4 Naye ya tsi vugula mu makono gavo, na a tsi vadza noluvadziru, tsi fwanane nekimoli kyobunyinda na va vola, Yivi vi veye vanyasaye vovo, O Israeli, ava ku twulidza mu kivala kya Egepeti.
Kunangwa Jeroboam ya kola makuva, na a lomba vimoli viviri vyethahabu; na a va volera, Nobudinyu ku mwinye kutsia Yerusalemi: henzi avanyasaye vovo, O Israeli, va ku leta kwanegira kutwula mu kivala kya Egepeti.
Jeroboam ya vika lilia ku mweli gwegyitano na gyivaka, lidiku lyelikumi na gatano lyomweli, kuli lilia li veye mu Yuda, na yanegira kutsia ku bwali; ni ndiyo ya kola ha Betheli, na ya haana vihaanwa ku vimoli vya ya lomba: na ya vika ha Betheli avasalisi va hadiguluku ha ya lomba.,
Halala na yaga Jehu si ya leka kulonda ubwoni bwa Jeroboam mwana wa Nebati, bwa ya gotidzira ku Israeli, nabwo bu veye, vifwananyi vyethahabu vyevimoli vya li mu Beth-eli, nomu Dan.
Na kalunu mu gana gana mu la gayabwami bwa Yahova mu makono gavana va Daudi; na mwinye mu veye kiduma kinene, kandi vimoli vyethahabu vi veye halala nemwinye, vya Jeroboam ya mu lombera kuva avanyasaye venyu.
Nemiyinzi gyomusidza wokuvadza magina, u la vadza magina yaga gaviri, kuli livadzwa lyomuhuri, u la vadza ndiyo ameta ga vana va Israeli: u la ga lomba kuvikwa mu viduku vyethahabu.
Kunangwa avandu lwa va lola Musa u lindagiye kutwula mu kigulu, avandu vevugannya avene ku Haruni, ni va mu volera, Vuka, u ku lombere vanyasaye, ava kwimirira; kigira ku makuva ga Musa uyu, mundu wa ku leta kutwula mu kivala kya Egepeti, si ku manya kya mu gwira.
va girunkani bwangu kuleka inzira ya nda va laga: velombeye kifwananyi kyekimoli kyobunyinda, nokukisigamira, nokukiitira tsisadaka, na va voye, Yivi navanyasaye vovo, O Israeli, ava kwanegiridza kutwula mu kivala kya Egepeti.
Na mu lononnya kyakunika ku vifwananyi vivyo vya vadzwa vyefetha, na kyafuma ku vifwananyi vivvo vya longwa vyethahabu: u la vi syuva kuli kindu kidamano; na u la vola, Twula hano.
Ava twulidzanga ithahabu mmuya bugira kugera, nokugera ifetha ku tsiratili, va langanga mutuuli wethahabu, naye a tuula vindu zana nokuvikola munyasaye; va gwa hasi, yee va mu sigamira.
A kikiri kuleka amalaya gege kutwula ku madiku ga Egepeti; kigira inyinga yobusoleli bwibwe va gona naye, nokuhamba ku tsimbeere tsyolukana lwilwe: na va tsuka malaya gavo kuye.
Avamenyi ba Samaria va la va nobutii kigira vimoli vya Bethaven; kigira avandu velidala yilyo va la lisyomera, avasalisi valyo ava sangala kulyo, kigira ubukumi bwalyo, kigira bu twuli kulyo nokulileka.
Na kalunu va kolanga ubwoni kuvita, na velombeye vifwananyi vyokulongwa vyefetha yavo kali vifwananyi zana vi veye kuli iimanya lyavo avene, vyosi vi veye likola lyavasidza: va volanga ku makuva gavyo, Avasatsa va haananga vihaanwa va buse vi moli.
Kunangwa kwinye ni ku va visukululwi vya Nyasaye, si bu li bulahi ku ganagana Nyasaye a fwana ithahabu, kinga ifetha, kinga ligina, vya kongwa nobusidza nobugeeri bwavandu.
Na nda lola, henza, mwinye mu koli ubwoni ku Yahova Nyasaye wenyu; mu lombi kimoli kyalongwa: mu girunkana nonoho kutwula ku inzira ya Yahova ya mu laga.
Na Gideoni ya va volera, Inze mbeye nelyenya lyange lya nyenyanga ku mwinye, li veye avandu sa mulala ya mbe tsimingiri tsyommatu tsyelilanya lilye. (Kigira va li netsimingiri tsyommatu tsyethahabu, kigira va li Vaishmaeli.)
Na Gideoni ya lomba kisibao, na ya ki vika mu lidala lilye, lidala lya Ofira: ma Israeli vosi va kola ubuheyi mulilonda lyakyo; nakyo kya duka kuva mutego ku Gideoni noku inyumba yeye.