwidzulitsa 32:3

Kigira nda landidza lieta lya Yahova: Mu he Nyasaye wetu ubunene.

Kwidzulitsa 4:31

kigira Yahova Nyasaye wowo a veye Nyasaye wetsimbabasi; si u la daka kuye kindu, si a la kwononya, kandi si a livirira lilagana lyavaguga vovo lya ya visuhira.

Kwidzulitsa 5:10

na mbeye netsimbabasi ku tsielfu tsya yavo ava nyanzanga ava gumiranga amalago gange.

Yakobo 5:11

Henza, ku lola yava kuva nobugasu avikudzira: mu huliye amakuva gobwikudziri bwa Ayubu, kandi mu loli litwekidza lyo Mwami, kuli Mwami wizuye tsimbabasi, nelivererera.