Kutwula 33:16 - KITABU KITAKATIFU

¹⁶ Kigira, kalunu ga la manyikana ndi inze nyoye liverererwa imbiri wowo, inze na avandu vovo? Si ga li ku litsia lilyo halala nekwinye, kuduka inze na avandu vovo, kwahulwa ku avandu vosi ava veye mu lirova?

Kutwula 33:16 ပူးပေါင်းရင်းမြစ်များ

2 Samweli 7:23

Kandi ni ihiri ki mu lirova i veye kuli avandu vovo, kuli Israeli, ava Nyasaye ya tsia kwegulira va ve avandu veve, nokwenyolera lieta, nokumukolera vindu vinene, vindu vyokutihidza kigira kivala kikyo, imbiri wavandu vovo, ava wa gula va ve avovo kutwula Egepeti, kutwula mu tsihiri nomu vanyasaye vavo?

1 Avami 8:53

Kigira ive wa vahula nokuvatwulidza mu avandu vosi velirova, va ve miyandu gyigyo, kuli wa vola nomunwa gwa Musa mutumekiri wowo, lwa wa leta vaguga vetu kutwula mkivala kya Egepeti, O Yahova Nyasaye.

Zaburi 147:20

Si ya kolera ihiri yindi kali indala kuli yaga mba; Na ku miima gyigye si va gyi manya mba. Mwidzominye Yahova.

Kutwula 34:10

Naye ya vola, Henza, nombanga lilagana: na nda kola vyokugenya imbiri wa avandu vovo vosi, kuli vi kikiri kukolwa mu lirova lyosi, kinga mu ihiri kali indala; na avandu vosi ava u veye hagati havo, va la lola miyinzi gya Yahova; kigira ni inkuva yokutihidza ya nkola ku ive.

Kutwula 34:9

Naye ya vola, Kalunu ni mba ni nyoye liverererwa imbiri wowo, O Mwami, nku goonya, Mwami, u gende hagati hetu; kigira va veye avamagoti madinyu; na u samehe mahyolo getu na ubwoni bwetu, na u ku vugule kuva miyandu gyigyo.

Kutwula 8:22

Kandi ku lidiku yilyo ndavukanya kivala kya Goshen, ha avandu vange va menya, maduuma getsingi tsi vule kuva mu; ive u duke kumanya inze mbeye Yahova hagati helirova.

Kyavalevi 20:24

Navutswa mmu voleve, Kivala kyavo ki la va miyandu gyenyu, na nda mu ha kivala kizula amaveere nobwuki kuva kyenyu: inze mbeye Yahova Nyasaye wenyu, wa mwahula ku tsihiri.

Kyavalevi 20:26

Na mwinye mu la va avatakatifu vange: kigira inze, Yahova mbeye mutakatifu, wa mu twulidza mu tsihiri, mu duke kuva avange.

Livalidza 14:14

navo va la volera avandu vekivala yiki: va huliye ive Yahova u veye hagati ha avandu yava; kigira ive Yahova u lolangwa imoni na imoni, na lilesi lilyo li singiranga kuvo, na ive wimiriranga imbiri wavo mu munara gwelilesi mbasu, na mu munara gwomuliru mu budiku.

Livalidza 23:9

Kigira mmu lolera ha mbeye hano ku intongi yolwanda Na ha mbeye hano mu vigulu mmu lola: Henza, va veye avandu ava menyanga veng'ine, Na si va la validzirwa mu tsihiri.

Matayo 1:23

Henza, mkana mgima a la vereka, na a livula mwana muyai, Na va gulike lieta lilye Imanueli; li veye kuvola, Nyasaye a veye halala ne kwinye.

2 Vakorintho 6:17

Kunangwa kigira yaga Mu twuli hagati havo, mwahuleywi, Mwami a vola, Mu ta dira kindu kidamano Na inze nda mu bugirira

Kwidzulitsa 4:34

Kinga inyinga ki Nyasaye ya tsia kwevugulira ihiri hagati hehiri yindi, neligeridza, nelilolekidza, nevyokugennya, nobulwani, nomukono gwetsingulu, nomukono gwanyirika, nelitihidza linene, kuleng'ana navyosi vya Yahova Nyasaye wenyu ya mu kolera Egepeti imbiri wetsimoni tsyenyu?

Kwidzulitsa 4:7

Kigira ha veye nehiri ki yindi i veye inene, ava veye na Nyasaye u veye himbi navo, kuli Yahova Nyasaye wetu a veye lwa ku mwaniranga hosi?