Kutwula 32:34 - KITABU KITAKATIFU

³⁴ Kunangwa kalunu u tsie, kwimirira avandu va duke ha nda ku voleye: henza, ingelosi wange a limira imbiri wowo; navutswa mu lidiku lya ndi va kalagira, nda va kalagira kigira ubwoni bwavo.

Kutwula 32:34 ပူးပေါင်းရင်းမြစ်များ

Zaburi 99:8

O Yahova Nyasaye wetu, ive wa va tivulira: Wa li Nyasaye wobusamehi kuvo, Navutsva wa vanza kisalya ku likola lyavo.

Kutwula 15:17

U la vingiridza, nokuvasimika mu kigulu kyemiyandu gyigyo, Hango, O Yahova, ha welombera, u duke kumenya ho, Hatakatifu, O Mwami, ha makono gogo ga singeridzi.

Kutwula 20:5

u ta vi sigamira mba, u ta vi tumekira mba; kigira inze Yahova Nyasaye wowo mbeye Nyasaye wokukendeka, u vikanga ubudamano bwavadada ku avana, kuduka ku likula lyakavaka kinga lya kane ku yavo ava dunyira inze,

Kutwula 23:20

Henza, ntumanga ingelosi u ange imbiri wowo, a ku linde ku inzira, nokukuleta wingire ha nku lombeye.

Kutwula 3:17

Kandi mmali kuvola, Nda mu leta mwanegire kutwula mu busaliri bwa Egepeti, nokumuvika mu kivala kya Avakanani, na Avahiti, na Avaamori, na Avaperizi, na Avahivi, na Avajebusi, mu kivala ki gangalukanga amaveere na bwuki.

Kutwula 33:12

Na Musa ya volera Yahova, Henza, u mbolera, Wanegiridze avandu yava: na u vuli kummanya ni bwaha wa u li tuma halala ninze. Na u voye, Nku manya lieta lilyo, kandi u nyoye tsimbabasi imbiri wange.

Kutwula 33:2

na nda tuma ingelosi imbiri wowo, na nda kunga Avakanani, na Avaamori na Avahiti, na Avaperizi, na Avahivi, na Avajebusi:

Isaya 63:9

Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

Jeremia 14:10

Yahova a volera avandu yava likuva yili, Ni ndiyo va yanzi kuvoyavoya; si va gaya virenge vyavo: kigira yaga Yahova si ya va bugirira mba; kalunu a lidzulitsa ubudamano bwavo, nokuvanza kisalya ubwoni bwavo.

Jeremia 23:2

Kunangwa Yahova Nyasaye wa Israeli, a vola ndi, ku avayi avayanga avandu vange: Mu salannyi kyayo kwange, nokugakunga, na si mu tsiye kugo; henza, nda leta ku mwinye ubudamano bwevikolwa vyenyu, Yahova a vola.

Jeremia 5:29

Si ga ndukira kuvanza kisalya ku vindu kuli yivi? Yahova a vola; mwoyo gwange si gu levanzira kisalya ku ihiri kuli yiyi?

Jeremia 5:9

Si ga ndukira kuvanza kisalya ku vindu kuli yivi? Yahova a vola; mwoyo gwange si ndevanzira kisalya ku ihiri i veye kuli yiyi?

Hosea 8:13

Mu makuva gevihaanwa vyevisyuviriru vyange, va haana inyama nokugilia; navutswa Yahova si a va bugirira; kalunu a lidzulitsa budamano bwavo, nokuvika kuyo ubwo ni bwavo: va lirana Egepeti.

Amosi 3:14

Kigira mu lidiku lya ngalukidza mahyolo ga Israeli kuye, lidiku yilyo nda vanza agoku bwali bwa Betheli; netsinziga tsyobwali tsi la twulidzwa, na tsi la gwa hasi.

Amosi 3:2

Mwinye veng'ine va nda manya ku bwiko bwosi bwomu lirova: kuna ngwa nda galukidza ku mwinye ubudamano bwenyu bwosi.

Livalidza 20:16

na lwa kwanira Yahova, ya hulira mwoyo gwetu, nokutuma ingelosi, na a ku leta kutwula mu Egepeti: na henza, ku veye hano mu Kadesh, lidala lyekiheri kyolwako lulwo.

Matayo 23:35

amasahi malungi gosi aga tadza mu lirova ga duke kuva ku mwinye, kutwula ku masahi ga Habili mulungi kali kuduka ku masahi ga Zekaria mwana wa Barakia, wa mwiitira hagati ha hatakatifu nobwali.

Kwidzulitsa 32:35

Kisalya ni kyange, nokutunga, Inyinga yekirenge kyavo ki la terera: Kigira lidiku lyekivi kyavo li veye himbi Nevindu vi veye kuduka kuvo vi la kola bwangu.