Kutwula 34:29 - KITABU KITAKATIFU

²⁹ Na ga duka, lwa Musa ya sulunguta kutwula mu kigulu kya Sinai nz vibao viviri vyelilolekidza mu mukono gwa Musa, lwa ya sulunguta kutwula mu kigulu, Musa si ya manya ligodo lyomumoni mwime lya ng'ereng'ana kigira livolerana lilye naye.

Kutwula 34:29 ပူးပေါင်းရင်းမြစ်များ

Kutwula 16:15

Na lwa avana va Israeli va ki lola, va tevana avene na avene, Ni kindu ki yiki? Kigira si va manya ni kindu ki. Na Musa ya va volera, Nobukima bwa Yahova a mu heye, mu lagire.

Kutwula 31:18

Na Yahova lwa ya mala kuvolerana na Musa mu kigulu kya Sinai ya mu ha vibao viviri vyelilolekidza vibao vya magina, vya Nyasaye ya ng'oda nekidete kikye.

Kutwula 32:15

Na Musa ya girunkana, na a sulunguta kutwula mu kigulu, na ya li nevibao viviri vyelilolekidza mu mukono gwigwe; vibao, ivya li ni vya ng'odwa tsimbega tsyavyo vyombi; vya ng'odwa ku luvega yilu noku lundi.

Kutwula 34:35

Na avana va Israeli va lola mumoni mwa Musa, ligodo lyomumoni mwa Musa lya ng'ereng'ana: na Musa ya kunika mumoni mwimwe nengubo inzasasu kandi, kuduka lwa yingira kuvolerana naye.

Kohelethu 8:1

Ni bwaha u veye kuli wobugeeri? Kandi ni bwaha u manya kugirunkannya likuva? Ubugeeri bwomundu bu kolanga mmoni mwimwe kung'ereng'ana, nobudinyu bwommoni mwimwe bu girunkana.

Matayo 17:2

na a girunkanywa ligo ndo imbiri wavo; mmoni mwimwe mwa ng'ereng'ana kuli liuva, netsi ngubo tsitsye tsya gwa tsindavu kuli ubulavu.

Marko 14:40

Kandi yirana, na a va nyola va gona tsindolo, kigira tsimoni tsyavo tsya li tsi li duhi ligali; kandi si va manya gokumutivulira.

Marko 9:6

Kigira si ya manya ama kuva gokutivula mba; kigira va duka kutia munonono.

Luka 2:49

Ya va volera, Kigira ki mwa nyenya? Si mu manya no bulahi inze mbe ku vindu vya Dada wange?

Luka 9:29

Lwa ya saala, ligondo lyomumoni lya galula, netsingubo tsitsye tsya gwa tsindavu ni tsi ng'ereng'ana.

Yohana 5:13

Navutswa uyu wa honnywa si ya manya ibwaha wa mu honnya; kigira Yesu ya twula ho, kiduma kya li ho.

Vikolwa 12:9

Ya tsia kyova na a mu londa; navutswa si ya manya nageligali agengelosi ya kola, navutswa ya ganagana ya lola maloto.

Vikolwa 23:5

Paulo ya vola, Avamitu, si nda manya a veye musalisi munene: kigira ga ng'odwa, U ta vola ubuda mano ku munene wavandu vovo.

Vikolwa 6:15

Navo vosi vikala mu kyina va mwumika, ni va mu lola mmoni mwimwe mu fwanana mmoni mwengelosi.

2 Vakorintho 3:13

si ku veye kuli Musa, wekunika mumoni mwimwe nengubo inzasasu, avana va Israeli va vule kwumika kuduka kiheri kya yikyo ki vitanga:

Kwidzulitsa 10:5

Nda girunkana nokusulunguta kutwula mkigulu, na nda vika vibao mu lisanduku lya nda lomba; na vi veye mu kuli Yahova ya laga.

Joshua 2:4

Ma mukali uyu ya vugula avandu yavo vombi, na a va visa; ma na a vola, Yee, avandu yavo va duki ku inze, navutswa si nda manya ha va twula:

Joshua 8:14

Na ga duka, mwami wa Ai lwa ya lola likuva yilyo, hene yaho va kola bwangu na va vuka mabwebwe, na vasatsa velidala va twula kulwana na Israeli, uyu na avandu veve vosi, ku inyinga ya lagwa, imbiri we kereremu; navutswa si ya manya va veyo ava koli iluku kuye inyima welidala mba.

Likunula 1:16

Kandi ya li netsing'ereng'ani tsitano na tsiviri mu mukono mulungi zwigwe: nekivavi kyogi tsimbega tsyombi kya twula mu munwa gwigwe: nommoni mwimwe mwa li kuli liuva li ng'ereng'ana mu tsingulu tsyalyo.

Likunula 10:1

Kandi nda lola ingelosi wundi wetsingulu yika kutwula migulu, ya fumwa nelilesi; kandi kisahi kya li ku mutwe gwigwe, mumoni mwimwe mwa li kuli liuva, nevirenge vivye vya li kuli tsitiru tsyomuliru;

Vakalagi 16:20

Nomukali uyu ya mu volera, Vafilisiti va veye ku ive, Samsoni. Naye ya vuka mu tsindolo tsitsye, na a vola, Inze nda twula kuli nda kola tsinyinga tsindi, nzinyire. Navutswa si a manya Yahova u mu leki.