Kutwula 33:12 - KITABU KITAKATIFU

¹² Na Musa ya volera Yahova, Henza, u mbolera, Wanegiridze avandu yava: na u vuli kummanya ni bwaha wa u li tuma halala ninze. Na u voye, Nku manya lieta lilyo, kandi u nyoye tsimbabasi imbiri wange.

Kutwula 33:12 ပူးပေါင်းရင်းမြစ်များ

Litanga 18:19

Kigira inze mmu manyi, kuduka a lage avana veve nevenyumba yeye inyima wewe, va duke kugumira inzira ya Yahova, kukola ubulungi nelikalaga lilungi; Yahova a duke kuleta ku Abrahamu aga ya vola kuye.

2 Samweli 15:25

Nomwami ya volera Zadoku, U ginge lisanduku lya Nyasaye u lirannye mu lidala kandi: ni mba ni nyola tsimbabasi imbiri wa Yahova, a la nzirannya, na a la mmannya lisanduku, na hokumenya hehe:

Zaburi 1:6

Kigira Yahova a manya inzira ya avalungi; Navutswa inzira ya avoni i la diva.

Kutwula 3:10

Kalunu, hamba na nda ku tuma u tsie ku Farao, u duke kutwulidza avandu vange avana va Israeli, va twule mu Egepeti.

Kutwula 3:4

Na Yahova lwa ya lola yevetanga a lole, Nyasaye ya mu langa, na mwoyo gwa twula hagati ha kasala, na a vola, Musa, Musa. Naye ya bugira, Mbeye hano.

Kutwula 32:34

Kunangwa kalunu u tsie, kwimirira avandu va duke ha nda ku voleye: henza, ingelosi wange a limira imbiri wowo; navutswa mu lidiku lya ndi va kalagira, nda va kalagira kigira ubwoni bwavo.

Kutwula 33:1

Kandi Yahova ya volera Musa Mu twule, mwanegire, ive na avandu ava wa leta kutwula mu kivala kya Egepeti, mu tsie mu kivala kya ndesuhira Abrahamu, na Isaka na Yakobo, nokuvola, Nda ha kisukululwi kikyo kivala yiki:

Kutwula 33:17

Na Yahova ya volera Musa Nda kola yaga kandi ga u voye, kigira u nyoye liverererwa imbiri wange, na nda ku manya lieta lilyo.

Kutwula 33:2

na nda tuma ingelosi imbiri wowo, na nda kunga Avakanani, na Avaamori na Avahiti, na Avaperizi, na Avahivi, na Avajebusi:

Kutwula 34:9

Naye ya vola, Kalunu ni mba ni nyoye liverererwa imbiri wowo, O Mwami, nku goonya, Mwami, u gende hagati hetu; kigira va veye avamagoti madinyu; na u samehe mahyolo getu na ubwoni bwetu, na u ku vugule kuva miyandu gyigyo.

Isaya 43:1

Navutswa kalunu Yahova wa ku lomba, ive Yakobo, naye wa ku longa, ive Israeli, a vola ndi: U ta tia mba, kigira mmali kukutungira; nku langi nelieta lilyo, u veye wange.

Isaya 45:3

nda ha ive ubutugi bwekisundi, nemiyandu gya viswa hamwamu, u duke kumanya inze mbeye Yahova, u ku langanga lieta lilyo, mbeye Nyasaye wa Israeli.

Jeremia 1:5

Kutwula ni nkikiri kukulomba munda nda ku manya, kandi nu u kikiri kutwula munda nda ku takasa; nda ku vika u ve mprofeti kuprofetera avetsihiri.

Haggai 2:5

kuli likuva lya nda lagana nemwinye lwa mwa twula mu kivala kya Egepeti, na Roho wange ya menya hagati henyu: mu ta tia mba.

2 Timoteo 2:19

Navutswa muse gwe tsingulu gwa Nyasaye gu singira, gu veye nekiloleru yiki: Mwami a manya yava ava veye aveve: kandi, Ku vosi u talanga lieta lyo Mwami yelehe ku budamano.