Kutwula 33:4 - KITABU KITAKATIFU

⁴ Na avandu lwa va hulira makuva madamano yaga, va syoma: si ha li nomundu wivika vyokwisiaha vivye.

Kutwula 33:4 ပူးပေါင်းရင်းမြစ်များ

2 Samweli 19:24

Na Mefiboshethu mwana wa Saulo ya sulunguta a duke kwaganira mwami; naye ya li na a kikiri kusaavidza virenge vivye, kinga kukalaga tsinderu tsitsye, kinga kwogidza tsingubo tsitsye, kutwula ku lidiku lya mwami va twula kuduka lidiku lya yirana nemirembe.

1 Avami 21:27

Na ga duka, lwa Ahabu ya hulira makuva yaga, hene yaho ya tandula tsingubo tsitsye, ni yivika ingubo yeligunia ku mubiri gwigwe, na a honga lilia, nokugona ku ma gunia, nokugenda galaha.

2 Avami 19:1

Na ga duka, lwa mwami Hezekia ya hulira yaga, ya tandula tsingubo tsitsye, ni yevika magunia, ni yingira mu inyumba ya Yahova.

Ezara 9:3

Na inze lwa mbuliye likuva yili, nda tandula ingubo yange na ijoho yange, nokumanyula lisu lyo mutwe gwange netsinderu tsyange, nokwikala mu litangalala.

Ayubu 1:20

Hene yaho Ayubu ya singira, na ya tandula ijoho yeye, kandi ya vegwa mutwe gwigwe, nokugwa hasi, nokusigamira;

Ayubu 2:12

Na lwa va ginga tsimoni tsyavo, ni va kikiri ihale, si va mmanya mba, na va ginga myoyo gyavo, ni va lira; na va tandula sa mulala ijoho yeye, va duminya lugyukyi ku mitwe gyavo igulu.

Kutwula 33:6

Na avana va Israeli va navula vyokwisiaha kutwula mu kigulu kya Horebu nokutsia hambiri.

Isaya 32:11

Mu degere mwinye avakali ava veye nobusosi, mu hende myoyo, mwinye ava ta ganagana ku kindu; mu navule tsingubo tsyenyu, mu gende kyahonyo, mwebohe tsingubo tsyamagunia mu vikenge vyenyu.

Ezekieli 24:17

U kenye, navutswa ga ta va ha vulavu, ku lihulirwa mba, u ta syomera uyu wa kudza; wivike kigudu kikyo, wivike vilatu vivyo, u ta kunika minwa gyigyo mba, u vule kulia vyokulia vyavandu.

Ezekieli 24:23

Na vigudu vyenyu mu livika ku mitwe gyenyu, nevilatu ku virenge vyenyu: ma la vula kusyoma kinga kulira; navutswa mu la nialira mu budamano bwenyu, nokukenyerana mundu sa mulala nowakye.

Ezekieli 26:16

Inyinga yeyo avanene vosi avenyanza va lika ku tsintebe tsyavo tsyobukumi, na va la vika ha haluvega tsinjoho tsyavo na va la navula tsingubo tsyavo tsyobung'olang'ole: va levika lidegera; va likala hasi, nokudegera idagika sa indala, nokuge nyera ive.

Hosea 7:14

Na si vanira inze nemyoyo gyavo, navutswa va hanzuka nemyoyo gyobululu ku vitali vyavo: navutswa vevugannya avene kigira ubuswage newaini; na va tinguha inze.

Kyavalevi 10:6

Na Musa ya volera Haruni na Eleazaru, na Ithamaru, avana veve, Mu ta kunula mitwe gyenyu, na mu ta tandula tsingubo tsyenyu; mu vule kukudza, gase ubutima bu la duka ku livugana lyosi: navutswa avamwavo venyu, inyumba yosi ya Israeli, va syome lisamba lya Yahova ya fwana.

Jona 3:6

Na likuva lya duka ku mwami wa Nineve, naye ya twula ku intebe yeye yobwami, na a navula ingubo yeye, ni yevika ligunia, ni yikala mu ligoke.

Zekaria 7:3

nokuvolera avasalisi avenyumba ya Yahova wa mahe, na avaprofeti, kuvola Ga ndukira kulira ku mweli gwegyitano, nokwiyahuia ku avandu, kuli nda kola ku mihiga gya vita minyingi?

Zekaria 7:5

U volere avandu vosi vekivala, na avasalisi, u va volere, Lwa mu honga lilia nokusyoma ku mweli gwa katano noku mweli gwa katano na kaviri, mu mihiga yigyi makumi gatano na gaviri mwa honga lilia ku inze, ku inze ligali?

Livalidza 14:1

Na livugana lyosi lya ginga myoyo gyavo ni va lira; na avandu va lira ubudiku yibwo.

Livalidza 14:39

Na Musa ya volera avana va Israeli vosi, makuva yaga: na avandu va syoma ligali.

1 Samweli 6:19

Naye ya duya avandu va Beth shemeshi, kigira va henza mu lisanduku lya Yahova, naye ya duya kuvo avasatsa makumi gatano na gaviri, navasatsa tsielfu makumi gatano: navandn va syoma, kigira Yahova ya duya avandu neliitwa linene ligali.