Kutwula 32:28 - KITABU KITAKATIFU

²⁸ Na avana va Levi va kola kuli likuva lya Musa: na va gwa ku lidiku yilyo kuli avandu tsielfu tsivaka.

Kutwula 32:28 ပူးပေါင်းရင်းမြစ်များ

Zaburi 99:8

O Yahova Nyasaye wetu, ive wa va tivulira: Wa li Nyasaye wobusamehi kuvo, Navutsva wa vanza kisalya ku likola lyavo.

Kutwula 32:27

Na a va volera, Yahova, Nyasaye wa Israeli a vola ndi, Mwebohe sa mulala kivavi kikye mu kikenge kikye, na mu vite yiyi na yiyi kutwula ku kiribwa yiki kuduka mu kiribwa kindi hagati hokusosa, na mwiite sa mulala amwavo wewe, na sa mulala wakye wewe, na sa mulala mutende w ewe.

Kutwula 32:29

Kandi Musa ya vola, Mwevike ku Yahova lero, sa mulala ku muyai wewe, na sa mulala ku amwavo wewe; a duke kumuha ubugasu lero.

Kutwula 32:35

Na Yahova ya kuya avandu, kigira va lomba kimoli, kya Haruni ya lomba.

Livalidza 16:41

Navutswa mugamba livugana lyosi lya avana va Israeli va monya Musa na Haruni, ni va vola, Mwinye mwiiti avandu va Yahova.

Livalidza 25:7

Na lwa Finehasi, mwana wa Eleazaru, mwana wa Haruni musalisi, ya gi lola, ya twula hagati helivugana, na a gumira litimu mu mukono gwigwe;

Livalidza 35:8

Na ku madala aga mu li ha gemiyandu gya avana va Israeli, ku yaga aga veye manyingi mu la vugula manyingi; na ku aga veye makekeke mu la vugula makekeke: ku vosi sa mulala kuli miyandu gyigye gya a nyola a la ha Avalevi ku madala gege.

1 Vakorintho 10:8

Kandi ku ta kola malaya kuli avandi kuvo va kola, ni va gwa lidiku lilala avandu tsielfu amakumi gaviri na tsivaka.

Kwidzulitsa 33:9

Wa vola ku dada wewe, noku mama wewe, Si nda mu lola Kandi si a bugirira avamwavo veve, Kandi si ya manya avana veve mwene: Kigira va linda likuva lilyo, Navo va gumira lilagana lilyo.