Kutwula 32:7 - KITABU KITAKATIFU

⁷ Na Yahova ya volera Musa, Tsia, wike hasi; kigira avandu vovo, ava wemira kuvatwulidza mu kivala kya Egepeti, va mali kweyononya:

Kutwula 32:7 ပူးပေါင်းရင်းမြစ်များ

2 Kyetsinyinga 27:2

Na ya kola agobulungi mu tsimoni tsya Yahova, kuli gosi ga dada wewe Uzia ya kola: navutswa si yingira mu litempeli lya Yahova mba. Navandu va li ni va ki kolanga ubudamano.

Zaburi 78:36

Navutswa va mu volera makuva madoto geminwa gyavo, Na va veha kuye nolulimi lwavo.

Kutwula 19:24

Na Yahova ya mu volera, Tsia, u sulungute; na u lanegira, ive na Haruni halala nive: navutswa va ta ng'unya kwisunda ku Yahova mba, gase a la va twulira.

Kutwula 32:1

Kunangwa avandu lwa va lola Musa u lindagiye kutwula mu kigulu, avandu vevugannya avene ku Haruni, ni va mu volera, Vuka, u ku lombere vanyasaye, ava kwimirira; kigira ku makuva ga Musa uyu, mundu wa ku leta kutwula mu kivala kya Egepeti, si ku manya kya mu gwira.

Kutwula 32:11

Na Musa ya goonya Yahova Nyasaye wewe, nokuvola, Yahova, kigira ki ubutima bubwo bwaaka ligali ku avandu vovo, ava wa leta nobunyali bunene, nomukono gwetsingulu kutwula mu kivala kya Egepeti?

Kutwula 32:4

Naye ya tsi vugula mu makono gavo, na a tsi vadza noluvadziru, tsi fwanane nekimoli kyobunyinda na va vola, Yivi vi veye vanyasaye vovo, O Israeli, ava ku twulidza mu kivala kya Egepeti.

Kutwula 33:1

Kandi Yahova ya volera Musa Mu twule, mwanegire, ive na avandu ava wa leta kutwula mu kivala kya Egepeti, mu tsie mu kivala kya ndesuhira Abrahamu, na Isaka na Yakobo, nokuvola, Nda ha kisukululwi kikyo kivala yiki:

Isaya 1:4

O ihiri yobwoni, avandu vedwika budamano, visukululwi vyavakoli vobudamano, avana ava kolanga agobwoneku va leki Yahova, va legi uyu Mutakatifu wa Israeli, veyahuye nokwirana inyima.

Danyeli 9:24

Masidza makumi gatano na gaviri ga lageywi ku avandu vovo noku lidala litakatifu lilvo, kutwekidza mahyolo, nokuheridza ubwoni, nokukola kyokukunika ubwoni, nokuleta ubulungi bwemihiga nemihiga, nokuvika muhuri ku malola noku buprofeti, noku vaka maguta hatakatifu hokuvita.

Hosea 9:9

Va mali kweyononnya ligali, kuli mmadiku ga Gibea: uyu a lidzulitsa ubudamano bwavo, naye a la vika ubwoni bwavo kuvo.

Kwidzulitsa 31:29

Kigira mmanya inyima welikudza lyange mu leyononya ligali, nokugirunkana ku inzira ya nda mu laga; mmadiku gekiheri ubudamano bu la mu nyola, kigira mu la kola budamano mumoni mwa Yahova, kumuvukidza ubutima kigira miyinzi gyamakono genyu.

Kwidzulitsa 32:5

Veyononyi, si va veye avana veve, imbala i veye yavo; Va veye likula lidamano lyobukyamu.

Kwidzulitsa 4:16

gase mu lyeyononya, nokwelombera vifwananyi vya vadzwa, nelifwana neligondo ku gosi, ku lifwana lyoweliisatsa kinga lyowekikali,

Kwidzulitsa 9:12

Na Yahova ya mbolera, Singira, wike bwangu; kigira avandu vovo va wa twulidza Egepeti veyononyi; va girunkani nonoho kuleka inzira ya nda va laga; velombeye kifwananyi kya longwa.

Kwidzulitsa 9:8

Kandi mu Horebu mwa vihiriridza Yahova, na Yahova ya vihirirwa mwinye kuduka ni yenya kumudividza.

Vakalagi 2:19

Navutswa ga duka, lwa mukalagi uyu ya kudza, va girunkana kutsia inyima, na va kola ubugadi kuvita vaguga vavo, mu lilonda avanyasaye vandi kuvatumekira, nokuvinamira: si va leka likola lyavo, nenzira yavo yobudinyu bwomwoyo.