Kutwula 33:5 - KITABU KITAKATIFU

⁵ Na Yahova ya volera Musa, U volere avana va Israeli, Mwinye mu veye avandu ava magoti madinyu; inze, ni mba ni ngenda hagati henyu idakika indala, nda mu dividza: kunangwa mu navule vyokwisiaha, nduke kumanya kya mmukolera.

Kutwula 33:5 ပူးပေါင်းရင်းမြစ်များ

Litanga 18:21

kalunu nda sulunguta, kulola ni va va ni va kola kuli lilira lyavo li duki ku inze; ni ga ta li ndiyo, nda manya.

Litanga 22:12

Naye ya vola, U ta hila mukono gugwo ku mwana, kandi u ta kola kindu kuye; kigira kalunu mmanya ive u tidzanga Nyasaye, kigira si u nyimi mwana wowo, mwana muderwa wowo.

Ayubu 34:20

Mu idagika indala va kudzanga, kali mbudiku hagati; Avandu va vungululangwa nokuvita. Avetsingulu va twulidzangwa bugira mukono.

Zaburi 139:23

U nzidere, O Nyasaye, u manye mwoyo gwange: U ngeridze, u manye tsiganagani tsyange;

Zaburi 73:19

Ga veye ndi va gwiye uboneku nonoho Va diva ligali mu litihidza.

Kutwula 32:9

Kandi Yahova ya volera Musa, Ndoli avandu yava, na henza, va veye avandu aveligoti lidinyu:

Kutwula 33:6

Na avana va Israeli va navula vyokwisiaha kutwula mu kigulu kya Horebu nokutsia hambiri.

Isaya 22:12

Mu lidiku yilyo Yahova, Yahova wa mahe, ya langa li ve ho lilira, nelisyoma, nokuvegwa mitwe, nokwivika tsingubo tsyamagunia:

Isaya 48:4

Kigira nda manya u veye mutingu, ne ligoti li veye lyekivya, nobweni bubwo bu veye mugasa;

Lisyoma lya Jeremia 4:6

Ubudamano bwomukana wa ava ndu vange bu veye bunene kuvita ubwoni bwa Sodoma. Lya tung'aminywa kuli mu idagika indala, si ha veye nomukono gu vikwa kuye.

Joeli 2:12

Navutswa kali kalunu, Yahova a vola, Mu girunkane, mu yeke ku inze nomwoyo gwenyu gwosi, kandi nelihonga lilia, nelilira, nelisyoma:

Livalidza 16:21

Mweyahule mu twule hagati helivugana yili, nduke kulidividza ku idakika indala.

Vikolwa 7:51

Mwinye avamagoti madinyu, avemyovo gyenyu namatu genyu vya vula kukebwa, mwinye kazozo mu hingidza Roho Mutakatifu: kuli vaguga venyu va kola, kandi mwinye mu kola.

Kwidzulitsa 8:2

Na u lidzulitsa inzira yosi ya Yahova Nyasaye wowo ya kwimirira mihiga makumi gane mu kyangalangwi, a duke kukugehidza, nokukugeridza, a manye aga veye mu mwoyo gugwo, kuli ni wenyanga kugumira amalago gege, naho mba.