Kutwula 32:22 - KITABU KITAKATIFU

²² Na Haruni ya vola, Ubutima bwomwami wange bu taaka mba: ive u manya avandu yava, va veye nomwovo gwokukola ubudamano.

Kutwula 32:22 ပူးပေါင်းရင်းမြစ်များ

Litanga 44:18

Hene yaho Yuda yisunda himbi kuye, na a vola, O mwami wange, Nku goonya u ndeke inze mutumekiri wowo, mbole likuva mu amatu gomwami wange, na ubutima bwubwo bu ta duka ku mutugwa wowo; kigira ive u veye kuli Farao.

Zaburi 36:4

A ganagana ubudamano ku kitali kikye; Yevika mwene ku inzira i ta liindahi; Si a dunyira ububi mba.

Kutwula 14:11

Na va volera Musa, U ku twulidzi mu kivala ku kudzire migendinyama, kigira vilindwa si vi veye mu Egepeti? Kigira ki u ku i koleye yaga, kukutwulidza mu Egepeti?

Kutwula 15:24

Na avandu va monya Musa, ni va vola, Ku la nwa ki?

Kutwula 16:20

Navutswa si va hulira Musa; navutswa avalala kuvo va ki tigalidza kuduka mugamba, na kya gwa netsing'ende, nokufunya ububi: na Musa ya va vihirirwa.

Kutwula 16:28

Na Yahova ya volera Musa, Mu la sula kugumira malago gange na makuva gange kuduka inylnga ki?

Kutwula 32:1

Kunangwa avandu lwa va lola Musa u lindagiye kutwula mu kigulu, avandu vevugannya avene ku Haruni, ni va mu volera, Vuka, u ku lombere vanyasaye, ava kwimirira; kigira ku makuva ga Musa uyu, mundu wa ku leta kutwula mu kivala kya Egepeti, si ku manya kya mu gwira.

Kutwula 32:21

Na Musa ya teva Haruni, Avandu yava va kola ndi ku ive, u duke kuleta kuvo ubwoni bunene?

Tsing'ano 4:16

Kigira si va gona tsindolo, ni ga ta li va koli ubudamano; Na tsindolo tsyavo tsi twulidzwa kuvo, ni ga ta li vikigitalidza umundu.

Kwidzulitsa 31:27

Kigira mmanya ubutingu bubwo, neligoti lilyo lidinyu: henzi, inze nkikiri myoyo halala nemwinye lero mu gwiye avatingu ku Yahova, nasindi lwa mmala kukudza?

Kwidzulitsa 9:24

Mwa li nobutingu ku Yahova kutwula lidiku lya nda tanga kumanya mwinye.

Kwidzulitsa 9:7

Widzulitse, u tivirira mba, kuli wa vihiriridza Yahova Nyasaye wowo mwigendanyama: kutwula ku lidiku lya wa twula mu kivala kya Egepeti, kuduka lwa mwingira hano, mwa tinguha ku Yahova.

1 Samweli 15:15

Na Saulo ya vola, Yavo va tsi leta kutwula ku Vaamaleki: kigira avandu yavo va tsi leka mwoyo magondi netsing'ombe tsya li tsindahi, va duke kwiitira Yahova Nyasaye wavo isadaka: netsindi kwa tsi dividza ligali.

1 Samweli 15:21

Navutswa avandu va vugula ku vilanye, amagondi netsing'ombe, tsya li tsindahi mu vindu vya duka kwononywa, kuhaana ku Yahova Nyasaye a wowo kihaanwa ha Gilgali.

1 Samweli 15:24

Na Saulo ya volera Samweli, Inze nkoli ubwoni; kigira ndononnya lilaga lya Yahova, namakuva gogo, kigira nda tia avandu, nokuhulira mwoyo gwavo.