Kutwula 32:32 - KITABU KITAKATIFU

³² Navutswa kalunu nu u va nu u nyala kusameha ubwoni bwavo naho ni ga ta li ndiyo, nku saala, mwadza weye inze kutwula mu kitabu kikyo kya u ng'odi.

Kutwula 32:32 ပူးပေါင်းရင်းမြစ်များ

2 Samweli 18:33

Nomwami yegosa ligali, na a nina igulu mu inyumba i veye igulu wekiribwa na a lira: naye lwa ya li na a tsitsanga ya vola makuva yaga, O mwana wange Abisalom, mwana wange, mwana wange Abisalom ngano ninze wa kudza mbugono bubwo, O Abisalom, mwana wange, mwana wange.

Zaburi 139:16

Tsimoni tsitsyo tsya ndola ni nkikiri kulombwa; Na mu kitabu kikyo vivero vyange vya ng'odwa vyosi, Kali madiku aga volwa ku inze, Lwa vi kikiri kuva yo.

Zaburi 56:8

Ive u validza livoyavoya lyange: U vike maliga gange mu ichupa yoyo; Si ga veve mu kitabu kikyo?

Zaburi 69:28

Veywe kutwulidzwa mu kitabu kyelivamwoyo, Va vule kwng'odwa halala na ayalungi.

Kutwula 32:10

kalunu u ndeke ubutima bwange bwaake ligali kuvo, na mba dividze: ma nda kola ive kuva ihiri inene.

Isaya 4:3

Na ga la duka, uyu wa lekwa mu Zioni, na uyu wa tigala mu Yerusalemi, a la langwa mutakatifu, kali sa mulala wa ng'odwa mu yavo ava veye mwoyo mu Yerusalemi:

Ezekieli 13:9

Mukono gwange gu la va ku vaprofeti va lolanga vindu vya vutswa, ava segetiranga ububehi: si va la va mu makuva gavandu vange, kandi si va la ng'odwa mu mang'oda genyumba ya Israeli, kandi si va lingira mu kivala kya Israeli, na mu la manya inze mbeye Mwami Nya saye.

Danyeli 12:1

Kandi inyinga yeyo Mikaeli a la singira, munene ku vanene u singirira avana vavandu vovo, kandi ha la va nenytnga yekivi kinene, ki ta li ho nekindi ki leng'ana nakyo kutwula inyinga ihiri ya tanga kuva ho kuduka ku inyinga yeyo; kandi inyinga yeyo avandu vovo va la honywa, samulala u li nyoleka kuva mung'ode mu kitabu.

Amosi 7:2

Na ga duka, lwa tsya mala kulia bunyasi bwekivala, hene yaho nda vola, O Mwami Nyasaye, nku saala ligali, u samehe: Yakobo a la singira ndi? Kigira a veye muke.

Malaki 3:16

Kunangwa avatidzanga Yahova va volerana avene na avene. Na Yahova ya tegidza gutu, na a hulira, kandi kitabu kyelidzulitsa kya ng'oderwa imbiri wewe, kya yavo avatidzanga Yahova, nokuganagana lieta lilye.

Malaki 3:17

Navo va la va avange, Yahova wa mahe a vola, mu lidiku yilyo, lya ntovola miyandu gyange; na nda va vererera, kuli mundu a verereranga mwana wewe u mu tume kiranga.

Livalidza 11:15

Nu u va nu u nkolera ndiyo, u nziite ligali, mwadza, ni mba ni nyoye tsimbabasi imbiri wetsirnoni tsitsyo; mbule kulola ubudamano bwange.

Livalidza 11:25

Na Yahova yika mu lilesi, na a mu volera, na a vugula ku Roho wa li ku Musa, na a mu vika ku avakulundu makumi gatano na gaviri: na ga duka, lwa Roho yika kuvo, va profeta, navutswa si va kola ndiyo kandi.

Livalidza 14:19

Mwadza, u samehe ubwonl bwa avandu yava, kuli ubunene bwetsimbabasi tsitsyo, kuli u samehi avandu yava, kutwula Egepeti, kuduka lero ndi.

Luka 10:20

Navutswa mu ta yanza kigira roho gyegehidza ku mwinye, navutswa mu yanze kigira ameta genyu ga ng'odeywi migulu.

Luka 23:34

Kandi Yesu ya vola Dada u va samehe, kigira si va manya ga va kola. Va gavana tsingubo tsitsye ni va kola ikura.

Varumi 9:3

Kigira nyala kuyanza inze mwene mbe wa laamwa kutwulidzwa ku Kristo kigira avamwavo vange, avika ku lugano lwomubiri;

Kwidzulitsa 25:19

Kunangwa ga la va, lwa Yahova Nyasaye wowo a ku sosidza ku vasigu vovo vosi, mu kivala kya Yahova Nyasaye wowo a ku ha ki ve miyandu gya u gumira, hene yaho u twulidze lidzulitswa lya Amaleki isi weligulu; u tivirira mba.

Kwidzulitsa 29:20

Yahova si a li msameha, navutswa inyinga yeyo ubutima bwa Yahova nelikendeka lilye vi la vuya mwoki ku mundu uyu, nevilaamo vyosi vya ng'odwa mu kitabu yiki vi la menya kuye, na Yahova a leya lieta lilye isi weligulu.

Kwidzulitsa 9:14

u ndeke, nduke kuvadividza, nokweya lieta lyavo isi weligulu; na nda kola ive kuva ihiri yetsiugulu nenene kuvita yava.

Vafilipi 4:3

Nyee, nyenya ive kandi, musangi wange weligali, u konye avakali yava, kigira va linda ivangeli halala na inze, kandi Kilementi, kandi avandi ava kola miyinzi halala na inze, avameta gavo ga veye mu kitabu kyelivamwoyo.

Likunula 17:8

Inyama ya wa lola ya li ho, si i veye ho; kandi i veye himbi kutwula mu bogo nokutsia mu lidiva. Kandi ava menya ku lirova va la genya, vava avelieta lyavo lya vula kung'odwa mu kitabu kyelivamwoyo kutwula inyinga lirova lya lombwa muse, inyinga va lola inyama, kuli wa ya li ho, kandi ai ya veye ho, kandi a la va ho.

Likunula 21:27

kandi ku vyosi ki veye kinyaviru, kandi uyu u kolanga livihiriridza nobubehi si va lingira mba: navutswa yava ava ng'odua mu kitabu kyelivamwoyo.

Likunula 22:19

kandi ku vosi mundu na a va na a twulidza ku makuva gekitabu kyobuprofeti yibu, Nyasaye a la twulidza lisanga lilye ku musala gwelivamwoyo, nomu lidala litakatifu, vi ng'odeywi mu kitabu yiki.

Likunula 3:5

Uyu u guutanga a la vikwa ndi tsingubo tsindavu; na inze si ndeya lieta lilye mba mu kitabu kyelivamwoyo, kandi ndeyama lieta lilye imbiri wa Dada wange, kandi imbiri wetsingelosi veve.